Apocalipsis 12:10 - Nuevo Testamento Uwotjüja

¹⁰ Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ ja̧'a̧ttö̧ ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ päina'a: —Ttö̧ja̧ suronä jȩttö̧ jȩpö̧ icuähuä'inä, Dios ujuru'inä, Tä̧do̧ ä̧cua̧ Dios hueähuä'inä, I̧tti̧ Cristo hueähuä'inä täcö ichäja'a. Ujutu tö̧jä̧hua̧tö̧rö̧ Tä̧do̧ ä̧cua̧ Dios ä'ca jo̧mȩttö̧ mo̧ro̧'i̧nä̧, yodo'inä suronä ucuocuinömä, täcö ya'opö tticuinäcu.

Apocalipsis 12:10 ပူးပေါင်းရင်းမြစ်များ

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Mateo 6:10

kuruwo i'kächi. Mo̧ro̧jä̧ra̧'a̧ttü̧ kuju'komȩnä̧ jȩ'ku̧ta̧'a̧nü̧ pi̧jä̧nä̧'i̧nä̧ jȩpi̧.

San Lucas 11:2

Jesú-mä̧ päinä̧u̧: —Dio-rü kukuokuätukuomȩnä̧mä̧ pa̧'a̧nü̧ kukuokuätukuajä̧: Ujutu Tä'o mo̧ro̧jä̧nä̧ kkü̧mä̧, ukurutä isopäi'ünä̧ Dio ja̧'a̧ pä'ü ttu̧wo̧juä̧cha̧ pä'ätüjä̧. Ja̧'wa̧nü̧ ja̧'a̧ttü̧ «Tu̧ru̧wa̧ rey jü̧nä̧ ichi.»

San Lucas 22:31

Ja̧'wa̧ta̧nü̧ Tu̧ru̧wa̧mä̧ pä'inü̧: —Simón, Simón Satanás-mä̧ trigo yȩ'ȩpü̧ ttikua'a jä̧'i̧nü̧'a̧nü̧ yȩ'ȩpü̧ ikuätukuaku pä'ü jä'epäji.

1 Corintios 5:4

Tu̧ru̧wa̧ Jesucrito i̧mi̧nä̧ ja̧'wa̧ta̧nü̧ Tu̧ru̧wa̧ Jesucrito ujurunä̧ ka̧ka̧ku̧ pȩjä̧mä̧tu̧kui̧, ttü'i̧nä̧ ukututäku 'kä̧dä̧wä̧rä̧kua̧sä̧ epíritu-nä̧tä̧,

2 Corintios 12:9

Ja̧'wa̧nü̧ jädepomȩnä̧ ädätinä̧ku̧sä̧: «Ppädäda'anä̧tä̧'i̧nä̧, jo̧mȩnü̧ ja̧'a̧, isopäi'ünä̧ ttü chujurumä̧, ttijuiyüwuönä̧ adiu juoächa'a.» Ja̧'wa̧nü̧ ja̧'a̧ttü̧, cha̧mi̧ 'kuädünä̧tä̧ rü̧ȩnä̧ eseusä, jua'amä̧, Crito ujuru ttünä̧ kka̧ pä'ü.

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

Apocalipsis 2:26

Ja̧'wa̧nü̧ ja̧'a̧ttü̧ surojü abo 'kuä'o'ü rüjí mo̧ro̧bü päi'ünä̧ ttü chaditäwä 'chu̧'ä̧rä̧kuä̧u̧ru̧mä̧, ttü̧ja̧ tti̧rȩji̧yä̧ o'kajuiyünä̧ wettünä̧ ttukuo chi̧yä̧kuä̧u̧,

Apocalipsis 7:10

Ja̧'wa̧nü̧ ja̧'a̧ pä̧i̧ku̧nä̧ wopinä̧tü̧: «¡Ra̧wä̧pi̧jü̧ttü̧ kki̧'i̧kuä̧mä̧ tu̧ru̧wa̧ Dio, ruwo deäkänä̧ pü̧ jäwätä ja̧'a̧, ja̧'wa̧ta̧nü̧ oweja mü̧ä̧ya̧ wa̧ jäwätä ja̧'a̧!»