Apocalipsis 11:18 - Nuevo Testamento Uwotjüja

¹⁸ Ukuru esetokotümä̧, rü̧ȩnä̧ tta̧mi̧ sura'a, ja̧'wa̧nü̧ ja̧'a̧nä̧ ji̧yȩ mo̧ro̧ rȩbȩä̧kuä̧wa̧'a̧, pä̧i̧ku̧nä̧, usurä ttȩmä̧u̧nä̧ ro̧kuȩpä̧kuȩ mo̧ro̧, «Jua̧u̧nü̧ mo̧ro̧mä̧, wa'ü ikuinä̧tü̧ o'katoi'ünä̧rü̧ jȩtti̧nü̧ adiu ja̧ pä'ü'i̧nä̧, surojü ja̧ pä'ü'i̧nä̧ pä'ü ku̧ju̧nä̧kua̧jä̧. Profeta winä̧tü̧rü̧, ku̧mü̧wä̧yotürü, ukuotätürü, ruwotürü'i̧nä̧, usurä isotürü'i̧nä̧ adiwä juei kuiyä'chä̧kua̧jä̧. Ja̧'wa̧nü̧ jȩpü̧ pi̧jä̧ rȩjȩ surojuo'epätürü, si'epü kui̧kuä̧kua̧jä̧.»

TÄ̧DO Ä̧CUÄ̧ I̧HUȨNȨ

¹⁸ Korotö ttö̧ja̧ ra̧huä̧rä̧tö̧. Ja̧'hua̧nö̧ ja̧'a̧nä̧ ucu cu̧tä̧bo̧tö̧ mo̧ro̧ päi'a'a. Ja̧'hua̧ta̧nö̧ hua'ö icuinätörö: “Ucu adiu jȩpö̧jä̧”, “Ucu suronä jȩpö̧jä̧” päcu mo̧ro̧ päi'a'a. Ucutä cumöhuäyotö, ucu huecumä ucuocuätörö, adihuä juäi cui̧yä̧cua̧jä̧. Ucuru adiunä esehuätö'inä, cui̧mi̧ ucuotätö'inä, usurä isotö'inä, järe ruhuotö'inä ucuru esetätörö adihuä juäi cui̧yä̧cua̧jä̧. Korotö pi̧jä̧ be'epäjipö tticua pä'ö jȩpä̧tö̧rö̧, bettipächönä to'ädö cuicuometä päi'a'a.

Apocalipsis 11:18 ပူးပေါင်းရင်းမြစ်များ

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

San Lucas 1:50

Dio-mä̧ 'kuäopünä̧tä̧ rȩrü̧jü̧ topü churutä ukuotätürümä̧ kkorotü, kkorotünü̧ 'kuäopa'anä̧.

Hebreos 9:27

Ja̧'wa̧nü̧ ja̧'a̧ttü̧ o'katoi'ünä̧ ya'utenä̧tä̧ 'korujuottächünä̧ pä'ü kku̧nä̧wa̧'a̧, juȩnȩ o'komȩnä̧mä̧ Dio ü'ojo'ü mo̧ro̧tä̧ ichäkua'a.

Apocalipsis 10:7

Ja̧'wa̧nü̧ ja̧jü̧ jueimä̧, kko̧ro̧mü̧ttü̧nü̧ á̧gȩ i̧wȩnȩ rä̧mi̧po̧mȩnä̧mä̧, iäre trompeta ppüomȩnä̧mä̧, Dio jäwä uwäwokü ji̧nü̧mä̧ jo̧mȩnü̧ päi'äkua'a, umüwäyotü profeta wotünä̧ jareü wȩnȩ ukuokuinü̧mä̧.

Apocalipsis 11:2

Ja̧'wa̧nü̧ ja̧'a̧nä̧, u̧mi̧nä̧mä̧ ku̧'a̧to̧ka̧'a̧ kku̧ni̧pi̧, juȩnȩmä̧ judío pokotürü iyäwi'ino̧mȩ; juätütä wettäkuomȩ ütawiyä surojü juiyomȩmä̧, cuarenta y do-nü̧ kkä̧wa̧tü̧ jo̧mȩnä̧.

Apocalipsis 13:10

«Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Apocalipsis 13:16

We'inü̧ o'katoi'ünä̧rü̧, ppo̧'ä̧tü̧rü̧'i̧nä̧, tä̧mü̧rü̧'i̧nä̧, ruwotürü'i̧nä̧, usurä isotürü'i̧nä̧, ttumüwäyotürü'i̧nä̧, ttu̧wo̧juȩtä̧u̧ pokotürü'i̧nä̧, ttu̧wo̧jua̧'a̧ku̧ i̧sä̧mü̧ ttu̧mü̧nä̧ ja̧'wa̧nü̧ jü̧ juiyüttü'i̧nä̧ tti'änä̧ kkorojuei wȩyu̧ku̧ ttütä'chatü pä'ü.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

Apocalipsis 15:7

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ, kko̧ro̧mü̧ttü̧nü̧ ta̧ju̧ wotü á̧gȩrȩ ya̧ku̧nä̧rü̧ iyinü̧, oro o̧'ta̧ yo̧'ta̧ku̧nä̧, Dio ü̧ra̧wä̧rü̧ su̧'pȩnü̧ ȩka̧'a̧, Jua̧u̧ Dio-mä̧ mo̧ro̧ kki̧ä̧mü̧nä̧ kkü̧ ja̧'a̧ttü̧.

Apocalipsis 18:6

Juäjurumä̧, kkorotürü kkiyinü̧ ta̧'a̧nü̧ iyätukuiju; suronä̧ jȩji̧nü̧ttü̧'i̧nä̧ todäre jo̧mȩnä̧ kki̧mi̧täunä̧ jȩpä̧tu̧kui̧ju̧; kkorotürü kkaja pä'ü wiwatü kkiyino̧mȩttü̧'i̧nä̧, todäre jo̧mȩ yabonä̧ reünä̧ wiwatü iyätukuiju;

Apocalipsis 19:15

Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.

Apocalipsis 19:18

ruwotü ttidepä'i̧nä̧, su̧ro̧do̧u̧ tturuwotü ttidepä'i̧nä̧, ttü̧ja̧ juruwätü ttidepä'i̧nä̧, cabayu-tü̧ ttidepä'i̧nä̧, juätünä̧ wä̧tü̧ ttidepä'i̧nä̧, o'katoi'ünä̧ ttidepä'i̧nä̧; ttiweyenä̧ kka̧kuä̧tü̧ ttidepä'i̧nä̧, usurä ttȩmä̧u̧nä̧ wȩttä̧u̧ ttidepä'i̧nä̧, ppo̧'ä̧tü̧ ttidepä'i̧nä̧, tä̧mü̧ ttidepä'i̧nä̧, kukuätukua,» jü̧nä̧ rä̧mi̧pi̧na̧'a̧.

Apocalipsis 19:5

Ja̧'wa̧nü̧ ja̧'a̧, ruwo dȩä̧kä̧ttü̧ ji̧yȩtȩ rä̧mi̧pi̧na̧'a̧: «¡O'katoi'ünä̧ umüwäyotü wotümä̧ o'katoi'ünä̧ ukuotätümä̧, tä̧mü̧'i̧nä̧, ppo̧'ä̧tü̧'i̧nä̧ Dio-rü eseäkuäwätukui!»

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 22:12

«A̧, jitätä ja̧'a̧ku̧ ichüsä ja̧'wa̧ta̧nü̧ premio pättü'i̧nä̧ i'kächüsä ya̧ku̧nä̧rü̧ jȩtti̧nü̧ a̧kuä̧ chiyä'chä̧kuemä̧.