Apocalipsis 1:16 - Nuevo Testamento Uwotjüja

¹⁶ U̧mü̧ u̧wo̧jua̧'a̧ku̧ i̧sä̧mü̧nä̧mä̧ si̧ri̧'kü̧ kko̧ro̧mü̧ttü̧nü̧ ta̧ju̧ wotürü 'chu̧'ä̧ri̧nü̧ ja̧'wa̧ta̧nü̧ ättümä̧ kurodä päteku so̧dä tä̧o̧dä räopina̧'a̧. Ja̧'wa̧ta̧nü̧ ü'ämä̧ kkä̧wa̧ rü̧ȩnä̧ kkȩdȩpo̧mȩnä̧ kkä̧dȩpa̧'a̧ jä̧'i̧nü̧'a̧nü̧ kkä̧dȩpi̧na̧'a̧.

TÄ̧DO Ä̧CUÄ̧ I̧HUȨNȨ

¹⁶ U̧mö̧ uhuo̧jua̧'a̧nä̧ ko̧ro̧mö̧ttö̧nö̧ ta̧ju̧ si̧ri̧'cö̧rö̧ 'chu̧'ä̧ri̧nö̧. Ättö curodä, pätecu sa̧huȩcuodä, räopina'a. Ö'ämä, mo̧ro̧ kä̧hua̧ o'ca juiyönä ujurunä tȩa̧u̧'a̧nö̧ tȩa̧hui̧na̧'a̧.

Apocalipsis 1:16 ပူးပေါင်းရင်းမြစ်များ

San Mateo 17:2

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

Hechos 26:13

Ja̧'wa̧nü̧ chi̧'cha̧'a̧ jakuänä̧, ¡ru̧wa̧ rey!, mä̧nä̧ kkä'kottü, kkä̧wa̧ jueü kkü̧rü̧ päia'a, mo̧ro̧jä̧ra̧'a̧ttü̧ tȩya̧u̧ kkȩdȩ'i̧na̧'a̧, kkä̧wa̧ttü̧'i̧nä̧ abonä̧nü̧ tȩya̧u̧ topinü̧sä̧, ujutumä̧ jakuätä päti'ünä̧.

Efesios 6:17

Ja̧'wa̧ta̧nü̧ ȩmä̧tu̧kui̧, surojüttü kki̧'ä̧kuä̧wä̧mä̧ ttünä̧ 'kiyäba ttu̧ju̧nä̧wa̧'a̧ jä̧'i̧nü̧'a̧nü̧ ja̧'wa̧ta̧nü̧ ȩmä̧tu̧kui̧ Dio i̧wȩnȩtä̧, jua̧u̧mä̧ Epíritu Sa̧tu̧ ukurodä jü̧nä̧.

Hebreos 4:12

Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 10:1

Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

Apocalipsis 19:15

Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.

Apocalipsis 19:21

Ja̧'wa̧ta̧nü̧ kkorotümä̧ to'e'ächinä̧tü̧, cabayu-nä̧ wuö̧ ättü räopodä kurodänä̧tä̧ ja̧'wa̧ta̧nü̧ o'katoi'ünä̧ ppi̧yu̧mä̧, juätü ttidepä kuä̧nü̧ eseäkuäwinä̧tü̧.

Apocalipsis 2:1

Éfeso-ra̧'a̧ igresia tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: u̧wo̧jua̧'a̧ku̧nä̧ u̧mü̧nä̧ kko̧ro̧mü̧ttü̧nü̧ ta̧ju̧ wotü si̧ri̧'kü̧rü̧ 'chu̧'ä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro jäwä 'kä̧tȩnä̧ kue'ächümä̧ pa̧'a̧nü̧ pä'ü:

Apocalipsis 2:12

Pégamo-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: kurodä päteku so̧dä tä̧o̧dä kku̧nä̧rü̧mä̧ pa̧'a̧nü̧ pä'ü:

Apocalipsis 2:16

Ja̧'wa̧nü̧ ja̧'a̧ttü̧, jua̧u̧ttü̧ kä'ädi'i; ja̧'wa̧nü̧ kä'ädi'ü ppa̧kuä̧chü̧ juiyüttümä̧, jitätä ja̧'a̧ chi̧chä̧kua̧sä̧, juätuku churowäwa pä'ü, chänä̧ kko̧dä kurodänä̧.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.