3 Juan 1:7 - Nuevo Testamento Uwotjüja

⁷ Juätümä̧ Jesucrito i̧wȩnȩ kka̧kuä̧mü̧ ji'äwätü, Dio-rü esetokotü ppättädümä̧ ȩmä̧wä̧ juiyünä̧.

TÄ̧DO Ä̧CUÄ̧ I̧HUȨNȨ

⁷ Jahuätö rä'opö 'chi̧nä̧tö̧ Jesucristo i̧huȩnȩ jittähua pä'ö. Ja̧'hua̧nö̧ tti̧'cho̧mȩnä̧, Jesucristorö esetocotöttö ȩmo̧co̧tö̧ recuä rö̧jö̧mä̧.

3 Juan 1:7 ပူးပေါင်းရင်းမြစ်များ

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

Hechos 20:33

Kkorotü ttiäre pärätä'i̧nä̧, pü̧jä̧ti̧yu̧'i̧nä̧, ttiyattü pä'ümä̧ pä'okü pä'ijüsä;

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

Hechos 8:4

Ja̧'wa̧nü̧ jä̧u̧ Jerusarȩ́-ttü̧ dü'ekuätümä̧, tti̧'cho̧mȩ pünä̧mä̧ o'kajuiyünä̧tä̧ jareü wȩnȩ ji'äwinä̧tü̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

1 Corintios 9:18

¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.

2 Corintios 12:13

Suronä̧ jȩchi̧nü̧ttü̧mä̧ eseku ikuätukuittü, kkoro igresia wotü jȩtta̧'a̧nä̧ jȩ'kuä̧tu̧kuo̧kü̧ ji̧nü̧mä̧, ji̧yȩtȩtä̧ ja̧'a̧: ukutu pärätä ppäkuädätukuattü pä'ümä̧ jä'epokü pinü̧sä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Filipenses 2:9

Ja̧'wa̧nü̧ iyäwina̧'a̧ttü̧ Dio-mä̧ o'kajuiyünä̧ u̧wä̧mȩnä̧ kku̧nu̧, o'kajuiyünä̧tä̧ i̧mi̧pi̧yä̧ kkü̧mä̧ u̧wä̧mȩnä̧ jȩi̧nä̧ku̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

3 Juan 1:8

Ja̧'wa̧nü̧ ja̧'a̧ttü̧ ujutumä̧, juätü ttaditäwämä̧ ppätädü'anü̧ ja̧'a̧, juätümä̧ ujututä ppätädäu̧ jü̧nä̧tä̧.

Apocalipsis 2:3

Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.