3 Juan 1:5 - Nuevo Testamento Uwotjüja

⁵ Cha̧wa̧ru̧wa̧ chi̧jä̧wa̧, adiwomȩnä̧ jȩpü̧jä̧ kkorotü tawaruwä tü̧jä̧wa̧tü̧rü̧ ppäkuäda'amä̧, ji̧nä̧somä̧ kko̧ro̧jä̧ttü̧ rȩbȩwä̧tü̧rü̧.

TÄ̧DO Ä̧CUÄ̧ I̧HUȨNȨ

⁵ Chö̧jä̧hua̧, ucu adiu jȩpö̧jä̧ tö̧jä̧hua̧tö̧rö̧ ppäcuhuädömä, kara'attö ichäcuähuotörö cuieruhuä̧u̧ru̧'i̧nä̧.

3 Juan 1:5 ပူးပေါင်းရင်းမြစ်များ

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

San Mateo 25:16

Ja̧'wa̧nü̧ jä̧ja̧'a̧, u̧mü̧wä̧ya̧ Cinco mil-nü̧ pärätä ȩmä̧ji̧ päjimä̧, ji̧yȩnä̧tä̧ aditü, yabonä̧nü̧ kkoro cinco mil-nü̧ jo̧mȩnä̧ pärätämä̧ ȩmi̧nü̧.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

Hebreos 13:2

Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

3 Juan 1:10

Ja̧'wa̧nü̧ ja̧'a̧ttü̧, chichomȩnä̧mä̧ ji̧dä̧wä̧kua̧, juiyo ujutu tütü'kü suronä̧ ukuokua'attü. Suro, jua̧u̧tä̧mä̧kü̧ kkara'attü rȩbȩä̧kuä̧wä̧tü̧ Jesucrito-rü esetätürü'i̧nä̧ ya̧'o̧kuä̧rü̧ jȩpü̧. Ja̧'wa̧ta̧nü̧ ttawaruwä ttü̧jä̧wa̧tü̧ tti̧chi̧yä̧u̧ do'ädätürü'i̧nä̧ igresia-ttü rä'epä'chü iku jȩpü̧, jua̧u̧mä̧.

3 Juan 1:3

Ja̧'wa̧ta̧nü̧ tawaruwä ti̧jä̧wa̧tü̧ yotukunä̧ ichäjä'kotü jueü wȩnȩnä̧ 'kiyünä̧ ku̧ja̧'a̧ jittäwa'a ä̧ju̧ku̧ rü̧ȩnä̧ esewäjisä.