2 Pedro 3:7 - Nuevo Testamento Uwotjüja

⁷ Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.

2 Pedro 3:7 ပူးပေါင်းရင်းမြစ်များ

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

San Mateo 11:22

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 11:24

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧, ukuturumä̧ sodoma ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Mateo 24:35

Mo̧ro̧jä̧'i̧nä̧, pi̧jä̧ rȩjȩ'i̧nä̧ beipächa'anä̧, ttü chi̧wȩnȩmä̧ beipächokü jä̧kuȩ.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Marcos 6:11

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, ttojusodenä̧ dottädoka'a, ä̧ju̧ku̧'i̧nä̧ ttä̧ju̧ku̧ juiyüttümä̧, ku̧jä̧pü̧tu̧ku̧ i̧sa̧ppȩ ppüsäu kuikuätukuajä̧. Ja̧'wa̧nü̧ jȩ'kuä̧tu̧kuo̧mȩnä̧, ttu̧wo̧juä̧kuo̧tü̧.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

Romanos 2:5

Ja̧'wa̧nü̧ ja̧'a̧nä̧, surojü käkuädi'ätukuoka'a, yaboku jarodi'ü jȩ'kuä̧tu̧ku̧ttü̧mä̧ Dio-mä̧ ukuturu ro̧ȩpä̧kuȩmä̧ yabonü̧ rü̧ä̧dä̧kua̧. Rüjí mo̧ro̧ päi'omȩnä̧ o'katoi'ünä̧rü̧ suronä̧ jȩtti̧nü̧ttü̧'i̧nä̧, adiu jȩtti̧nü̧ttü̧'i̧nä̧, jȩtti̧nü̧'a̧kuä̧ Dio-mä̧ pä'ü u̧ju̧nä̧kuä̧u̧,

1 Corintios 3:13

Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

Filipenses 1:28

kuaboiyotü pättä'chümä̧ yekuekuätukuä. Ja̧'wa̧nü̧ yekuekuätukuttümä̧, täkü juiyupätü pä'ü ttu̧wo̧jua̧'a̧ttü̧ ja̧'wa̧nü̧ ja̧'a̧nä̧ ukuturumä̧ ra̧wä̧pi̧jü̧ttü̧ kki̧'i̧kuä̧ wȩnȩ ja̧'a̧. Ja̧'wa̧nü̧ ja̧'a̧ttü̧, jua̧u̧mä̧ Dio-ttü ichü ja̧'a̧.

2 Tesalonicenses 2:3

Ya̧tȩ'i̧nä̧ üyaparewa'anä̧mä̧ kuiyäwätukuä; ji̧yȩnü̧ mo̧ro̧ jä̧kua̧'a̧ ä'kanä̧mä̧ Dio aboiyotümä̧ chutä Dio-ku ttürowäwäkuotü ja̧'wa̧ta̧nü̧ ttü̧ja̧sa̧ suronä̧ jȩpä̧'i̧jü̧mä̧ jua̧u̧nü̧ i̧jȩkuä̧chä̧kua̧, toe'ächa pä'ü pätetü kku̧nä̧wa̧mä̧.

1 Timoteo 6:9

Ja̧'wa̧nü̧ ja̧'a̧nä̧ ruwotü juotta pä'ätümä̧ äwettä ma̧ttä̧cha̧ pä'ü jȩpü̧ u̧ju̧no̧mȩ ma̧'ä̧chä̧tü̧, ja̧'wa̧ta̧nü̧ tta̧mü̧kuädoka'a pä̧wä̧rü̧jü̧nä̧ surojuoepä̧u̧mä̧, surojuo'ächü to'epächätü.

Hebreos 12:29

Isopäi'ünä̧ Tü̧ä̧nä̧wa̧ Dio-mä̧, okurä kuo'ü ttikuarä jü̧nä̧tä̧ wa̧.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

2 Pedro 3:12

Dio u̧mo̧ro̧ icha'anä̧ tta̧'a̧rä̧tu̧kui̧, ja̧'wa̧ta̧nü̧ jurunä̧nü̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, jua̧u̧nü̧ mo̧ro̧mä̧ mo̧ro̧jä̧mä̧ okuränä̧tä̧ si'epü ikuäwäkua'a ja̧'wa̧ta̧nü̧ juä̧jä̧nä̧ rü̧jü̧'i̧nä̧ okuräma̧ kkä'kottü jawächäkua'a.

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

Judas 1:7

Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.

Apocalipsis 17:11

I̧sa̧ büó betia ä̧kuo̧mȩnä̧ ü̧ji̧na̧'a̧nä̧, jitä kko̧kü̧ päjimä̧, juätü kko̧ro̧mü̧ttü̧nü̧ ta̧ju̧ ruwotü päjätü i̧sa̧ ja̧'a̧. Pä'äjita'anü̧ ruwo we'ü i̧chä̧kua̧, kko̧ro̧mü̧ttü̧nü̧ wäbodäkuä päi'ünä̧ ja̧'wa̧nü̧ ja̧'a̧nä̧, jo̧mȩnü̧, ya'utekutä si'epü ikuäwä̧kua̧.»

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 20:11

Ja̧'wa̧ta̧nü̧, ji̧yȩtȩ ruwo wȩä̧wä̧kä̧ rü̧ä̧kä̧ tȩä̧kä̧ topinü̧sä̧ ja̧'wa̧ta̧nü̧ juä̧kä̧nä̧ pü̧rü̧'i̧nä̧. Jua̧u̧ ä'ka jo̧mȩttü̧ pi̧jä̧'i̧nä̧, mo̧ro̧jä̧'i̧nä̧ o'kajuiyütä tipächina̧a'a̧, pä'äjita'anü̧mä̧ uwäu juiyünä̧tä̧.

Apocalipsis 21:1

Jua̧u̧nü̧ o'ka'a mo̧ro̧jä̧ ja̧rȩä̧jä̧'i̧nä̧, rȩjȩ ja̧rȩä̧jä̧'i̧nä̧ topinü̧sä̧; täkü ä̧kuo̧mȩnä̧ mo̧ro̧jä̧ ji̧nä̧jä̧mä̧, ä̧kuo̧mȩnä̧ rȩjȩ ji̧nä̧jä̧mä̧ juiyina̧'a̧ ja̧'wa̧ta̧nü̧ rü̧ä̧ aje'i̧nä̧ täkü juiyina̧'a̧.