2 Pedro 3:2 - Nuevo Testamento Uwotjüja

² Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

TÄ̧DO Ä̧CUÄ̧ I̧HUȨNȨ

² Täbocö adihuä Dios i̧huȩnȩ jiäcuähuä isotö jittähuinö huȩnȩ cunichi'ätucuä'. Ja̧'hua̧ta̧nö̧ Tu̧ru̧hua̧ hueähuä huȩnȩ, Jesús hue'ähuotö ttu̧huo̧juȩti̧nö̧ huȩnȩ'i̧nä̧ ucuturu ttu̧huo̧juȩti̧nö̧mä̧ cunichi'ätucuä'.

2 Pedro 3:2 ပူးပေါင်းရင်းမြစ်များ

San Lucas 1:70

Pi̧yȩmä̧ ä̧kuo̧mȩnä̧ttü̧tä̧ päi'ünä̧, Profetas jü̧nä̧ ȩmi̧nä̧u̧ ttänä̧, chi̧yä̧kua̧sä̧ pä'ü ukuokuinü̧tä̧ ja̧'a̧.

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 3:18

Ja̧'wa̧nü̧ ja̧'a̧nä̧, Dio umüwäyotü profeta-tü̧nä̧ ukuokuinü̧mä̧ 'kuäopina̧'a̧: Jua̧u̧ weäku Crito-mä̧ 'korujuoächä̧kua̧, pä'ü ukuokuinü̧ta'anü̧.

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Efesios 3:5

jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

1 Timoteo 6:14

O'kajuiyünä̧ wedümä̧ kukuota pä'ü wedäkujä̧, ya̧tȩ'i̧nä̧ suronä̧ ukuoku yapare ji'äu i̧wȩnȩtü̧ juiyaku pä'ümä̧. Pi̧yȩtä̧ jȩpü̧ kkä̧wi̧ Tu̧ru̧wa̧ Jesucrito pä'äjita'anü̧ ichomȩbü päi'ünä̧.

2 Pedro 2:21

Isopäi'ünä̧ juätü jueü mä̧nä̧ ttu̧wo̧jui̧'o̧ka̧'a̧ ji̧nü̧ttü̧tä̧ adiwaja'a, weäwä wȩnȩ surojü juiyü iyinü̧ttü̧ wo̧jui̧'ü̧'ko̧tü̧ ppa̧ttä̧chü̧ juiyäkua'anü̧.

2 Pedro 3:15

Ja̧'wa̧ta̧nü̧ tü̧ä̧nä̧wa̧mä̧ surojüttü ttü̧ji̧pi̧ya̧rü̧ pä'ü a̧mi̧'ki'ächi'ü tta̧'a̧rü̧. Ta̧wa̧ru̧wa̧ ti̧jä̧wa̧ Pauru'i̧nä̧ pi̧yȩtä̧ tü'kü wȩyu̧tu̧ we'inü̧ ukuturumä̧, wo̧juä̧wä̧ wȩnȩ jua̧u̧ru̧ Dio iyinü̧'a̧kuä̧.

2 Pedro 3:16

Ji'täkunä̧ i̧wȩyu̧ti̧nü̧ o'tänä̧mä̧ ukuturumä̧ pi̧yȩtä̧tä̧ ukuokuinü̧, ja̧u̧ttü̧mä̧ ttu̧wo̧jui̧pü̧ juiyünä̧ jü̧'i̧nä̧ kka̧'a̧, jerupätürümä̧ ja̧'wa̧ta̧nü̧ tta̧'kua̧ wȩnä̧rä̧kuä̧wä̧ jiyuwa'a jue'okotürümä̧, kkoro wȩyu̧kuä̧ wȩnȩ jueoka'a jü̧ta̧'a̧nü̧, jitütä tta̧mü̧nä̧ jäwänä̧ usurä ttȩmä̧u̧nä̧ päwi'äkuotü.

1 Juan 4:6

Ujutumä̧ Dio-ku kka̧kuä̧tü̧jä̧; ja̧'wa̧nü̧ ja̧'a̧ttü̧ Dio-rü wo̧jua̧mä̧, ujuturu ä̧ju̧ku̧. Ja̧'wa̧nü̧ ja̧'a̧nä̧, Dio-ku kko̧kü̧mä̧, ujuturu ä̧ju̧kuo̧kü̧. Ja̧'wa̧nü̧ jo̧mȩnä̧ wo̧juä̧tü̧jä̧ jueü wȩnȩ Epíritu-ru kku̧nä̧rü̧rü̧'i̧nä̧ ja̧'wa̧ta̧nü̧ yapare wȩnȩ Epíritu-ru kku̧nä̧rü̧rü̧'i̧nä̧, jü̧nä̧.

Judas 1:17

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧ ukutumä̧, Tu̧ru̧wa̧ Jesucrito weinä̧u̧ apótore ttukuokuinü̧ a̧mü̧kuä̧rü̧ kka̧kuä̧tu̧kui̧;

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.