2 Pedro 2:3 - Nuevo Testamento Uwotjüja

³ Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

TÄ̧DO Ä̧CUÄ̧ I̧HUȨNȨ

³ Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

2 Pedro 2:3 ပူးပေါင်းရင်းမြစ်များ

San Mateo 23:14

[¡Isottü̧ ukutu fariseo-we! weäwä wȩnȩ wo̧juȩkuä̧ isotü kuätukua'anä̧, rȩkua̧mü̧rü̧ usurä ttȩmä̧u̧nä̧ jȩpä̧tü̧jä̧; Dio-rümä̧ rekuo kukuokuätukua'anä̧, ä'koyättütä jȩpä̧tü̧jä̧; Ja̧'wa̧nü̧ jȩ'kuä̧tu̧kuo̧mȩnä̧, rü̧ȩnä̧ tä̧bo̧kuä̧kuo̧tü̧jä̧.]

San Lucas 18:8

Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?

San Lucas 20:20

Ja̧'wa̧ta̧nü̧ Jesú-ru 'chuttäda pä'ümä̧, ukuotätü 'kua̧rü̧nä̧ jȩpä̧tü̧rü̧ yä̧wȩi̧nä̧ we'inä̧tü̧; Chutä ukuoku ji̧yȩnä̧tä̧ wȩnȩtü̧ 'chu'ädü, Roma wȩ'ä̧wa̧ ru̧wa̧ gobernado-rü iyü ttikuarü pä'ü.

San Lucas 22:47

Jesú-mä̧ ji̧nä̧ ukuoku ü̧ja̧'a̧nä̧, ttü̧ja̧ rekuätü ichi'äkuäwinä̧tü̧. U̧wo̧juȩtä̧u̧ doce-nü̧ wotüttü, ya̧tȩ Juda pä'ü mi̧kua̧ ttä'kanä̧ o'ipü, Jesú-ru 'chu̧o̧pa̧ pä'ü tü'künä̧nü̧ ichi'inü̧.

San Juan 2:16

Ja̧'wa̧nü̧ u̧nu̧ku̧tu̧ru̧ iyä'chätürü pä'inü̧: —¡Pitürü'i̧nä̧ jȩpü̧ ikuätukui! Chä'o ojusodemä̧ kkorojuei iyäwodemä̧ juokuepätukuä.

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

1 Tesalonicenses 2:5

Ujutumä̧ ukutu kuesetätukuatü pä'ümä̧, ti̧wȩnȩmä̧ a̧'kua̧tü̧mä̧ ukuokuokotüjä̧ ja̧'wa̧ta̧nü̧ pärätä ja̧'a̧tȩ'ü̧mä̧ yaparetümä̧ jitäwo̧ko̧u̧jä̧. Dio topü ja̧'a̧ttü̧ wo̧jua̧ pi̧yȩ yapare pädoka'amä̧.

1 Tesalonicenses 5:3

Ttü̧ja̧: «wȩnȩmä̧ juiya'a, ra̧wä̧pi̧jü̧'i̧nä̧ juiya'a» pättomȩnä̧. Yotäku juätürümä̧ wa'are ichäkua'a, muchajuru kku̧ma̧du̧ba̧ barawächi'a'a jä̧'i̧nü̧'a̧nü̧. Ja̧'wa̧nü̧ ja̧'a̧ttü̧ jua̧u̧ttü̧mä̧ kka̧kui̧po̧ko̧tü̧ ttäkuotü.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

1 Timoteo 3:8

Ja̧'wa̧ta̧nü̧, Diákunu̧ wotümä̧ ttukuotä̧u̧tä̧ ja̧'a̧, pättümä̧ isopäi'ünä̧tä̧ ukuokuätü, tä̧'ä̧mä̧'cho̧ko̧tü̧, pärätä ttȩma̧ pä'ü'i̧nä̧ tta̧'kua̧ ro'ekuokotü.

1 Timoteo 6:5

ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

1 Pedro 2:8

Ja̧'wa̧ta̧nü̧ pi̧yȩ ja̧'a̧ kkoromä̧: «Ino'kimä̧, i̧nä̧wänä̧ ppeokuächäkua'a.» Ja̧'wa̧nü̧ ja̧'a̧ juätümä̧ i̧wȩnȩ jarodü ppe'okuächätü, ja̧u̧ ja̧'a̧ juätürü pä̧wä̧rü̧jü̧mä̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

2 Pedro 1:16

Tu̧ru̧wa̧ Jesucrito ujuru'i̧nä̧, ppa̧wä̧chä̧kuȩ'i̧nä̧ tu̧wo̧juȩti̧nü̧mä̧ täbo wȩnȩ ttü̧ja̧ rättepinü̧mä̧ jo̧ka̧'a̧ ji̧na̧'a̧, ja̧'wa̧nü̧ ja̧jü̧jueimä̧ tu̧ru̧wa̧ ü̧rü̧ä̧mä̧ ta̧mü̧nä̧ ti'ärenä̧ topinä̧tü̧jä̧.

2 Pedro 2:1

Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

Judas 1:15

o'katoi'ünä̧ suronä̧ jȩpä̧tü̧rü̧ ro̧'ȩpü̧, isopäi'ünä̧ Churutä suronä̧ wopinä̧tü̧rü̧ ro̧'ȩpü̧ icha'a.»

Judas 1:16

Juätü ttü̧ja̧mä̧ o'kajuiyünä̧tä̧ ttüjü'kü juiyünä̧ jä̧u̧ ukuokuätü. Jitürütä pä̧wä̧rü̧jü̧tä̧ iso juoatü pä'ätü. Ukuo te'äkuäutä ukuokuätü, kkorotü jäwä ttukuokuomȩnä̧mä̧ kkoro ja̧'a̧tȩ'ü̧ ttȩma̧ pä'ütä ukuokuätü.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

Judas 1:7

Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.