2 Juan 1:9 - Nuevo Testamento Uwotjüja

⁹ Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

TÄ̧DO Ä̧CUÄ̧ I̧HUȨNȨ

⁹ Jesucristo u̧huo̧juȩti̧nö̧ abonänö 'cuäoi'önä huo̧juȩtö̧mä̧, ja̧u̧mä̧ Jesucristo u̧huo̧juȩti̧nö̧ huo̧juȩtö̧ ko̧cö̧. Dios toönä kö̧. Jesucristo u̧huo̧juȩti̧nö̧ huo̧juȩtö̧ kö̧mä̧, Tä'o Dioscu, I̧tti̧ Jesucristocu kö̧.

2 Juan 1:9 ပူးပေါင်းရင်းမြစ်များ

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Juan 8:31

Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

Tito 2:10

Ttunä̧u̧kuä̧ro̧ka'a, ttu̧nä̧u̧kuä̧ra̧jueimä̧ jo̧mȩnü̧ ukuotü kkä̧nü̧, o'kajuiyünä̧ Tü̧ä̧nä̧wa̧ Dio surojüttü tü̧ji̧pü̧nä̧ ppä'ädü u̧wo̧juȩtü̧mä̧ juiyo adiwäjuei pä'ü tti̧jȩpä̧kua̧'a̧nü̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

3 Juan 1:9

Igresia-rü wȩyu̧tu̧ we'inü̧sä̧ ja̧'wa̧nü̧ ja̧'a̧nä̧ Diótrefe-mä̧ ukuotoka'a, juiyo weäwätä kkü̧'ka̧.