2 Corintios 8:1 - Nuevo Testamento Uwotjüja

¹ Ja̧'wa̧ta̧nü̧ chawaruwä chi̧jä̧wa̧tü̧, Macedonia rȩjȩnä̧ igresia wotürü Dio rȩrü̧jü̧ toinü̧ wȩnȩ, ku̧wo̧juä̧tu̧kua̧ pä'ü ji'äwätüjä̧;

TÄ̧DO Ä̧CUÄ̧ I̧HUȨNȨ

¹ Jitämä chö̧jä̧hua̧tö̧, cu̧huo̧juä̧tu̧cua̧ pä'ätöjä Macedonia rȩjȩttö̧ iglesias ruhuärö Dios ppädinömä.

2 Corintios 8:1 ပူးပေါင်းရင်းမြစ်များ

San Mateo 25:22

Jua̧u̧nü̧ o'ka'a dos mil-nü̧ jo̧mȩnä̧ pärätä ȩmi̧nü̧ päjimä̧, ichi'ü u̧ru̧wa̧rü̧ kkoro dos mil-nü̧ jo̧mȩnä̧ pärätä iyü pä'inü̧: Chu̧ru̧wa̧ dos mil-nü̧ jo̧mȩnä̧ pärätä kuiyinä̧ku̧sä̧, kuiyinü̧ttü̧mä̧ kkoro dos mil-nü̧ jo̧mȩnä̧ ji̧yȩnä̧tä̧ aditü chȩmi̧nü̧mä̧ pi̧yȩ ja̧'a̧.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Hechos 16:9

Ja̧'wa̧nü̧ ja̧'a̧ juorümä̧, Pauru-rü yodó i̧jȩkui̧na̧'a̧: ya̧tȩ Macedonia ttü̧ja̧ i̧sa̧ kkä̧nü̧ ajuäkuäwa'a: «Po Macedonia-ra̧'a̧ 'kuä'o'ü ppä'ädächitü ujuturu'i̧nä̧», pä'aku.

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Romanos 15:26

Jua̧u̧ pärätämä̧ Macedonia ttü̧ja̧ ja̧'wa̧ta̧nü̧ Acaya ttü̧ja̧ ttü̧ka̧ka̧tä̧ji̧, Jerusarȩ́-nä̧ kka̧kuä̧tü̧ tawaruwä ti̧jä̧wa̧tü̧ usurä isotürü ppä'ädü.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

2 Corintios 11:9

Ja̧'wa̧ta̧nü̧ ukutuku chü̧jo̧mȩnä̧ rekuä rü̧ja̧'a̧nä̧, ya̧tȩrü̧'i̧nä̧ jä'epokü pinü̧sä̧; ja̧'wa̧ta̧nü̧ ttürü rekuä rü̧jü̧mä̧ Macedonia-ra̧'a̧ttü̧ ichinä̧tü̧tä̧ ppättädinä̧ku̧sä̧. Ja̧'wa̧ta̧nü̧ o'kajuiyünä̧tä̧ jädepoka'atä kki̧nü̧sä̧, ukutu ttü jäwänä̧ kua̧'kua̧ rokuekuätukua pä'okü pinü̧sä̧, jitä'i̧nä̧ ja̧'wa̧nü̧tä̧ chü̧jä̧kua̧sä̧.

2 Corintios 9:12

Isopäi'ünä̧ pi̧yȩ ofrenda ka̧ka̧tü̧ ttiya'amä̧, suro Dio-rü esetätürütämä̧ ppädoka'a, Dio-rü ttesewa pä'ü'i̧nä̧ ja̧'a̧;

2 Corintios 9:2

jua'amä̧, ppäkuädätukua päkuätukumä̧ chu̧wo̧jua̧'a̧ttü̧. Ja̧'wa̧nü̧ ji̧yä̧ku̧, Macedonia ttü̧ja̧rü̧mä̧ eseunu̧ pä'äjisä, juätü, Acaya rȩjȩ ttü̧ja̧mä̧ täkü jo̧mȩnü̧tä̧ winä̧tü̧ ni̧po̧ año-ttü̧tä̧ päi'ünä̧, ppättäda pä'ümä̧; ja̧'wa̧nü̧ jȩ'kuä̧tu̧ku̧ ä̧ju̧ku̧ Macedonia ttü̧ja̧mä̧ rekuätü jȩtta̧ pä'ü amükuädi'inä̧tü̧.

2 Corintios 9:4

Jo̧mȩnü̧ jȩpü̧ ku̧ju̧nä̧tu̧kuo̧ka̧'a̧nä̧, Macedonia ttü̧ja̧, yotüte ttüku ttichüttümä̧ dä'ä ttutu 'kua̧ra̧'a̧, ta̧'kua̧ tu̧wȩnä̧rä'i̧ja̧'a̧mä̧, ukututä'i̧nä̧ dä'ä ttukuätukuä pä'üsä, pä'ü.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

1 Tesalonicenses 4:10

Isopäi'ünä̧ ukutumä̧ ja̧'wa̧nü̧tä̧ jȩpä̧tü̧jä̧ Macedonia rȩjȩnä̧ kka̧kuä̧tü̧ Dio-rü esetinä̧tü̧ o'katoi'ünä̧rü̧mä̧. Ja̧'wa̧nü̧ ja̧'a̧ttü̧, ukuturu yabonü̧ ppäkuädätukua pä'ü jä'epätüjä̧.