2 Corintios 7:7 - Nuevo Testamento Uwotjüja

⁷ ja̧'wa̧ta̧nü̧ suro, jua̧u̧ ichi'äja'atämä̧ esewokotüjä̧, jua̧u̧'i̧nä̧ ukutuku esewina̧'a̧ rü̧ȩnä̧ esewiyä̧u̧ esewätüjä̧. Jua̧u̧mä̧ jiäwäjä̧u̧jä̧ ukutu, ujuturu to'kua päkuätuku'i̧nä̧, ujutu jäwänä̧ kua̧'kua̧ tta̧kuȩkuä̧tu̧ku̧'i̧nä̧ ja̧'wa̧ta̧nü̧ ttü jäwänä̧ kua̧'kua̧ tta̧kuȩkuä̧tu̧ku̧'i̧nä̧; ja̧'wa̧nü̧ ä̧ju̧ku̧ rü̧ȩnä̧ esewäjisä.

TÄ̧DO Ä̧CUÄ̧ I̧HUȨNȨ

⁷ Titorö topötä esehuocotö pi̧nä̧tö̧jä̧. Ja̧u̧ru̧ rö̧ȩnä̧ ppäcuhuädätucua'attö esehua'a totomenä, ujutu'inä esehuinätöjä. Ja̧u̧ ujuturu ji'ähuinödo: “Jahuätö rö̧ȩnä̧ totta pä'ätö ucuturu. Ja̧'hua̧ta̧nö̧ tta̧'cua̧ tta̧'ȩcu̧ ka̧cuä̧tö̧. Ucuturu'inä rö̧ȩnä̧ amöcuädätö,” ji'ähuinödo. Ja̧'hua̧nö̧ ä̧ju̧cu̧, ji̧nä̧ isocu esehuinösä.

2 Corintios 7:7 ပူးပေါင်းရင်းမြစ်များ

San Mateo 26:75

Ja̧'wa̧nü̧ ä̧ju̧ku̧, Peduru-mä̧ Jesú pä'inü̧ ji̧nü̧ amükuädi'inü̧: «Äkärä woäkua'a ä'kanä̧, wäbodäkuänä̧ jo̧mȩnä̧ ttü chütü'kü kuä̧ppü̧tä̧rä̧kua̧jä̧», jü̧nä̧. Ja̧'wa̧nü̧ jä̧ku̧ Peduru-mä̧ juorü rä'opächü rü̧ȩnä̧ ajuäu ikuinü̧.

San Mateo 5:4

Eseäkuäwä kka̧'a̧ usurä ȩmä̧wä̧tü̧rü̧, jua'amä̧ a̧'u̧ ttu'ä'ijätürü ppädäkuäwäkua'attü̧,

San Lucas 22:44

Rü̧ȩnä̧ ajuäu Dio-rü ukuokuomȩnä̧; a̧ja̧rȩjamä̧ ttukuoja rü̧ȩnä̧ era'a jä'i̧nü̧'a̧nü̧ rȩjȩra̧'a̧ erina̧'a̧.]

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Romanos 1:12

jua̧u̧ pädümä̧ ppä'ädäkuäu eseäkuäu tujuru tȩma̧ pä'üsä, ta̧'kua̧ tu̧wȩnä̧rü̧nä̧, ukutu'i̧nä̧ ttü'i̧nä̧ ji̧nä̧ ji̧yȩtȩ jäwä ja̧'a̧ttü̧.

1 Corintios 5:2

Ja̧'wa̧ta̧nü̧ ¡ukutumä̧ ukuo te'äkuäwätüjä̧! Ja̧'wa̧nü̧ jo̧mȩnä̧ tta̧'kua̧ tta̧'ȩku̧, jua̧u̧ jȩpü̧rü̧ ukututtü rä'epü ttikuaju jueimä̧.

2 Corintios 1:14

Jitä ku̧wo̧jui̧pä̧tu̧kuo̧kü̧mä̧. Tu̧ru̧wa̧ Jesucrito ppa̧wä̧cho̧mȩnä̧ ujuturu kueseäkuäwäkuotüjä̧; ujuturu, pärokua'aku teseäkuäwuöta'anü̧.

2 Corintios 1:4

Jua̧u̧tä̧tä̧ ja̧'a̧ ujutu usurä tȩmä̧wo̧mȩnä̧'i̧nä̧ ppä'ädümä̧, ujuturu ppädä'ijüta'anü̧ usurä ȩmä̧wä̧tü̧rü̧ ppätäda pä'ü.

2 Corintios 2:9

Täkü pi̧yȩ tü'kümä̧, wȩyu̧tu̧ wedinä̧u̧jä̧, isopäi'ünä̧ wedümä̧ o'kajuiyünä̧ jȩ'kuä̧tu̧ku̧'a̧nü̧ ja̧ pä'ü.

2 Corintios 5:2

Ja̧'wa̧nü̧ ja̧'a̧ttü̧ ajuäkuäwätüjä̧, mo̧ro̧jä̧ jäwä tü̧'ka̧tä̧wi̧'a̧ pä'ü.

2 Corintios 7:6

Ja̧'wa̧nü̧ ja̧'a̧nä̧, Dio-mä̧, usurä ȩmä̧wä̧tü̧rü̧ ppädäkuäwä i̧sa̧ ja̧'a̧ttü̧, ppädinä̧u̧jä̧, Tito ichi'omȩnä̧;

2 Corintios 7:8

Jua'akumä̧, wȩyu̧tu̧ wedina̧'a̧ kua̧'kua̧ tta̧kuȩkui̧nä̧tu̧kua̧'a̧nä̧, suronä̧ jȩpi̧nü̧sä̧ pä'ümä̧ amükuädoküsä; ja̧'wa̧nü̧ ja̧'a̧nä̧, ä̧kuo̧mȩnä̧tä̧, suronä̧ pä'inü̧sä̧ pä'ü cha̧'kua̧tta̧ päi'inä̧ku̧sä̧, jua̧u̧nä̧ tta̧'kua̧ tta̧'ȩkuä̧tü̧do pätta'a chä̧ju̧kuo̧mȩnä̧.

2 Corintios 8:16

Dio-rümä̧ eseusä, Tito a̧mi̧so'kinä̧, ukuturu ppäda pä'ü weina̧'a̧ttü̧, ttü chamükuädüta'anü̧.

Filipenses 1:20

Ja̧'wa̧ta̧nü̧ rü̧ȩnä̧ tta̧'ä̧rü̧sä̧, Dio-mä̧ suronä̧ chü̧ji̧pü̧nä̧mä̧ ja̧'a̧tä̧ tookä̧kua̧sä̧ pä'ü; pärokua'akutä jua̧u̧ ja̧jü̧ jueimä̧ Crito-mä̧ ji̧yȩnä̧tä̧ uruwo i̧jȩpä̧kua̧ chidepänä̧mä̧, cha̧'kua̧ra̧ja̧ pä'ü'i̧nä̧, 'korujuodächaja pä'ü'i̧nä̧, jü̧nä̧.

Colosenses 2:5

Isopäi'ünä̧ ukututäku wäjuönä̧mä̧ chü̧jo̧ka̧'a̧nä̧, cha̧'kua̧rü̧ i̧sa̧nä̧tä̧ kkü̧sä̧ ukutukumä̧, ja̧'wa̧nü̧ ja̧'a̧ttü̧ eseusä adiu kuaditätukua'a'i̧nä̧ ja̧'wa̧ta̧nü̧ Crito-rü yaboku kua̧'kua̧ ku̧wȩnä̧rä̧tu̧kua̧'a̧'i̧nä̧ topü.

1 Tesalonicenses 3:6

Ja̧'wa̧nü̧ ji̧na̧'a̧nä̧, jitämä̧ Timoteo-mä̧ jua'a Tesalónica-ra̧'a̧ttü̧ ppa̧'ä̧chi̧'ä̧ji̧'ka̧mä̧, eseku ku̧jä̧tu̧ku̧tä̧, Dio-rü kua̧'kua̧ ku̧wȩnä̧rä̧tu̧ku̧tä̧, ukuturu ujutu tota pätüta'anü̧, ukutu ujuturu to'kuätukua päkuätukutä jiäwäjä̧u̧jä̧.

1 Tesalonicenses 3:8

Ja̧'wa̧nü̧ Tu̧ru̧wa̧rü̧ kua̧'kua̧ ku̧wȩnä̧rä̧tu̧ tä̧ju̧kuo̧mȩnä̧mä̧, pä'äjita'anü̧ tesewä̧rü̧nä̧ jä̧u̧jä̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

Santiago 5:17

Profetas Elía-mä̧ ujututa'anü̧ ttü̧ja̧ i̧sa̧ jü̧nä̧ winü̧, ja̧'wa̧ta̧nü̧ a̧'kua̧ wȩnä̧rü̧ kkä̧nü̧ ajiya ichü juiya pä'ü Dio-rü ukuokuomȩnä̧mä̧ ajiyamä̧ wäbodäkuä años 'kuäo'ünä̧nü̧ jo̧mȩnä̧ ichoka'a ji̧na̧'a̧

2 Juan 1:4

Rü̧ä̧nä̧ esewächi'äjisä ukututtü yotukunä̧ isopäi'ünä̧ wȩnȩ pä'aku Tä'o Dio weü'anü̧ ttü̧ja̧kua̧'a̧ po̧kui̧pü̧mä̧.

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.