2 Corintios 7:14 - Nuevo Testamento Uwotjüja

¹⁴ Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

TÄ̧DO Ä̧CUÄ̧ I̧HUȨNȨ

¹⁴ Ucuturu eseunu amöcuädösä pä'ö jidähuomenä Titorö, iso päi'önä adiu ji'ähuinösä. Ucuturu o'ca juiyönä jitähuinömä, iso päi'önä huȩnȩ ji̧nö̧ ji'ähuinätöjä. Ja̧'hua̧ta̧nö̧ ucuturu tesehua'a Titorö jitähuomenä, iso päi'önätä ji'ähuinätöjä.

2 Corintios 7:14 ပူးပေါင်းရင်းမြစ်များ

San Juan 17:19

Ja̧'wa̧ta̧nü̧ pitü jäwänä̧, ttümä̧ cha̧mü̧nä̧ pa̧ja̧tü̧ usurä ȩmä̧u̧ iyäkuäusä ja̧'wa̧ta̧nü̧ jueü wȩnȩ pä'aku pitü'i̧nä̧ ttiyäkuäwa pä'üsä.

2 Corintios 10:8

Jua'akumä̧ chukuo jäwänä̧ yabonä̧nü̧ pädäwa'anä̧, dä'ämä̧ ttu'oküsä. Ukutunä̧ chukuo chu̧ju̧nä̧ra̧ pä'ümä̧, Chu̧ru̧wa̧ Jesucrito-tä iyina̧'a̧ttü̧, yabonü̧ kua̧'kua̧ ku̧wȩnä̧rä̧chä̧tu̧ku̧nä̧ ppädädätukuaku pä'ü, surojuodepätukuakumä̧ pä'oküsä.

2 Corintios 12:6

Ja̧'wa̧nü̧ ja̧'a̧nä̧ cha̧mü̧nä̧ ukuo tedäkuäwuöttü'i̧nä̧, tä̧'ä̧mü̧ 'kua̧rü̧nä̧mä̧ ukuokuokü pajüsä, isopäi'ünä̧tä̧ chukuokua'attü̧. Ja̧'wa̧nü̧ ja̧'a̧nä̧ jȩpo̧kü̧sä̧, ya̧tȩ'i̧nä̧ ttürü tottä'ijümä̧, ttä̧ju̧kuä̧'i̧jü̧mä̧, u̧wä̧mȩnä̧ tta̧mü̧kuädü juiyäkua'anü̧.

2 Corintios 2:13

chesewuö juiyünä̧ ji̧nä̧ku̧sä̧, cha̧wa̧ru̧wa̧ chi̧jä̧wa̧ Tito-rü chu̧'o̧kui̧'o̧ko̧mȩnä̧. Ja̧'wa̧nü̧ jä̧ku̧, juätürü te'äwi'ipütä Macedonia rȩjȩra̧'a̧ku̧ 'chi̧nü̧sä̧.

2 Corintios 7:13

Ja̧'wa̧nü̧ ja̧'a̧ttü̧, teseunä̧ päi'inä̧u̧jä̧; ja̧'wa̧nü̧ ja̧'a̧nä̧ yabonä̧nü̧ esewätüjä̧, Tito-rü yaboku i̧'chü̧nä̧ ppäkuädinä̧tu̧kuä̧ku̧ esewiyä̧u̧. Jua̧u̧ ja̧'a̧ yaboku teseumä̧.

2 Corintios 7:4

Ukuturumä̧ wäjuönä̧tä̧ ukuokusä; ja̧'wa̧ta̧nü̧ rü̧ȩnä̧ eseusä ukuturumä̧; a̧'u̧ ttudomȩnä̧ ppädäkuäwä'i̧nä̧ jo̧mȩnü̧ kkä̧ku̧sä̧; rü̧ȩnä̧ usurä tȩmä̧wa̧'a̧nä̧'i̧nä̧ rü̧ȩnä̧ eseusä.

2 Corintios 7:6

Ja̧'wa̧nü̧ ja̧'a̧nä̧, Dio-mä̧, usurä ȩmä̧wä̧tü̧rü̧ ppädäkuäwä i̧sa̧ ja̧'a̧ttü̧, ppädinä̧u̧jä̧, Tito ichi'omȩnä̧;

2 Corintios 8:24

Ja̧'wa̧nü̧ ja̧'a̧ttü̧, i̧jȩpä̧tu̧kui̧ juätürü kuesewätuku igresia isotü ttä'kattü jua̧u̧ jȩ'kuä̧tu̧kua̧'a̧ kuesewätukuäkua'anü̧.

Filipenses 1:26

Ja̧'wa̧nü̧ ja̧'a̧ttü̧, pä'äjita'anü̧ jua'a ku̧jä̧tu̧kua̧'a̧ chichomȩnä̧mä̧, Jesucrito-rü rü̧ȩnä̧tä̧ kuesewätukuäkuotüjä̧, ttü jäwänä̧.

2 Tesalonicenses 1:4

Ja̧'wa̧nü̧ ja̧'a̧ttü̧ ukutu kutü'kütukumä̧ Dio-rü esetinä̧tü̧rü̧mä̧ eseunu̧ ji'äwätüjä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧ wȩnȩtä̧ i̧jȩpä̧tü̧jä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧tä̧ suronä̧ jȩtta̧ pä'ü tta̧mü̧kuäda'anä̧'i̧nä̧, usurä kuȩmä̧wä̧tu̧kua̧'a̧nä̧'i̧nä̧.