2 Corintios 7:11 - Nuevo Testamento Uwotjüja

¹¹ Kua̧'kua̧ tta̧kuȩkui̧nä̧tu̧ku̧, Dio-rü pä̧wä̧rü̧jo̧mȩnä̧ ji̧na̧'a̧mä̧, ¡topätüjä̧ttü̧, kui̧rȩbȩwi̧nä̧tu̧ku̧mä̧! adiu amükuädü topü, ttürü ppä'ädinä̧tü̧jä̧; jua'akumä̧ kua̧mi̧surächi'inä̧tu̧kua̧'a̧nä̧'i̧nä̧, yekuekui'inä̧tu̧kua̧'a̧nä̧'i̧nä̧; jua̧u̧nü̧ o'ka'amä̧ ttürü to'kuätukua pä'inä̧tü̧jä̧, ttürü ppä'ädümä̧, suronä̧ jȩpä̧ji̧rü̧mä̧ ro̧'ȩpi̧nä̧tü̧jä̧. Ja̧'wa̧nü̧ ji̧na̧'a̧nä̧'i̧nä̧, o'kajuiyünä̧tä̧ i̧jȩkui̧nä̧tü̧jä̧, pi̧yȩ mȩkuä̧tu̧kuo̧kü̧ ji̧nü̧mä̧.

TÄ̧DO Ä̧CUÄ̧ I̧HUȨNȨ

¹¹ Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

2 Corintios 7:11 ပူးပေါင်းရင်းမြစ်များ

San Marcos 3:5

Ja̧'wa̧nü̧ jä̧ku̧, Jesú-mä̧ juȩnȩ kka̧kuä̧tü̧rü̧ üjü'kü juiyünä̧ toa'anä̧, a̧'kua̧tta̧nü̧'i̧nä̧ toinä̧u̧, ttesetü juiyünä̧ juottächini̧yä̧ku̧. Ja̧'wa̧nü̧ ja̧'a̧nä̧ päinä̧ku̧: —Ku̧mü̧ te'ädi. Päku, teädomȩnä̧ u̧mü̧nä̧ adiwächi'inä̧ku̧.

San Juan 2:17

Ja̧'wa̧nü̧ jȩi̧yä̧u̧, u̧wo̧juȩtä̧u̧mä̧ wȩyu̧kuä̧ wȩnȩnä̧: «Kuojusode rü̧ȩnä̧ repeda'attü̧, okurä jä'i̧nü̧'a̧nü̧ kuoäkusä» pä'ü wȩyu̧kuä̧'i̧jo̧mȩ amükuädi'inä̧tü̧.

Hechos 17:16

Ja̧'wa̧nü̧ Pauru-mä̧, Atenas ütawiyänä̧ Sira-rü'i̧nä̧, Timoteo-rü'i̧nä̧ tta̧'ä̧rü̧ ü̧jo̧mȩnä̧, ttü̧ä̧nä̧wo̧tü̧rü̧ esetü jȩä̧kuä̧wä̧ rü̧ȩnä̧ kka̧'a̧ toomȩnä̧ a̧'kua̧ tta̧'ȩkui̧nü̧.

Romanos 11:20

¡Iweye adiwa'a!; ttesetokomȩttü̧ yawokuinä̧u̧ ja̧'wa̧nü̧ ja̧'a̧nä̧ ukumä̧ kua̧'kua̧ ku̧wȩnä̧ro̧mȩttü̧ ji̧nä̧ todeunä̧ kkü̧jä̧. Ja̧'wa̧nü̧ ja̧'a̧ttü̧ ukuo tekuäwoka'a, ye'ekutä ukuoti.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

Romanos 3:5

(Ttü̧ja̧sa̧ jü̧nä̧tä̧ pädäu̧jä̧) Dio adiwomȩnä̧ jȩü̧mä̧ ujutu suronä̧ jȩti̧yä̧ku̧, a̧mi̧ surächi'äku ro̧ȩpo̧mȩnä̧ i̧jȩkuä̧cha̧'a̧. ¿Ja̧'wa̧nü̧ ro̧ȩpo̧mȩnä̧, Dio-mä̧ suronä̧ jȩpü̧ pätäkua'a tä̧jí̧?

1 Corintios 12:25

Jua'amä̧ ji̧nä̧ ya̧tȩtä̧ jäwämä̧, i̧mi̧ku̧nä̧ 'kȩkuä̧chü̧ juiya pä'ü. Ji̧nä̧ ya̧tȩ jäwämä̧, jua̧u̧ jä̧ttä̧pä̧ya̧rü̧ todeunä̧ kka̧'a̧ttü̧, jua̧u̧ttü̧ i̧mi̧ku̧nä̧ päi'omȩnä̧mä̧ kkoro jua̧u̧nä̧ kka̧ku̧mä̧ baraunä̧tä̧ ja̧'a̧.

1 Corintios 5:13

Dio-tä ja̧'a̧ juätürü pä̧kua̧mä̧. Ja̧'wa̧nü̧ ja̧'a̧nä̧ ukutumä̧ igresia isotü jȩttü̧ päkuätukua pä'ü ja̧'a̧. Ja̧'wa̧nü̧ ja̧'a̧ttü̧, surojü jȩpü̧rü̧mä̧ rä'epü ikuätukuirü.

1 Corintios 5:2

Ja̧'wa̧ta̧nü̧ ¡ukutumä̧ ukuo te'äkuäwätüjä̧! Ja̧'wa̧nü̧ jo̧mȩnä̧ tta̧'kua̧ tta̧'ȩku̧, jua̧u̧ jȩpü̧rü̧ ukututtü rä'epü ttikuaju jueimä̧.

2 Corintios 13:7

Dio-rütä ukuokuätüjä̧, surojü jȩ'kuä̧tu̧ku̧ juiya pä'ü; jua'amä̧ kka̧kuä̧mü̧ toäkuäwättümä̧ 'kuä'opinä̧tü̧jä̧ päkuätukuatü pä'ümä̧kü̧, adiwä jueitä jȩ'kuä̧tu̧kua̧ pä'ü, ujutu kka̧kuä̧mü̧ toäkuäwä 'kuä'opokotü jä̧'i̧nü̧'a̧nü̧ jȩta̧ja̧ pä'ü'i̧nä̧.

2 Corintios 2:6

Ukutu, jua̧u̧ru̧ ro̧kuȩpi̧nä̧tu̧ku̧mä̧, täkü adiwa'a, yabonü̧mä̧ jȩ'kuä̧tu̧kuä̧rü̧.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

2 Corintios 7:7

ja̧'wa̧ta̧nü̧ suro, jua̧u̧ ichi'äja'atämä̧ esewokotüjä̧, jua̧u̧'i̧nä̧ ukutuku esewina̧'a̧ rü̧ȩnä̧ esewiyä̧u̧ esewätüjä̧. Jua̧u̧mä̧ jiäwäjä̧u̧jä̧ ukutu, ujuturu to'kua päkuätuku'i̧nä̧, ujutu jäwänä̧ kua̧'kua̧ tta̧kuȩkuä̧tu̧ku̧'i̧nä̧ ja̧'wa̧ta̧nü̧ ttü jäwänä̧ kua̧'kua̧ tta̧kuȩkuä̧tu̧ku̧'i̧nä̧; ja̧'wa̧nü̧ ä̧ju̧ku̧ rü̧ȩnä̧ esewäjisä.

2 Corintios 7:9

Ja̧'wa̧nü̧ ja̧'a̧nä̧, jitämä̧ eseusä; jua̧u̧ kua̧'kua̧ tta̧kuȩkui̧nä̧tu̧ku̧nä̧tä̧, ku'ärowächi̧ni̧yä̧tu̧kuä̧ku̧; isopäi'ünä̧ kua̧'kua̧ tta̧kuȩkui̧nä̧tu̧ku̧mä̧ Dio-rü pä̧wä̧rü̧jo̧mȩnä̧ ji̧na̧'a̧ pä'üsä ja̧'wa̧nü̧ ja̧'a̧ttü̧ ukuturu ti̧wȩyu̧ti̧na̧'a̧mä̧, surojina̧'a̧ pä'oküsä.

2 Corintios 9:2

jua'amä̧, ppäkuädätukua päkuätukumä̧ chu̧wo̧jua̧'a̧ttü̧. Ja̧'wa̧nü̧ ji̧yä̧ku̧, Macedonia ttü̧ja̧rü̧mä̧ eseunu̧ pä'äjisä, juätü, Acaya rȩjȩ ttü̧ja̧mä̧ täkü jo̧mȩnü̧tä̧ winä̧tü̧ ni̧po̧ año-ttü̧tä̧ päi'ünä̧, ppättäda pä'ümä̧; ja̧'wa̧nü̧ jȩ'kuä̧tu̧ku̧ ä̧ju̧ku̧ Macedonia ttü̧ja̧mä̧ rekuätü jȩtta̧ pä'ü amükuädi'inä̧tü̧.

Efesios 4:26

Jua'akumä̧ ku̧ra̧wä̧ri̧'ä̧tu̧kua̧'a̧nä̧, jua̧u̧ surojuoepünä̧mä̧ jȩ'kuä̧tu̧kuä̧; ku̧'ä̧i̧tu̧ku̧mä̧ mo̧ro̧ 'kuäo'ünä̧mä̧ 'chu̧ä̧rü̧ juiyünä̧ kka̧kuä̧tu̧kui̧.

Efesios 5:11

Ja̧'wa̧ta̧nü̧ u̧wä̧juö̧ juiyü yo̧ü̧nä̧mä̧ ppä̧kuä̧chä̧rä̧, pärokua'aku, pä̧i̧ku̧nä̧ ya'okui'ütä ya'okui'i.

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

1 Tesalonicenses 4:6

Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.

1 Timoteo 5:20

Yabokutä surojü jȩpä̧tü̧rü̧mä̧ o'katoi'ünä̧ ttä'ka jo̧mȩttü̧ ra̧wä̧ri̧pü̧nü̧ ji'äwätukuitü, kkorotü'i̧nä̧ yettekuächäkua'anü̧.

2 Timoteo 2:15

Dio ä'ka jo̧mȩ kui̧'chi̧'a̧ o'kajuiyünä̧ jȩpi̧, ya̧tȩ adikuä i̧sa̧ jo̧mȩnü̧ wa̧ dä'äkuokü, isopäi'ünä̧ wȩnȩtä̧ wo̧juȩtü̧ jä̧'i̧nü̧'a̧nü̧ jü̧nä̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

Judas 1:23

Kkorotürü, okurättü ttü̧ji̧pü̧nä̧ rä'epü ikuätukui; kkorotürü rȩrü̧jü̧ topätukui, ja̧'a̧nä̧ jitütä jȩttü̧mä̧ su̧ro̧tü̧nü̧ topätukui.

Apocalipsis 3:19

Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.