2 Corintios 7:1 - Nuevo Testamento Uwotjüja

¹ Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

2 Corintios 7:1 ပူးပေါင်းရင်းမြစ်များ

San Mateo 12:33

Adiwäjuei isäi daumä̧, u̧wä̧ju̧ adiwäjuei wȩjäi; ja̧'wa̧ta̧nü̧ suräjuei isäi daumä̧, u̧wä̧ju̧ surojütä wȩjäi; ja̧'wa̧nü̧ ja̧'a̧ttü̧ daumä̧ u̧wä̧ju̧ttü̧ topü wo̧juä̧wä̧ ja̧'a̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

San Mateo 5:8

Eseäkuäwä kka̧'a̧ tta̧mi̧ iso'kinä̧ surojü jui'ätürü, jua'amä̧ Dio-rü tottäkuotümä̧ juätütä ja̧'a̧ttü̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

1 Corintios 6:20

Isopäi'ünä̧ Dio-mä̧ mitäu ȩmi̧nä̧u̧jä̧; ja̧'wa̧nü̧ ja̧'a̧ttü̧ kuidepätuku jättäpäyotü'i̧nä̧, kua̧'kua̧rü̧ i̧sa̧nä̧'i̧nä̧, Dio-rü eseäkuäwätukui, jua̧u̧mä̧ Dio jäwätä ja̧'a̧ttü̧.

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

1 Tesalonicenses 4:7

Isopäi'ünä̧ Dio-mä̧ surojü jȩpü̧ tü̧ja̧kua̧ pä'ümä̧ wooko̧u̧ pinä̧tü̧jä̧, surojü kätädächa pä'ü woinä̧u̧jä̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

Hebreos 12:23

ja̧'wa̧ta̧nü̧ Dio ä̧kuo̧mȩnä̧ i̧tti̧mü̧, mo̧ro̧jä̧nä̧ wȩyu̧kuo̧tü̧ ttü̧ja̧kuo̧mȩku̧. Tü'küpächi'inä̧tü̧jä̧ Dio-rü, Juez jü̧nä̧ o'katoi'ünä̧rü̧ wa̧ ü̧jo̧mȩku̧ ja̧'wa̧ta̧nü̧ Dio adiunä̧ juoepinä̧u̧ epíritu-tu̧ ttü̧ja̧kuo̧mȩku̧.

Hebreos 12:28

Ja̧'wa̧nü̧ ja̧'a̧ttü̧ ujutumä̧ ȩmä̧tü̧jä̧ Ru̧wa̧ Dio weü wȩnȩ pporächi'okü jäwä. Ja̧'wa̧nü̧ ja̧'a̧ttü̧ Jua̧u̧ Dio-rü tesewätukuarü; Chutä üjü'komȩnä̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Hebreos 6:9

Ja̧'wa̧nü̧ ukuturumä̧ tukuokua'anä̧ chawaruwä chü̧jä̧wa̧tü̧; ukutumä̧ Dio-rü esetätü pä'ü wo̧juä̧tü̧jä̧, surojüttü kki̧'ä̧kuä̧wä̧ ttȩmä̧kuo̧tü̧ pä'ü wo̧juä̧tü̧jä̧.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

1 Pedro 1:15

Ja̧'wa̧nü̧ ja̧jü̧jueimä̧, jo̧mȩnü̧ surojü juiyünä̧ kka̧kuä̧tu̧kui̧, isopäi'ünä̧ Dio ukuturu wopinü̧mä̧, surojü jui̧'a̧ jo̧mȩttü̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 1:9

Isopäi'ünä̧ suronä̧ jȩta̧'a̧, iweye ja̧'wa̧nü̧tä̧ wa̧sä̧ pätäuttümä̧, Dio-mä̧ adiwä juei, ppä'ädü ja̧'a̧ttü̧, suronä̧ jȩtä̧'i̧jü̧mä̧ aditü i̧kuä̧u̧jä̧.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.