2 Corintios 6:8 - Nuevo Testamento Uwotjüja

⁸ tteseuttü'i̧nä̧, tteseu juiyaja pä'ü'i̧nä̧; adiu tukuotaja pä'ü'i̧nä̧, adiu tukuotü juiyaja pä'ü'i̧nä̧; yapareu ji'äwätü 'kua̧ra̧'a̧nä̧, jueünä̧ ukuokuätü jü̧nä̧tä̧ wotüjä̧;

TÄ̧DO Ä̧CUÄ̧ I̧HUȨNȨ

⁸ Koronö pi̧jä̧ ttö̧ja̧ adiu ucuotätö ujuturu. Koronö'inä suronä ucuotocotö ujuturu. Ja̧'hua̧ta̧nö̧ koronö adiu ucuocuätö ujuturu. Koronö'inä suronä ucuocuätö ujuturu. Ja̧'hua̧ta̧nö̧ koronö yapareu ji'ähuätörö jȩttö̧'a̧nö̧ jȩpä̧tö̧ ujuturu. Koronö'inä iso päi'önä ji'ähuätörö jȩttö̧'a̧nö̧ jȩpä̧tö̧ ujuturu.

2 Corintios 6:8 ပူးပေါင်းရင်းမြစ်များ

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 22:16

Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Marcos 12:14

Juätümä̧, ichi'opo'ü pättinä̧ku̧: —Wo̧juȩkuä̧ i̧sa̧, isopäi'ünä̧ ukurumä̧ jueünä̧tä̧ ukuoku pä'ü wo̧juä̧tü̧jä̧ ja̧'wa̧nü̧ ja̧'a̧ttü̧ ttü̧ja̧ pätta'akumä̧ jȩpo̧kü̧jä̧, juätürü to̧pä̧rü̧mä̧ pärokuänä̧ Dio u̧mä̧nä̧ jueünä̧tä̧ wo̧juȩtü̧jä̧. Ja̧'wa̧nü̧ ja̧'a̧ttü̧ ¿Roma ru̧wa̧rü̧ impuesto ti̧mi̧ta'amä̧ adiwa'a tä̧jí̧, suroja'a tä̧jí̧? ¿Tiyü'anü̧ tä̧jí̧, tiyü juiyü'anü̧ tä̧jí̧?

San Juan 7:12

Ja̧'wa̧nü̧ ja̧'a̧, Jua̧u̧ ütü'kü ttü̧ja̧mä̧ rü̧ȩnä̧ ukuokuinä̧tü̧: kkorotümä̧, «adiwä i̧sa̧ pä'ijü pätta'anä̧, kkorotümä̧ ttü̧ja̧rü̧ surojuo'epü» pä'ü.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 16:39

Ja̧'wa̧nü̧ ja̧'a̧ttü̧, kärenä̧ rütäjätü ruwotümä̧, Pauru-rü'i̧nä̧, Sira-rü'i̧nä̧ ichi'äkuäwi'ü jättepinä̧u̧, jua̧u̧ ütawiyättümä̧ rättekuächa pä'ü.

Hechos 22:12

Juȩnȩmä̧ kki̧nü̧, ya̧tȩ Ananía pättäku, Dio-rü rü̧ȩnä̧ ukuotü kkä̧nü̧, Moisé weäwä wȩnȩ'i̧nä̧ ukuotü kkü̧; jua̧u̧ ütü'kümä̧ adiutä ukuokuinä̧tü̧, judío juȩnȩ Damasco-nä̧ kka̧kuä̧tü̧ o'katoi'ünä̧.

Hechos 24:5

Pide ütü'kü wo̧jui̧'i̧nä̧tü̧jä̧ pi̧jä̧ o'kajuiyünä̧, ttü̧ja̧rü̧ surojuoepümä̧ ja̧'wa̧ta̧nü̧ judío-rü rowäkuäu 'kȩttȩkuä̧chü̧nä̧ aditü'i̧nä̧, nazarenos ttu̧ru̧wa̧ jü̧nä̧ aditü kue'ächü jȩa̧'a̧mä̧.

Hechos 28:22

Ja̧'wa̧nü̧ ja̧'a̧nä̧ ukuttütä tä̧ju̧kua̧ pä'ätüjä̧, jua̧u̧ tü'kü toku päkuaja pä'ü. Pi̧jä̧ pa̧ja̧kuä̧chü̧nä̧ ukuowa'a ä̧ju̧kuä̧tü̧jä̧, jua̧u̧ jareünä̧ esetäkuäwä ttü̧ja̧ ttüjü'koka'a ttukuokua'amä̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.

Hechos 5:13

Ja̧'wa̧nü̧ ja̧'a̧ kkorotümä̧ ya̧tȩ'i̧nä̧ juätuku ppättächi'amä̧ pä'okotü pinä̧tü̧; ja̧'wa̧nü̧ jo̧mȩnä̧ ttü̧ja̧mä̧ rü̧ȩnä̧ ttukuotinä̧u̧.

Hechos 6:3

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ukututtütä usätukui, ttü̧jä̧pü̧ttü̧ ta̧ju̧nü̧ wotürü, ukututä ku̧wo̧juä̧tu̧kuä̧u̧ru̧, adiu wo̧juȩku̧nä̧ amükuädätürü, Epíritu Sa̧tu̧ jäwä jo̧mȩnü̧ wotürü, pi̧yȩ ttadita we'ü tu̧ju̧na̧tü̧.

Romanos 3:8

Ja̧'wa̧nü̧ jo̧mȩnä̧ ujuturu suronä̧ pä'ü amükuädü pä'ätü: Jua̧u̧nu̧mä̧ ¿tta̧'a̧nü̧ pä'ü surojümä̧ jȩto̧ka̧'a̧jä̧ttü̧, adiwä juei ichatü pä'ümä̧? ja̧'wa̧nü̧ amükuädätürümä̧ jitütä tta̧mü̧kuädü'akuä ro̧ȩkuä̧kua̧'a̧.

2 Corintios 1:18

Ja̧'wa̧nü̧ ja̧'a̧nä̧, Dio-mä̧ jueünä̧tä̧ wa̧ ja̧'a̧ttü̧, ukuturumä̧ todärenä̧mä̧ ukuokuokotüjä̧.

2 Corintios 11:21

Pi̧yȩ pädümä̧ dä'ä rü̧ja̧'a̧nä̧ pä'üsä, ¡ujutumä̧ ja̧'wa̧nü̧mä̧ jȩto̧ko̧u̧ pinä̧tü̧jä̧! Ja̧'wa̧nü̧ ja̧'a̧nä̧, kkorotü'i̧nä̧ ja̧'wa̧nü̧ jȩtta̧'a̧ttü̧, ttü'i̧nä̧ ja̧'wa̧nü̧tä̧ jȩpü̧sä̧, tä̧'ä̧mä̧tü̧ ttukuoku 'kua̧ra̧'a̧nä̧.

2 Corintios 12:16

Ja̧'wa̧nü̧ ja̧'a̧nä̧, ttürü pärätä kuiyätukuattü pä'ü kua̧'kua̧ rokuekuätukua pä'okü pinü̧sä̧. Ja̧'wa̧nü̧ jȩchina̧'a̧'i̧nä̧, kkorotü pä'ätü a̧mü̧nä̧ yaparetü jȩi̧nä̧u̧, jü̧nä̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

1 Tesalonicenses 2:3

Ujutu jitäumä̧ jäyä jäwämä̧ jo̧ka̧'a̧ ja̧'wa̧ta̧nü̧ surojükumä̧ wiwawoka'a ja̧'wa̧ta̧nü̧ yaparetü'i̧nä̧ ji'äwokotüjä̧.

1 Timoteo 3:7

Ja̧'wa̧ta̧nü̧ ttü̧ja̧ Dio-rü esetokotü'i̧nä̧ ttukuotäkuttü, dä'ä ttuäwänä̧'i̧nä̧, kkoro äwettä kka̧kuä̧mȩ'ü̧ toünä̧'i̧nä̧ ma̧ä̧chü̧ juiyäkua'anü̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

Hebreos 13:13

Ja̧'wa̧nü̧ ji̧nü̧ta'anü̧, ujutu'i̧nä̧ jua̧u̧ ü̧jo̧mȩku̧ ti̧'cha̧ pä'ätukui, ttü̧ja̧kuo̧mȩ u̧mi̧ku̧; jua̧u̧ru̧ ji̧nü̧ta'anü̧ usurä tȩmä̧u̧nä̧ ya̧ttä̧wä̧'cha̧tü̧ pä'ü.

1 Pedro 4:14

Ukuturu eseäkuäwä kka̧'a̧, Crito jäwänä̧ suronä̧ pättä'chäkurumä̧, jua'amä̧ ukuo'i̧nä̧ Dio a̧'kua̧rü̧ i̧sa̧'i̧nä̧ ukutunä̧ ü̧ja̧'a̧ttü̧.

3 Juan 1:12

O'katoi'ünä̧, Demetrio ütü'kü adiu ukuokuätü ja̧'wa̧ta̧nü̧ jua̧u̧ jȩpü̧ ü̧jü̧ttü̧ wo̧juä̧tü̧jä̧ isopäi'ünä̧ ja̧'a̧ pä'ü. Ja̧'wa̧ta̧nü̧ ujutu'i̧nä̧ jua̧u̧ adiu jȩü̧mä̧, adiutä ukuokuätüjä̧, jua̧u̧ tukuokumä̧ jueü wȩnȩtä̧ ja̧'a̧ pä'ü wo̧jua̧jä̧.

Apocalipsis 3:9

Sataná üäre sinagoga isotüttümä̧, judío-mä̧ ttoka'anä̧ judío-jä̧ yapareu pä'äwätürümä̧, uku kuä'ka jo̧mȩ ichi'ü ttiwe'kiyunä̧ pȩjä̧mü̧, ukuru repeda'a ttu̧wo̧juö̧nä̧ jȩchä̧kua̧sä̧.