2 Corintios 6:4 - Nuevo Testamento Uwotjüja

⁴ Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

TÄ̧DO Ä̧CUÄ̧ I̧HUȨNȨ

⁴ Pärocua'acu ujutu Dios umöhuäyotö ta'a totta pä'ö ka̧cuä̧tö̧jä̧. Ja̧'hua̧ta̧nö̧ ubara ttutinö topö ttu̧huo̧juä̧cuo̧tö̧. Ja̧'hua̧ta̧nö̧ koronö jui'ö'inä, koro surojö rö̧ȩnä̧ 'cuäopa'anä, tami 'qui'ächi'ö ka̧cuä̧tö̧jä̧.

2 Corintios 6:4 ပူးပေါင်းရင်းမြစ်များ

San Lucas 21:19

Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

Hechos 20:34

Ja̧'wa̧nü̧ jo̧ka̧'a̧, ttüku kue'ächätürü'i̧nä̧, ttürütä'i̧nä̧ rekuä rü̧jü̧mä̧, chu̧mü̧nä̧ aditü ȩmä̧'i̧jü̧sä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

Romanos 16:10

Te'äwiyätukuittü Apeles-rü, Crito jäwänä̧ jo̧mȩnü̧ juo'ächinü̧rü̧; ja̧'wa̧ta̧nü̧ Aritóbulo-rü'i̧nä̧, awaruwäku o'katoi'ünä̧rü̧.

Romanos 3:5

(Ttü̧ja̧sa̧ jü̧nä̧tä̧ pädäu̧jä̧) Dio adiwomȩnä̧ jȩü̧mä̧ ujutu suronä̧ jȩti̧yä̧ku̧, a̧mi̧ surächi'äku ro̧ȩpo̧mȩnä̧ i̧jȩkuä̧cha̧'a̧. ¿Ja̧'wa̧nü̧ ro̧ȩpo̧mȩnä̧, Dio-mä̧ suronä̧ jȩpü̧ pätäkua'a tä̧jí̧?

Romanos 5:8

Ja̧'wa̧nü̧ ja̧'a̧nä̧, Dio-mä̧ rü̧ȩnä̧ ujuturu repeü i̧jȩpi̧nä̧u̧jä̧, surojü jȩpä̧tü̧ ta'anä̧, Crito-mä̧ ujutu jäwänä̧ 'korujuo'ächinü̧.

1 Corintios 3:5

Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

1 Corintios 9:11

Ja̧'wa̧nü̧ ja̧'a̧ttü̧, ujutu Epíritu jäwä ukutunä̧ tu̧ju̧ni̧na̧'a̧mä̧, ukutumä̧ ujuturu rekuä rü̧jü̧ kuiyätukua pä'ü wotüjä̧.

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.

2 Corintios 11:9

Ja̧'wa̧ta̧nü̧ ukutuku chü̧jo̧mȩnä̧ rekuä rü̧ja̧'a̧nä̧, ya̧tȩrü̧'i̧nä̧ jä'epokü pinü̧sä̧; ja̧'wa̧ta̧nü̧ ttürü rekuä rü̧jü̧mä̧ Macedonia-ra̧'a̧ttü̧ ichinä̧tü̧tä̧ ppättädinä̧ku̧sä̧. Ja̧'wa̧ta̧nü̧ o'kajuiyünä̧tä̧ jädepoka'atä kki̧nü̧sä̧, ukutu ttü jäwänä̧ kua̧'kua̧ rokuekuätukua pä'okü pinü̧sä̧, jitä'i̧nä̧ ja̧'wa̧nü̧tä̧ chü̧jä̧kua̧sä̧.

2 Corintios 12:10

Ja̧'wa̧nü̧ jo̧mȩnä̧, Crito-rü eseu repeda'attü̧, ji̧yȩtä̧ chijuiyuwuönä̧tä̧ eseusä, suronä̧ pättä'chü̧nä̧, rekuä rü̧jü̧nä̧, suronä̧ jȩtta̧ttü̧ pä'ü ttusunä̧, cha̧'kua̧ tta̧dȩku̧nä̧; ja̧'wa̧nü̧ ja̧'a̧ttü̧ chijuiyuwomȩnä̧mä̧, chujuru kku̧nä̧rü̧sä̧.

2 Corintios 12:12

O'kajuiyünä̧tä̧ ja̧'a̧nä̧, cha̧mi̧ 'ki'ächi'ü, jȩtto̧kü̧ juei'i̧nä̧, na̧nȩpä̧tü̧ ttü̧'i̧pȩ'ü̧'i̧nä̧, ttünä̧tä̧ ja̧'a̧ topinä̧tü̧jä̧, isopäi'ünä̧ apóto jü̧nä̧ cha'attü, chaditäwämä̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

2 Corintios 3:6

Ja̧'wa̧ta̧nü̧ Jua̧u̧tä̧tä̧ ji̧na̧'a̧, jareünä̧ eseku wȩnȩ taditiyarü pä'ü jo̧mȩnü̧ tünä̧ wo̧juȩti̧nü̧mä̧ jua'a'i̧nä̧ weäwä wȩnȩnä̧mä̧kü̧, Epíritu-nä̧tä̧; isopäi'ünä̧ weäwä wȩnȩmä̧ totte'ächünä̧tä̧ ji̧nü̧ ja̧'wa̧nü̧ ja̧'a̧nä̧ Epíritu jäwämä̧ tta̧'kua̧rü̧ iyü jäwä ja̧'a̧.

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 4:8

Ja̧'wa̧nü̧ ja̧'a̧ttü̧, o'kajuiyünä̧tä̧ usurä tȩmä̧wa̧'a̧nä̧, kkȩdü̧mä̧ ikuoko̧u̧jä̧; jurunä̧ jȩta̧'a̧nä̧, ta̧'kua̧ ro'eku usurä ȩmä̧wo̧ko̧tü̧jä̧.

2 Corintios 7:11

Kua̧'kua̧ tta̧kuȩkui̧nä̧tu̧ku̧, Dio-rü pä̧wä̧rü̧jo̧mȩnä̧ ji̧na̧'a̧mä̧, ¡topätüjä̧ttü̧, kui̧rȩbȩwi̧nä̧tu̧ku̧mä̧! adiu amükuädü topü, ttürü ppä'ädinä̧tü̧jä̧; jua'akumä̧ kua̧mi̧surächi'inä̧tu̧kua̧'a̧nä̧'i̧nä̧, yekuekui'inä̧tu̧kua̧'a̧nä̧'i̧nä̧; jua̧u̧nü̧ o'ka'amä̧ ttürü to'kuätukua pä'inä̧tü̧jä̧, ttürü ppä'ädümä̧, suronä̧ jȩpä̧ji̧rü̧mä̧ ro̧'ȩpi̧nä̧tü̧jä̧. Ja̧'wa̧nü̧ ji̧na̧'a̧nä̧'i̧nä̧, o'kajuiyünä̧tä̧ i̧jȩkui̧nä̧tü̧jä̧, pi̧yȩ mȩkuä̧tu̧kuo̧kü̧ ji̧nü̧mä̧.

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

1 Tesalonicenses 3:7

Ja̧'wa̧nü̧ kua̧'kua̧ ku̧wȩnä̧rä̧tu̧kua̧'a̧ jiäwomȩnä̧, rü̧ȩnä̧ usurä ȩmä̧u̧ ta̧'kua̧ tta̧'ȩku̧ tajuäkuäwa'anä̧, ta̧'kua̧ tȩmü̧nä̧ päi'ä̧jä̧u̧jä̧.

1 Tesalonicenses 5:14

Ja̧'wa̧ta̧nü̧ jä̧tȩpä̧u̧jä̧, chawaruwä chi̧jä̧wa̧tü̧, ütäwätürü jikuäwätukua pä'ü'i̧nä̧, 'kuä'ächi'inä̧tü̧rü̧ ttujuru ichi'ünä̧ jikuäwätukua pä'ü'i̧nä̧, juiyupätürü ppäkuädätukua pä'ü'i̧nä̧, o'katoi'ünä̧rü̧ kua̧mi̧ 'kikuächi'ätukua pä'ü'i̧nä̧, jü̧nä̧.

1 Timoteo 2:15

Ja̧'wa̧nü̧ ja̧'a̧nä̧ isaju i̧tti̧mü̧kua̧ju̧ jȩja̧ pä'ü weäwi'inü̧ ukuotü, ttütäbotü esetü, kka̧'kua̧ wȩnä̧rü̧, kkawaruwärü repeü, surojü jȩjä̧'chü̧ juiyüttütä kkü̧ji̧pä̧kuo̧ju̧.

1 Timoteo 4:6

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

2 Timoteo 2:24

Ja̧'wa̧nü̧ ja̧'a̧ttü̧ Tu̧ru̧wa̧ u̧mü̧wä̧ya̧mä̧ pä'ä'chäkuäu rowäwu kue'ächü juiyü'anü̧ ja̧'a̧; ürowäwajueimä̧, o'katoi'ünä̧ku̧tä̧ adiu esekunü̧, wo̧juȩku̧nä̧ wo̧juȩtü̧ kkä̧nü̧ ja̧'wa̧ta̧nü̧ a̧mi̧ 'kiächi'a'anü̧ ja̧'a̧;

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.