2 Corintios 5:9 - Nuevo Testamento Uwotjüja

⁹ Ja̧'wa̧nü̧ ja̧'a̧ttü̧, tidepänä̧ tü̧ja̧kua̧ pä'ü'i̧nä̧; tidepä jo̧kü̧nä̧ tü̧ja̧kua̧ pä'ü'i̧nä̧, Tu̧ru̧wa̧ eseunä̧ tü̧ja̧ pä'ätüjä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ pi̧jä̧ jähuä tidepänä tö̧jo̧mȩnä̧'i̧nä̧ tö̧jo̧co̧mȩnä̧'i̧nä̧, 'cuäopönä adiunä tö̧ja̧cua̧ pä'ätöjä, Tu̧ru̧hua̧ eseunu toatö pä'ö.

2 Corintios 5:9 ပူးပေါင်းရင်းမြစ်များ

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

Hechos 10:35

Isopäi'ünä̧ kko̧ro̧jä̧ ttü̧ja̧rü̧'i̧nä̧ Churutä ukuotü esetätürümä̧, Dio-mä̧ repe'ü eseuti̧ pä'ü.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

Romanos 14:8

Ja̧'wa̧nü̧ ja̧'a̧ttü̧, ta̧'kua̧ro̧mȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ a̧'kua̧rä̧tü̧jä̧; ja̧'wa̧ta̧nü̧ 'korujuotächomȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ 'korujuo'ächätüjä̧. Ja̧'wa̧nü̧ ja̧'a̧ttü̧, ta̧'kua̧ra̧ja̧ pä'ü'i̧nä̧, 'korujuotächaja pä'ü'i̧nä̧, Tu̧ru̧wa̧ttü̧tä̧ todepätüjä̧.

Romanos 15:20

Ja̧'wa̧nü̧ ja̧'a̧ttü̧, aditinü̧sä̧, jareü wȩnȩmä̧ ä'koji Crito ütü'kü jittäwokomȩ jä̧'i̧jo̧mȩ pünä̧tä̧, kkorotü jittäwä'ijü wä̧mȩtü̧ jidäu juiya pä'ü.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

2 Corintios 5:6

Ja̧'wa̧nü̧ ja̧'a̧ttü̧, 'kuäopünä̧tä̧ eseäkuäwünü̧ kka̧kuä̧tü̧jä̧ ja̧'wa̧ta̧nü̧ tidepänä̧ tü̧jä̧i̧mä̧ Tu̧ru̧wa̧ttü̧mä̧ otó wotüjä̧ pä'ü wo̧juä̧tü̧jä̧.

2 Corintios 5:8

Ja̧'wa̧nü̧ ja̧'a̧ttü̧, teseäkuäwätukua pi̧yȩ tidepä ikuipü; pärokuänä̧ Tu̧ru̧wa̧ku̧tä̧ tü̧ja̧kua̧ päta'attü̧.

Efesios 1:6

Pa̧'a̧nü̧tä̧ jȩpi̧nü̧ Dio-mä̧ rü̧ȩnä̧ rȩrü̧jü̧ toü tesewarü pä'ümä̧, ja̧'wa̧nü̧ ja̧'a̧ttü̧ chutä I̧tti̧ repeäkunä̧ surojüttü kki̧'i̧kuä̧ iyinä̧u̧jä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Tesalonicenses 4:11

Ttu̧wȩkuä̧nä̧ kka̧kuä̧tu̧kui̧, ukutu jäwä kuaditäwätuku ku̧mü̧tu̧ku̧nä̧ aditütä, ujutu tu̧wo̧juȩti̧nü̧'a̧kuä̧,

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

Hebreos 12:28

Ja̧'wa̧nü̧ ja̧'a̧ttü̧ ujutumä̧ ȩmä̧tü̧jä̧ Ru̧wa̧ Dio weü wȩnȩ pporächi'okü jäwä. Ja̧'wa̧nü̧ ja̧'a̧ttü̧ Jua̧u̧ Dio-rü tesewätukuarü; Chutä üjü'komȩnä̧.

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.