2 Corintios 4:4 - Nuevo Testamento Uwotjüja

⁴ Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

⁴ Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

2 Corintios 4:4 ပူးပေါင်းရင်းမြစ်များ

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

San Juan 12:40

Tti'äriyä ä̧to̧dü̧ iku. Ja̧'wa̧ta̧nü̧ tta̧mi̧ 'kittädäkuäunä̧ jȩi̧nä̧u̧, Tti'ärenä̧ tottü juiya pä'ü, ja̧'wa̧ta̧nü̧ tta̧mi̧so'kinä̧ ttu̧wo̧jui̧pü̧ juiya pä'ü. Ttü'ärowächomȩnä̧, ttü aditü chiku juiyatü pä'ü.

San Juan 12:45

Ja̧'wa̧ta̧nü̧ ttürü topümä̧, ttürü we'inü̧rü̧'i̧nä̧ topü.

San Juan 14:30

Täkü ukutukumä̧, kkoro rü̧ȩnä̧mä̧ ukuokuoküsä, jua'amä̧ pi̧jä̧nä̧ we'ä'ijü icha'attü, Jua̧u̧mä̧ ttükumä̧ yoriso jui̧'a̧.

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Juan 16:11

Ja̧'wa̧ta̧nü̧ Dio ro̧ȩpä̧kuȩttü̧'i̧nä̧, pädümä̧, täkü pi̧jä̧nä̧ we'ä'ijürü ro̧ȩkui̧'ä̧kuȩ, päwi'a'a päda'attü.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 26:23

Pä'inä̧tü̧, Crito-mä̧ 'korujuoächä̧kua̧, 'korujuo'ächi̧'ü̧'ka̧ jua̧u̧ jä̧kua̧'a̧ ä̧kuo̧mȩnä̧ wa'inä̧tü̧ttü̧ tto̧ä̧chä̧kua̧mä̧ tȩya̧u̧ jiäwa pä'ü, judío-rü'i̧nä̧, judío pokotürü'i̧nä̧, jü̧nä̧.»

1 Corintios 10:20

Jua̧u̧ pädümä̧, pä'üsä. Judío pokotü i̧sa̧rü̧ kuä'ü iku sacrificio jȩtto̧mȩnä̧mä̧, Dio-rümä̧ ttukuokuoka'a, ä̧wȩttü̧rü̧ ukuokutä jȩpä̧tü̧ pä'ü. Ja̧'wa̧nü̧ ji̧yä̧ku̧, ä̧wȩttü̧ku̧ ji̧nä̧ ji̧yȩtȩ kuätukua pä'oküsä.

2 Corintios 2:11

Ja̧'wa̧nü̧ jȩ'kuä̧tu̧ku̧ttü̧mä̧, Satanás-mä̧ kkȩdü̧ ikuoko̧u̧ kuäkuotüjä̧. ¡Täkü wo̧juä̧tü̧jä̧ jua̧u̧ suronä̧ jȩa̧ pä'ü amükuädümä̧!

2 Corintios 2:12

Ja̧'wa̧nü̧ ja̧'a̧ Tróade ütawiyättümä̧, jareü wȩnȩ Crito i̧wȩnȩ jidäwa pä'ü bawekuächäja'anä̧,

2 Corintios 3:11

Isopäi'ünä̧, ji̧yȩ weäwä 'kuäopä̧chä̧kuȩ'i̧nä̧, tȩya̧wi̧na̧'a̧mä̧ ¡Juȩnȩ abonä̧nü̧ tȩya̧wä̧kua̧'a̧, 'kuäopünä̧tä̧ beipokü jäwämä̧!

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Filipenses 2:6

Jua̧u̧mä̧: Crito-mä̧, Dio jü̧ta̧'a̧nü̧ wa̧ ja̧'a̧nä̧ yo̧rä̧tȩwa̧sä̧ pä'ü ukuo te'äwokü pinü̧,

Colosenses 1:15

Jua̧u̧ Crito-mä̧ Dio uwäpokü a̧'kua̧juä̧ ja̧'a̧, kkoro pi̧jä̧nä̧ttü̧ aditinü̧ttü̧'i̧nä̧ ä̧kuo̧mȩnä̧ i̧sa̧ ja̧'a̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

Hebreos 6:4

Isopäi'ünä̧ weyekua'a, ya'utenä̧ tȩya̧u̧ kkȩdȩ'ä̧u̧, Dio mippoünä̧ iyü kkü'kü, Epíritu Sa̧tu̧rü̧ ȩmi̧nä̧tü̧ ppa̧ttä̧cha̧ pä'ümä̧,

2 Pedro 1:19

Pi̧yȩ profeta wotü jittäwinü̧mä̧ isopäi'ünä̧ ja̧'a̧, adiu topü jȩ'kuä̧tu̧ku̧mä̧ ra̧pa̧ra̧ yo̧mȩku̧ tejäda'a jä̧'i̧nü̧'a̧nü̧, mo̧ro̧ juomȩbü päi'ünä̧ ja̧'wa̧ta̧nü̧ mo̧ro̧ päia'a siri'komä̧ tta̧mi̧so'kinä̧ itejäda pä'ü rä'opü.

1 Juan 2:11

Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.

1 Juan 2:8

Ja̧'wa̧nü̧ ja̧'a̧nä̧, jitä chi̧wȩyu̧tu̧mä̧ jareünä̧ weäwä wȩnȩ ja̧'a̧; Jua̧u̧ jueü wȩnȩmä̧ Chutä, Crito-nä̧tä̧ kka̧'a̧ ja̧'wa̧ta̧nü̧ ukutunä̧'i̧nä̧ kka̧'a̧; jua'amä̧ yo̧ü̧mä̧ täkü 'kuä'opächü beipächa'anä̧, täkü pärokuä tȩya̧u̧tä̧ isopäi'ünä̧ kkȩdȩpa̧'a̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.