2 Corintios 3:8 - Nuevo Testamento Uwotjüja

⁸ ¡Juȩnȩ abonä̧nü̧ i̧tȩya̧u̧ i̧jȩkuä̧kua̧'a̧, Epíritu aditäwämä̧!

2 Corintios 3:8 ပူးပေါင်းရင်းမြစ်များ

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

1 Corintios 3:16

¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

2 Corintios 3:17

Jua'amä̧, Tu̧ru̧wa̧mä̧ Epíritu jü̧nä̧tä̧ wa̧ ja̧'a̧ttü̧; isopäi'ünä̧ Tu̧ru̧wa̧ i̧sa̧ Epíritu ü̧jo̧mȩmä̧, wȩnȩ juiyünä̧ kkä̧kuä̧wä̧ kka̧'a̧.

2 Corintios 3:6

Ja̧'wa̧ta̧nü̧ Jua̧u̧tä̧tä̧ ji̧na̧'a̧, jareünä̧ eseku wȩnȩ taditiyarü pä'ü jo̧mȩnü̧ tünä̧ wo̧juȩti̧nü̧mä̧ jua'a'i̧nä̧ weäwä wȩnȩnä̧mä̧kü̧, Epíritu-nä̧tä̧; isopäi'ünä̧ weäwä wȩnȩmä̧ totte'ächünä̧tä̧ ji̧nü̧ ja̧'wa̧nü̧ ja̧'a̧nä̧ Epíritu jäwämä̧ tta̧'kua̧rü̧ iyü jäwä ja̧'a̧.

2 Corintios 3:7

Weäwä wȩnȩmä̧ ji̧yȩnä̧tä̧ wa'are aditäkuȩ'i̧nä̧, i̧nä̧binä̧ wȩyu̧kua̧'a̧ ichina̧'a̧, rü̧ȩnä̧ Dio ujuru, Irae i̧tti̧mü̧mä̧ Moisé ü'änä̧ tottü juiyünä̧tä̧ ji̧na̧'a̧, Dio ujuru kko̧mȩttü̧, jua'akumä̧ to̧ȩ'ä̧chä̧kuȩ ja̧'a̧nä̧,

2 Corintios 3:9

Isopäi'ünä̧ totte'ächä̧kuȩ wȩnȩ'i̧nä̧ tȩya̧u̧nä̧ ji̧na̧'a̧mä̧, juȩnȩ abonä̧nü̧ tȩya̧wä̧kua̧'a̧ suropätürü aditü iku wȩnȩmä̧.

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

Gálatas 5:5

Ja̧'wa̧nü̧ ja̧'a̧nä̧, ujutumä̧ Epíritu jueünä̧ jiäwä̧u̧jä̧, Crito-nä̧ Dio ujuturu ȩma̧'a̧mä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

2 Tesalonicenses 2:13

Ja̧'wa̧nü̧ ja̧'a̧nä̧ ujutumä̧ 'kuäopünä̧tä̧ Dio-rü teseu'anü̧ ja̧'a̧ ukuturumä̧, Tu̧ru̧wa̧nä̧ tü̧jä̧wa̧tü̧ rȩpȩtä̧u̧jä̧, isopäi'ünä̧ Dio-mä̧ pojopü ȩmi̧nä̧u̧ kuätukua'attü, ra̧wä̧pi̧jü̧ttü̧ kki̧'ä̧kuä̧wä̧ ä̧kuo̧mȩnä̧ kuȩmä̧tu̧kua̧ pä'ü, Epíritu Sa̧tu̧nä̧tä̧ surojü juikuätukunä̧ ppädäkuäwä i̧sa̧nä̧tä̧ ja̧'wa̧ta̧nü̧ isopäi'ünä̧ wȩnȩ kuesetinä̧tu̧ku̧nä̧.

1 Pedro 1:2

Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.