2 Corintios 3:18 - Nuevo Testamento Uwotjüja

¹⁸ Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

2 Corintios 3:18 ပူးပေါင်းရင်းမြစ်များ

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 12:41

Isaía-mä̧ Jesú ütü'kü ukuokuinü̧, jua̧u̧ ukuo jäwä topü.

San Juan 17:22

Ttürü chukuo jäwä kuiyinü̧mä̧, ttü'i̧nä̧ chiyinä̧u̧, ji̧nä̧ ya̧tȩ tta pä'ü, ujutu jä̧'i̧jü̧ta̧'a̧nü̧, ji̧nä̧ ya̧tȩ ttäkua'anü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

Romanos 13:14

Pärokuänä̧ Tu̧ru̧wa̧ Jesucrito jäwänä̧ 'ka̧tä̧dä̧kuäwi̧'ä̧tu̧kui̧, kuidepä kkü'kekunä̧mä̧ kuiyäwätukuoka'a.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Romanos 8:4

Weäwä wȩnȩ weä'ijümä̧ ujutunä̧ jo̧mȩnü̧ päi'a pä'ü, jȩpi̧nü̧; jua'amä̧, täkü tidepä pä̧wä̧rü̧ja̧'a̧ku̧ jȩpü̧ ttü̧ja̧ku̧ juiyünä̧, pärokua'aku Epíritu Sa̧tu̧rü̧ pä̧wä̧rü̧jo̧mȩnä̧ jȩpü̧ tü̧ja̧kui̧ya̧rü̧ pä'ü.

Romanos 8:7

Isopäi'ünä̧ ttidepä wea'anä̧ kkä̧kuä̧wä̧mä̧, Dio aboiyotü päi'ünä̧tä̧ päroächäkuäwä; jua'amä̧, Jua̧u̧ weäwä wȩnȩ kkü'kü jui'ü jȩtta̧ pättoka'attü̧.

1 Corintios 13:12

Jitämä̧ tti'ä toäkuäwodänä̧ jä̧'i̧nü̧'a̧nü̧tä̧, seppanü̧ topätüjä̧ Dio-rümä̧; ja̧'wa̧nü̧ ja̧'a̧nä̧ o'kajuiyünä̧ jo̧mȩnü̧ päi'omȩnä̧ totäkuotüjä̧ Dio-rümä̧ wäjuönä̧. Jitämä̧ jü'totä wo̧jua̧sä̧, ja̧'wa̧nü̧ ja̧'a̧nä̧ jo̧mȩnü̧ päi'omȩnä̧ Churutä chu̧wo̧juä̧kua̧sä̧, pärokua'aku ttürü u̧wo̧juö̧ta̧'a̧nü̧.

1 Corintios 15:49

Ja̧'wa̧nü̧ ä̧kuo̧mȩnä̧ i̧sa̧, pi̧jä̧ttü̧ uwäbe'äkuäwa̧ a̧'kua̧juä̧ kku̧nä̧ri̧nä̧tü̧jä̧, ja̧'wa̧nü̧ ji̧nü̧ta'anü̧ mo̧ro̧jä̧ i̧sa̧ Crito 'kua̧rü̧nä̧ wotüjä̧.

2 Corintios 3:17

Jua'amä̧, Tu̧ru̧wa̧mä̧ Epíritu jü̧nä̧tä̧ wa̧ ja̧'a̧ttü̧; isopäi'ünä̧ Tu̧ru̧wa̧ i̧sa̧ Epíritu ü̧jo̧mȩmä̧, wȩnȩ juiyünä̧ kkä̧kuä̧wä̧ kka̧'a̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Gálatas 6:15

Isopäi'ünä̧ circuncisión jȩtta̧ja̧ pä'ü'i̧nä̧, jȩttü̧ juiyaja pä'ü'i̧nä̧ mikuäwoka'a; ji̧nä̧somä̧ pärokuänä̧ ttuwäpächütä ja̧'a̧ mikuäumä̧.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

Tito 3:5

ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

Santiago 1:23

Isopäi'ünä̧ ya'utekutä Dio i̧wȩnȩ ä̧ju̧kua̧'a̧nä̧ ja̧u̧ päü'a̧kuä̧ jȩpo̧kü̧mä̧, ya̧tȩ tti'ä toäkuäwodänä̧ i'ä toäkuäwa'a jä̧'i̧nü̧'a̧nü̧tä̧ wa̧:

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.