2 Corintios 3:1 - Nuevo Testamento Uwotjüja

¹ ¿Pi̧yȩ pätomȩnä̧mä̧, pä'äjita'anü̧ ujuturu, kueseäkuätukuatü pä'ü päta'a tä̧jí̧? ¿ja̧'wa̧nü̧ jo̧ka̧'a̧ jü̧ttü̧'i̧nä̧, kkorotü jȩttä̧'i̧jü̧'a̧nü̧, adiu jȩtä̧'i̧jü̧ kui̧wȩnȩtu̧ku̧ wȩyu̧tu̧ kuiyätukuatü päta'a tä̧jí̧, kkorotü jȩttä̧'i̧jü̧ a̧nü̧?

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ pätomenä: “Pä'äji ta'anö jitötä ttamönä adiu ucuocuätö” ¿ucutu pä'ätöjä tä̧ji̧? ¿Ujutumä cuyäru ujuturu adiu huȩyu̧cua̧'a̧ i'cächö tiyö'a̧nö̧ tä̧ji̧, ucuturu? Ja̧'hua̧ta̧nö̧ ¿ucutu'inä cuyäru ujuturu adiu huȩyu̧cua̧'a̧ cuiyätucu'a̧nö̧ tä̧ji̧, korotö jȩttö̧'a̧nö̧?

2 Corintios 3:1 ပူးပေါင်းရင်းမြစ်များ

Hechos 18:27

Ja̧'wa̧nü̧ ja̧'a̧ Aporo-mä̧ Acaya rȩjȩra̧'a̧ku̧ i̧'cha̧ pä'ü amükuädiyä̧u̧, awaruwä i̧jä̧wa̧tü̧mä̧ eseu kuyäru isojä wȩyu̧tu̧ iyü ppättädinä̧ku̧ jua'a Acaya-ttü Jesucrito-rü esetätü adiu ppättädarü pä'ü. Acaya rȩjȩra̧'a̧ i̧'chi̧'o̧mȩnä̧, rekuätürü ppä'ädinü̧ Dio re ü̧ji̧nü̧ jäwänä̧ esetätürü.

Romanos 16:1

Ukuturu we'üsä tawaruwaju tüjäwaju Febe-rü; juäjumä̧ Cencrea ütawiyättü igresia-nä̧ diákunu̧ isaju waju ja̧'a̧.

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

1 Corintios 16:3

Jua'a chi̧'chi̧'o̧mȩnä̧tä̧, ukutu pätetü wekuäjä̧tu̧kuä̧u̧ru̧mä̧, kuiyäjätuku pärätäku wȩdä̧kua̧sä̧ Jerusarȩ́-ra̧'a̧mä̧ wȩyu̧kuojäku ttȩpa̧ pä'ü.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

1 Corintios 4:15

Ja̧'wa̧nü̧ ja̧'a̧ttü̧ ukutumä̧, Crito-nä̧mä̧ diez mil-nü̧ jo̧mȩnä̧ wo̧juȩkuä̧ isotürü ku̧ju̧nä̧rä̧tu̧kua̧ja̧ pä'ü'i̧nä̧, kuä'otü̧mä̧ rekuätümä̧ to'ätüjä̧. Kuä'otuku jü̧nä̧ wa̧mä̧ ttütäsä, isopäi'ünä̧ Crito jäwä, jareü wȩnȩnä̧ chi̧tti̧mü̧ pä'i'inä̧tü̧jä̧.

2 Corintios 10:12

Ttümä̧, tta̧mü̧nä̧ pa̧ja̧tü̧ ttüadiwä ukuokuätuku chüyorekua pä'ümä̧ yorisotä jui̧'a̧sä̧; ja̧'wa̧nü̧ jȩchü̧ttü̧mä̧, yapare mikuäwokü wȩnȩtä̧ ja̧'a̧,

2 Corintios 10:18

Isopäi'ünä̧, ya̧tȩ a̧mü̧nä̧ pa̧ja̧tü̧ eseäkuäu ukuo te'äurumä̧ eseäkuäwoka'a ja̧'wa̧nü̧ ja̧'a̧nä̧ chu Tu̧ru̧wa̧ esewäkurumä̧, eseäkuäwä kka̧'a̧.

2 Corintios 10:8

Jua'akumä̧ chukuo jäwänä̧ yabonä̧nü̧ pädäwa'anä̧, dä'ämä̧ ttu'oküsä. Ukutunä̧ chukuo chu̧ju̧nä̧ra̧ pä'ümä̧, Chu̧ru̧wa̧ Jesucrito-tä iyina̧'a̧ttü̧, yabonü̧ kua̧'kua̧ ku̧wȩnä̧rä̧chä̧tu̧ku̧nä̧ ppädädätukuaku pä'ü, surojuodepätukuakumä̧ pä'oküsä.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

2 Corintios 5:12

Pä'äjita'anü̧ ujutu ta̧mü̧nä̧ pa̧ja̧tü̧ adiu kuesewätukuatü pä'ümä̧ pätoka'anä̧, jueünä̧ amükuädütä kuesewätukuatü pä'ätüjä̧. Ja̧'wa̧nü̧ kuädätätukuomȩnä̧ päwächa'a tta̧mi̧ iso'kittümä̧ otó tta'anä̧, ukuo te'äkuäwätürü.