2 Corintios 2:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧, Dio-rü eseusä, Crito-nä̧tä̧ surojü kkȩdü̧ tikunä̧ 'kuäopünä̧tä̧ ppäda'attü ja̧'wa̧ta̧nü̧ ujutunä̧tä̧ ttü̧jo̧mȩ pünä̧ o'kajuiyünä̧ i̧wȩnȩ jitäwomȩmä̧ a̧mȩu̧ jä̧'i̧nü̧'a̧nü̧ yoäwi'ünä̧ ppäda'attü.

TÄ̧DO Ä̧CUÄ̧ I̧HUȨNȨ

¹⁴ Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

2 Corintios 2:14 ပူးပေါင်းရင်းမြစ်များ

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

Romanos 15:19

Tottokü jä̧'i̧jü̧ tottünä̧'i̧nä̧, kkorojuei ttiweyeku'i̧nä̧, Epíritu Sa̧tu̧ ujurunä̧ aditinü̧sä̧. Ja̧'wa̧nü̧ aditinü̧sä̧ jareü wȩnȩ Jerusarȩ́-ttü̧ kkä̧mä̧dü̧, kkara'a'i̧nä̧ o'kajuiyünä̧, Irírico rȩjȩbü päi'ünä̧.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

Romanos 8:37

Ja̧'wa̧nü̧ ja̧'a̧nä̧, pi̧yȩmä̧ o'kajuiyünä̧ 'kuäopa'anä̧, abo 'kuä'o'ätüjä̧ chu, Jesucrito ujuturu repe'inü̧nä̧tä̧.

1 Corintios 12:8

Isopäi'ünä̧ Epíritumä̧, yotüterümä̧ iyü wo̧juȩku̧nä̧ ttukuokua pä'ü; ja̧'wa̧ta̧nü̧ jua̧u̧ Epíritu-tä ja̧'a̧ kkorotürü'i̧nä̧, chutä üjü'komȩnä̧ wo̧juä̧wä̧ wȩnȩ iyümä̧.

1 Corintios 15:37

Kuäwä ttu̧ju̧no̧mȩnä̧mä̧ isade bawäkuademä̧ kku̧nä̧wo̧kü̧, ji̧nä̧somä̧ u̧wä̧ju̧ isätetä kku̧nä̧wä̧ ja̧'a̧, kkorojuei ja̧ pä'ü'i̧nä̧, pärokuätä jä̧kua̧'a̧ ba̧wä̧kuȩmä̧.

1 Corintios 15:57

¡Ja̧'wa̧nü̧ ja̧'a̧nä̧, Dio-rü esewätüjä̧, Tu̧ru̧wa̧ Jesucrito-nä̧tä̧ kkȩdü̧ ikuäwä iyina̧'a̧ttü̧!

2 Corintios 1:11

ujuturu, Dio-rü ukuoku ppä'ädätukuitü. Isopäi'ünä̧ rekuätü Dio-rü kukuokuätukuttümä̧, rekuätü Dio-rü ukuoku tteseäkuäwäkuä̧u̧jä̧ ja̧'wa̧ta̧nü̧ Dio-rü ttesewäkuotü adiu ppäda'attü.

2 Corintios 8:16

Dio-rümä̧ eseusä, Tito a̧mi̧so'kinä̧, ukuturu ppäda pä'ü weina̧'a̧ttü̧, ttü chamükuädüta'anü̧.

2 Corintios 9:15

¡Dio-rütä esewätüjä̧, adiwä juei jȩtü̧nä̧tä̧ pärowächokü iyina̧'a̧ttü̧!

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:20

O'kajuiyünä̧tä̧ 'kuäopümä̧ Tä'o Dio-rü esewätukui, Tu̧ru̧wa̧ Jesucrito i̧mi̧nä̧.

Filipenses 4:18

Epafrodito-ku wekuäjätukumä̧ o'kajuiyünä̧ ȩmä̧ji̧sä̧, täkü rekuä rü̧jo̧ko̧ku̧sä̧. Jua̧u̧ ttürü wekuinä̧tu̧ku̧mä̧ adiwina̧'a̧, a̧mȩu̧ nü̧a̧'a̧ jä̧'i̧nü̧'a̧nü̧, ja̧'wa̧nü̧ usurä ȩmä̧u̧ ppädäkuäwä ja̧'a̧ Dio eseunu̧ ȩmü̧mä̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

Colosenses 2:15

Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

1 Tesalonicenses 1:8

Isopäi'ünä̧ ukututäjä̧ Tu̧ru̧wa̧ i̧wȩnȩ kkä̧mä̧dü̧ ji'äwinä̧tü̧mä̧, suro jua̧u̧ kui̧rȩji̧yä̧tu̧ku̧ Acaya-nä̧, Macedonia-nä̧tä̧mä̧kü̧, kkoro rȩjȩnä̧'i̧nä̧ ji'äwinä̧tü̧jä̧. O'kajuiyünä̧ pa̧ja̧ku̧nä̧ kka̧kuä̧tü̧mä̧ ä̧ju̧kui̧nä̧tü̧, Dio-rü kua̧'kua̧ ku̧wȩnä̧rä̧tu̧ku̧ wȩnȩmä̧, täkü ujutu jitäwa pä'ümä̧ rekuä rü̧jü̧ juiyünä̧tä̧, päi'ünä̧.

1 Tesalonicenses 3:9

Ja̧'wa̧nü̧ ja̧'a̧mä̧ ¿Däjenä̧tä̧ tesewäkua'ajä̧ttü̧ Tä'o Dio-rümä̧ ukutu, teseunä̧ ku̧jä̧tu̧kua̧'a̧mä̧?

1 Timoteo 2:8

Ja̧'wa̧nü̧ ja̧'a̧ttü̧, u̧mä̧tü̧mä̧ ttü̧ja̧kuo̧mȩ pünä̧ tta̧mi̧so'kinä̧ surojü juiyünä̧, ttü̧ra̧wä̧ro̧ka̧'a̧, pättä'chäkuäwoka'a, ttu̧mü̧ kä'epü Dio-rü ttukuokua pä̧wä̧rü̧jä̧ku̧sä̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

Apocalipsis 7:12

pa̧'a̧nü̧ pä'ünü̧: «¡Amȩ́! eseu ra̧wä̧wä̧'i̧nä̧, uruwo'i̧nä̧ wo̧juä̧wä̧ wȩnȩ'i̧nä̧, eseäkuäwä'i̧nä̧, ukuo'i̧nä̧, ujuru'i̧nä̧, Chutä, tu̧ru̧wa̧ Dio-rü mo̧ro̧ kki̧ä̧mü̧nä̧ iyü tesewarü pä'ütä ji̧na̧'a̧. ¡Amȩ́!»