2 Corintios 2:1 - Nuevo Testamento Uwotjüja

¹ Ja̧'wa̧nü̧ ji̧yä̧ku̧, kua̧'kua̧ tta̧kuȩkuä̧tu̧kuä̧ pä'ü, amükuädäji̧'ka̧ ukuturumä̧ ya'utekutä do'ächü ichokü pinü̧sä̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ ttö chamönä pä'inösä: “Pä'äji ta'anö tta̧'cua̧ tta̧ttȩcu̧ juiyäcua'a̧nö̧, ji'äu 'cho̧cö̧sä̧ jitämä.”

2 Corintios 2:1 ပူးပေါင်းရင်းမြစ်များ

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Hechos 15:37

Päku, Bernawé-mä̧, Ju̧a̧ ja̧'a̧nä̧ Maruku pättäkuru oipa pä'inü̧;

1 Corintios 2:2

Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.

1 Corintios 4:21

¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

1 Corintios 5:3

Ja̧'wa̧ta̧nü̧ ttümä̧ jua'amä̧ chü̧jo̧ka̧'a̧nä̧, jua'atä epíritu-nä̧ chü̧ja̧'a̧ttü̧; täkü ja̧'wa̧nü̧ jȩta̧rü̧tä̧ pä'üsä, jua̧u̧ surojü jȩpü̧rü̧mä̧.

2 Corintios 1:23

Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

2 Corintios 13:10

Ja̧'wa̧nü̧ ja̧'a̧ttü̧ wȩyu̧tu̧tä̧ wȩdä̧u̧jä̧ jua'a chichäkua'a ä'kanä̧; jua'a chichomȩnä̧ Chu̧ru̧wa̧ weinü̧'a̧kuä̧ pä̧i̧ku̧nä̧ pädü juiyäkua'anü̧, jua'amä̧ kuä̧rä̧mä̧tu̧kua̧ pä'ü, surojuodepätukuaku pä'ümä̧kü̧.

2 Corintios 2:4

Jua̧u̧ wȩyu̧tu̧ kkä̧nü̧mä̧, cha̧'kua̧ tta̧'ȩkui̧nü̧sä̧, chajuäunä̧tä̧ päi'ünä̧. Ukutu kua̧'kua̧ tta̧kuȩkuä̧tu̧kua̧mä̧ pä'okü pinü̧sä̧; suro, ukuturu rü̧ȩnä̧ eseu repedütä ku̧wo̧juä̧tu̧kua̧ pä'inü̧sä̧.

Tito 3:12

Artemas jü̧ttü̧'i̧nä̧, Tíquico jü̧ttü̧'i̧nä̧ uku ku̧ja̧'a̧ wedomȩnä̧mä̧, Nicópori-ra̧'a̧ kui'chi'ü'a̧nü̧ ja̧'a̧, juorü totäkuäwäkua'anü̧, isopäi'ünä̧ a̧'ȩnä̧mä̧ juȩnȩtä̧ 'kuädopa pä'ü amükuädüsä.