2 Corintios 13:5 - Nuevo Testamento Uwotjüja

⁵ Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

TÄ̧DO Ä̧CUÄ̧ I̧HUȨNȨ

⁵ Ucutu cuamönätucunä ka̧cuä̧mö̧ amöcuädäcuähuätucui, Diosrö esetö adiu cuami 'qui'ächi'önä cu̧ja̧cuä̧tu̧cua̧ pä'ö topö. Ja̧'hua̧nö̧ amöcuädö, ¿Jesucristo ucutucu ö̧ja̧'a̧ huo̧juo̧co̧tö̧jä̧ tä̧ji̧? Ja̧'hua̧nö̧ cu̧huo̧juä̧tu̧cu̧ juiyöttömä, ¿amönä yapareunätä esetinätöjä tä̧ji̧?

2 Corintios 13:5 ပူးပေါင်းရင်းမြစ်များ

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 15:4

Ttünä̧tä̧ todeunä̧ kka̧kuä̧tu̧kui̧, ttü'i̧nä̧ ukutunä̧ kkü̧sä̧. Ä̧na̧jui̧yä̧, uwa daunä̧ todewokomȩnä̧, a̧mü̧nä̧ pa̧ja̧tü̧ u̧wä̧ju̧ wȩjo̧ka̧'a̧ jä̧'i̧nü̧ta̧'a̧nü̧, ukuturu'i̧nä̧ ja̧'wa̧nü̧ jä̧kua̧'a̧ ttünä̧ ku̧jä̧tu̧kuo̧ko̧mȩnä̧mä̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Juan 17:26

Ukú kui̧mi̧ ttu̧wo̧juö̧nä̧ chiyinä̧u̧, jua'a yabonü̧'i̧nä̧ chi̧yä̧kuä̧u̧, ttürü kuiyinü̧ eseu repeäkuäwä juätünä̧ kkä̧kua̧'a̧nü̧, ttü'i̧nä̧ juätünä̧ chu̧ju̧nä̧.

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

San Juan 6:6

Ja̧'wa̧nü̧ ja̧'a̧nä̧, kka̧kuä̧mü̧ topü päinä̧ku̧, jȩä̧kuȩmä̧ u̧wo̧jua̧'a̧nä̧.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

Romanos 8:10

Jua'a yabo päi'ünä̧, Crito ukutunä̧ ü̧ja̧'a̧mä̧, kuidepätukumä̧ wa'ü ikuina̧'a̧ ukuotäkuäwokü jäwänä̧. Ja̧'wa̧nü̧ ja̧'a̧nä̧ Epíritumä̧ a̧'kua̧rü̧ kkü̧, Dio surojü jui̧'a̧ jü̧nä̧ ukuru aditü ikuina̧'a̧ttü̧.

1 Corintios 11:28

Ja̧'wa̧nü̧ ja̧'a̧ttü̧, yotukunä̧ kua̧mü̧nä̧tu̧ku̧tä̧ kka̧kuä̧mä̧kuä̧u̧ topäkuäwätukui ja̧'wa̧nü̧ jȩpi̧'ü̧'kotütä trigo i̧ri̧si̧'i̧nä̧, i̧so̧'ta̧nä̧ akuoya'i̧nä̧ awätukui.

1 Corintios 11:31

Isopäi'ünä̧, ujututä ta̧mü̧nä̧ pa̧ja̧tü̧ kka̧kuä̧mä̧kuä̧u̧ totäkuäuttümä̧, Tu̧ru̧wa̧mä̧ ro̧ȩpo̧ko̧u̧ täkuotüjä̧,

1 Corintios 3:16

¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?

1 Corintios 6:15

¿Ukutumä̧ juiyo jerupätüjä̧ tä̧jí̧, ya̧ku̧nä̧ jättäpäyotümä̧, Crito jä̧ttä̧pä̧ya̧rü̧, jua̧u̧ru̧tä̧ todepätüjä̧ pä'ümä̧? ¿Ja̧'wa̧nü̧ ja̧'a̧ttü̧, jua̧u̧ Crito jä̧ttä̧pä̧ya̧rü̧ chutodewa'amä̧, mä̧nä̧ isaju kkidepä jü̧nä̧ juodepa'a tä̧jí̧? Ja̧'wa̧nü̧mä̧ jȩchü̧ juiyü'anü̧ ja̧'a̧.

1 Corintios 6:19

¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?

1 Corintios 6:2

¿Ukutumä̧ kuieruwätukua'a tä̧jí̧, Dio-rü esetätütä jä̧kua̧'a̧, pi̧jä̧nä̧ttü̧ adiwomȩnä̧ wettäkuotü pä'ümä̧? ¿Tta̧'a̧nü̧ pä'ü ji̧'ki̧cha̧jü̧tä̧'i̧nä̧ adiwomȩnä̧ wekuätuku juiyünä̧ wotüjä̧ttü̧?

1 Corintios 9:24

Isopäi'ünä̧ wo̧juä̧tü̧jä̧, joäkuäwä isotü jottomȩnä̧mä̧, o'katoi'ünä̧tä̧ jopätü pä'ü ja̧'wa̧nü̧ ja̧'a̧nä̧ ya̧tȩtä̧ ja̧'a̧ joäji mikuä premio pättü ȩmi̧pü̧mä̧. Ja̧'wa̧nü̧ jü̧ta̧'a̧nü̧, ukutu'i̧nä̧ premio pättü kuȩmä̧tu̧ku̧nä̧ päi'ünä̧ jopätukui.

1 Corintios 9:27

Ja̧'wa̧nü̧ ja̧jü̧ jueimä̧, cha̧mü̧nä̧ 'ta'tapäkuäu, ukuotünä̧ jȩpä̧kuä̧u̧sä̧, ttütä'i̧nä̧ kkorotürümä̧ ppädädä'ija'anä̧, tode'ächü 'kua̧ra̧'a̧ pä'ü.

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Gálatas 4:19

Chi̧tti̧mü̧ 'kua̧rü̧nä̧ ukuturu repeda'attü̧, ukutu Crito jü̧ta̧'a̧nü̧ juokuächätukuomȩbü päi'ünä̧ pä'äjita'anü̧ usurä ȩmä̧u̧sä̧, muchaju ku̧kuä̧ba̧ barawäkua usurä kkȩmä̧wa̧'a̧ 'kua̧rü̧nä̧.

Gálatas 6:4

Ya̧ku̧nä̧ jȩpü̧ ku̧ja̧kuä̧tu̧ku̧mä̧, kua̧mü̧nä̧ pa̧ja̧tü̧tä̧ kka̧mü̧nä̧ topäkuäwätukui.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Colosenses 2:19

Juätümä̧ Crito-rü, igresia u päi'ünä̧ wa̧rü̧mä̧ todepokotü. Jua̧u̧nä̧ 'chu̧ä̧rü̧nä̧, todeunä̧ kkä̧nü̧ ttü̧jo̧mȩnä̧tä̧, Dio-rü pä̧wä̧rü̧jo̧mȩnä̧mä̧ büó juoäwa'a.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

1 Timoteo 2:15

Ja̧'wa̧nü̧ ja̧'a̧nä̧ isaju i̧tti̧mü̧kua̧ju̧ jȩja̧ pä'ü weäwi'inü̧ ukuotü, ttütäbotü esetü, kka̧'kua̧ wȩnä̧rü̧, kkawaruwärü repeü, surojü jȩjä̧'chü̧ juiyüttütä kkü̧ji̧pä̧kuo̧ju̧.

2 Timoteo 3:8

Ja̧'wa̧ta̧nü̧ Janes'i̧nä̧, Jambré'i̧nä̧ Moisé-rü ttukuotoka'a jȩtti̧nü̧ta̧'a̧nü̧, juätü ttü̧ja̧mä̧ isopäi'ünä̧ wȩnȩmä̧ ukuotokotü. Juätü tta̧mü̧kuädümä̧ surojuoekuätä ja̧'a̧ttü̧ Dio-rü tta̧'kua̧ wȩnä̧rä̧kuä̧wä̧mä̧ wo̧jui̧'o̧ko̧tü̧ pinä̧tü̧.

Tito 1:13

Pi̧yȩ jiäwinü̧mä̧ isopäi'ünä̧tä̧ ji̧na̧'a̧; ja̧'wa̧nü̧ ja̧'a̧ttü̧ ja̧'wa̧nü̧ wotürümä̧ pä̧i̧ku̧nä̧ ra̧wä̧ri̧pü̧nä̧nü̧ ji'äwätukuitü, Jesucrito-rü pä'äjita'anü̧ adiu tta̧'kua̧ ttu̧wȩnä̧rä̧kua̧'a̧nü̧.

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

Tito 2:2

Ja̧'wa̧ta̧nü̧ büäkuächätürümä̧ ji'äwi tta̧'kua̧pu̧nü̧ ttü̧ja̧kua̧, ttü̧ja̧ ttukuotünä̧, ja̧'wa̧ta̧nü̧ adiwomȩnä̧ ttü̧ja̧kua̧; tta̧'kua̧ wȩnä̧rü̧, eseunu̧, usurä ttȩma̧wo̧mȩnä̧ ttujuruku tta̧mi̧ 'kittächi'äkua'anü̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Hebreos 6:8

Ja̧'wa̧nü̧ ja̧'a̧nä̧, so̧ä̧'kuatä bawuönä̧ iyomȩnä̧mä̧, Dio suronä̧ pä'ü u̧ju̧no̧mȩnä̧, rüjinä̧mä̧ okuränä̧tä̧ kkuwü ikuäwä ja̧'a̧.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

1 Pedro 5:9

Tta̧'kua̧ wȩnä̧rä̧kuä̧wä̧nä̧ 'kiyünä̧ kua̧mi̧ 'ki'ächi'ätukui, pi̧jä̧ o'kajuiyünä̧ kka̧kuä̧tü̧ kui̧jä̧wa̧tu̧ku̧'i̧nä̧ jua̧u̧tä̧ jäwänä̧ usurä ttȩmä̧wa̧'a̧mä̧ wo̧juä̧tü̧jä̧.

Apocalipsis 2:5

Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.