2 Corintios 12:2 - Nuevo Testamento Uwotjüja

² Ya̧tȩ Crito-rü esetürü wo̧jua̧sä̧, täkü catoce años jo̧mȩnä̧ ja̧'a̧ (a̧'kua̧ra̧'a̧nä̧ ji̧na̧'a̧ kkü̧, a̧'kua̧ru̧wa̧nä̧tä̧ ji̧na̧'a̧kü̧; jȩru̧pa̧sä̧ jua'amä̧ Dio-tä wo̧jua̧) mo̧ro̧ji̧yä̧ wäbodäkuä jo̧mȩbü päi'ünä̧ ȩpi̧nä̧ku̧.

TÄ̧DO Ä̧CUÄ̧ I̧HUȨNȨ

² Ttö ya̧tȩ uborö, Cristorö esetörö, huo̧jua̧sä̧. Ja̧u̧mä̧ ttö̧jä̧pö̧ttö̧nö̧ pa̧ja̧cuä̧nö̧ a̧'ȩ ji̧nö̧ o'ca'a, mo̧ro̧jä̧ra̧'a̧, Dios ö̧jo̧mȩ ttȩpi̧nä̧cu̧do. Juhuorö'inä iso päi'önä ttȩpi̧nö̧mä̧ jȩru̧pa̧sä̧. 'Cuo̧ti̧cu̧tä̧ 'cuo̧ti̧cui̧nö̧cö̧. Diostä ja̧'hua̧nö̧ huo̧jua̧.

2 Corintios 12:2 ပူးပေါင်းရင်းမြစ်များ

San Lucas 24:51

Ja̧'wa̧nü̧ ukuokua'a jakuänä̧, juätüttü 'kȩi̧pä̧cha̧'a̧ttü̧, mo̧ro̧jä̧ra̧'a̧ ȩmi̧po̧mȩnä̧ kä'ekuächinü̧.

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

Hechos 14:6

Ja̧'wa̧nü̧ jȩtta̧tü̧ pä'ü tta̧mü̧kuädäja'a, ä̧ju̧kuä̧kuä̧wo̧'ü̧ Pauru-mä̧, Bernawé-kumä̧ tü'ipächü i̧wi̧'i̧nä̧tü̧ Ritra ütawiyära̧'a̧ku̧, Derbe-ra̧'a̧ku̧, Ricaonia rȩjȩnä̧ tü'künä̧nü̧ wȩjü̧ ütawiyä pünä̧.

Hechos 22:17

Ja̧'wa̧nü̧ ja̧'a̧ Jerusarȩ́ ütawiyära̧'a̧ ppa̧'ä̧chä̧ji̧'ka̧, Dio-rü ukuokuäkuäwodenä̧, Dio-rü ukuoku chü̧'a̧'a̧ i̧jȩkuä̧cha̧'a̧ttü̧,

Romanos 16:10

Te'äwiyätukuittü Apeles-rü, Crito jäwänä̧ jo̧mȩnü̧ juo'ächinü̧rü̧; ja̧'wa̧ta̧nü̧ Aritóbulo-rü'i̧nä̧, awaruwäku o'katoi'ünä̧rü̧.

Romanos 16:3

Priscirarü'i̧nä̧, Aquira-rü'i̧nä̧, te'äwiyätukuittü Crito weäwä chaditomȩnä̧ ppä'ädärä̧'i̧jä̧tü̧rü̧.

Romanos 16:7

Te'äwiyätukuittü chukuojattü chawaruwärü Andrónico-rü'i̧nä̧, Junia-rü̧'i̧nä̧, juätümä̧ ttütäku kärenä̧ pȩji̧nä̧tü̧rü̧. Juätü apótore-mä̧ jo̧mȩnü̧ ttu̧wo̧juä̧u̧, ttü chesetäkua'a ä'kanä̧ Crito-rü esetinä̧tü̧.

Romanos 16:9

Te'äwiyätukuittü Urbano-rü̧, Crito weinü̧nä̧ taditomȩnä̧ ppä'ädä̧rä̧'i̧jü̧rü̧ ja̧'wa̧ta̧nü̧ repedäku Estaqui-rü'i̧nä̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

2 Corintios 11:11

¿Jua'amä̧, ta̧'a̧nü̧ pä'ü päda'ajä̧ttü̧? ¿ukuturu repe'ü jui'ü? ja̧'wa̧nü̧mä̧kü̧ Dio-mä̧ o'kajuiyütä wo̧jua̧ ukuturu eseu repedümä̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Gálatas 1:22

Jua̧u̧nü̧ pä̧nä̧mä̧, Crito-rü esetätü Judea rȩjȩnä̧ kka̧kuä̧tü̧mä̧ ttieruwinä̧ku̧sä̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Efesios 4:10

Jua̧u̧ mȩyȩwi̧nü̧mä̧, jua̧u̧tä̧ ja̧'a̧ mo̧ro̧jä̧ttü̧ o'kajuiyünä̧ wä̧mȩnä̧ 'cha'ächi'inü̧mä̧, o'kajuiyünä̧ su̧'pȩnü̧ päi'ünä̧ jȩa̧ pä'ü.

1 Tesalonicenses 4:17

Ja̧'wa̧nü̧ päi'ü o'ka'a, ujutu kka̧kui̧pi̧nä̧tü̧mä̧, a̧'kua̧rä̧tü̧mä̧ ajiya isoppanä̧, juätütäku kätekuächäkuotüjä̧, juorü Tu̧ru̧wa̧rü̧ icha'a tota pä'ümä̧. Jua̧u̧nu̧tä̧ kkä̧mä̧dü̧ Tu̧ru̧wa̧ku̧ 'kuäopünä̧ tü̧jä̧kuo̧tü̧jä̧.

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

Hebreos 9:24

Isopäi'ünä̧ Crito-mä̧, Dio-rü ukuokuäkuäwode pi̧jä̧ ttü̧ja̧ adikuode, mo̧ro̧jä̧ttü̧ a̧'kua̧juä̧ kkodenä̧mä̧ do'ächokü pinü̧, ji̧nä̧so yodenä̧tä̧ mo̧ro̧jä̧ isodenä̧, Dio ä'ka jo̧mȩ ujutu jäwänä̧mä̧ do'ächinü̧.

Apocalipsis 1:10

Tu̧ru̧wa̧ u̧mo̧ro̧ ja̧'a̧, Epíritu Sa̧tu̧ jäwänä̧ chü̧ja̧'a̧ chaboja̧'a̧ku̧nä̧ttü̧ pä̧i̧ku̧nä̧ rä̧mi̧pi̧na̧'a̧ ä̧ju̧kui̧nü̧sä̧ trompeta jä̧'i̧nü̧'a̧nü̧,

Apocalipsis 12:5

Ja̧'wa̧nü̧ ja̧'a̧ juäju isajumä̧, uborü o'kaju juo'inä̧ju̧, kuoräu i̧so̧'kȩnä̧ ruwo wȩä̧kua̧rü̧ pi̧jä̧ o'kajuiyünä̧ ttü̧ja̧rü̧. Ja̧'wa̧nü̧ ja̧'a̧nä̧ juäju kki̧tti̧rü̧mä̧, 'cho'ipü Dio-rü iyäwi'ina̧'a̧, uruwo weomȩ.

Apocalipsis 4:2

Ja̧'wa̧nü̧ päi'omȩnä̧ Epíritu jäwänä̧ chü̧ja̧'a̧ttü̧, mo̧ro̧jä̧nä̧ ji̧yȩtȩ ruwo dȩä̧kä̧ jȩpü̧ kku̧nä̧wa̧'a̧ topinü̧sä̧, ju̧wä̧kä̧ ruwo dȩä̧kä̧nä̧ ya̧tȩ pi̧nü̧.