2 Corintios 11:9 - Nuevo Testamento Uwotjüja

⁹ Ja̧'wa̧ta̧nü̧ ukutuku chü̧jo̧mȩnä̧ rekuä rü̧ja̧'a̧nä̧, ya̧tȩrü̧'i̧nä̧ jä'epokü pinü̧sä̧; ja̧'wa̧ta̧nü̧ ttürü rekuä rü̧jü̧mä̧ Macedonia-ra̧'a̧ttü̧ ichinä̧tü̧tä̧ ppättädinä̧ku̧sä̧. Ja̧'wa̧ta̧nü̧ o'kajuiyünä̧tä̧ jädepoka'atä kki̧nü̧sä̧, ukutu ttü jäwänä̧ kua̧'kua̧ rokuekuätukua pä'okü pinü̧sä̧, jitä'i̧nä̧ ja̧'wa̧nü̧tä̧ chü̧jä̧kua̧sä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

2 Corintios 11:9 ပူးပေါင်းရင်းမြစ်များ

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

Hechos 18:5

Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.

Hechos 20:33

Kkorotü ttiäre pärätä'i̧nä̧, pü̧jä̧ti̧yu̧'i̧nä̧, ttiyattü pä'ümä̧ pä'okü pä'ijüsä;

Romanos 15:26

Jua̧u̧ pärätämä̧ Macedonia ttü̧ja̧ ja̧'wa̧ta̧nü̧ Acaya ttü̧ja̧ ttü̧ka̧ka̧tä̧ji̧, Jerusarȩ́-nä̧ kka̧kuä̧tü̧ tawaruwä ti̧jä̧wa̧tü̧ usurä isotürü ppä'ädü.

1 Corintios 16:17

Cheseunä̧ jä̧ku̧sä̧ Estéfana-rü̧'i̧nä̧, Fortunato-rü'i̧nä̧, Arcaico-rü'i̧nä̧ topü ttichäjiyäku, pärokuotü ukutu kuichätukuoka'a jä̧ja̧'a̧ttü̧.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 9:12

Isopäi'ünä̧ pi̧yȩ ofrenda ka̧ka̧tü̧ ttiya'amä̧, suro Dio-rü esetätürütämä̧ ppädoka'a, Dio-rü ttesewa pä'ü'i̧nä̧ ja̧'a̧;

Filipenses 2:25

Ja̧'wa̧nü̧ ja̧'a̧nä̧ cha̧wa̧ru̧wa̧ chi̧jä̧wa̧ Epafrodito-rü, pä'äjita'anü̧ ppa̧'a̧dü̧ weda pä'ü rekuä rü̧jä̧ku̧sä̧, ttürü ppä'ädä̧rä̧'i̧jü̧rü̧ chaditäwä'i̧nä̧, usurä chȩmä̧u̧'i̧nä̧, ukututä ttürü rekuä rü̧ji̧yä̧u̧ ppä̧dä̧ra̧ttü̧ pä'ü wekuinä̧tu̧kuä̧ku̧ru̧.

1 Tesalonicenses 2:6

Ukuturu'i̧nä̧, kkorotürü'i̧nä̧, ttü̧ja̧ ttukuotatü pä'ümä̧ usokotüjä̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

Hebreos 11:37

Kkorotümä̧ inä̧dunä̧ ikuäu kuä'ü ttikuä̧u̧'i̧nä̧, kkä'kotünä ro'ü ttikuä̧u̧'i̧nä̧, kurodänä̧ kuä'ü ttikuä̧u̧'i̧nä̧ 'korujuo'ächinä̧tü̧; oweja-tü'i̧nä̧, cabra-tü̧'i̧nä̧ tti̧jȩti̧yu̧ttü̧ adikuä 'ka̧tä̧u̧ kue'ächinä̧tü̧; usurä ȩmä̧u̧, ajuäkuäu, kuäkuäpü jȩttä̧u̧.