2 Corintios 10:7 - Nuevo Testamento Uwotjüja

⁷ Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

TÄ̧DO Ä̧CUÄ̧ I̧HUȨNȨ

⁷ Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.

2 Corintios 10:7 ပူးပေါင်းရင်းမြစ်များ

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

San Juan 7:24

Ukutumä̧ surojü jȩtta̧ja̧ pä'ü'i̧nä̧, adiu jȩtta̧ja̧ pä'ü'i̧nä̧ wä̧mȩnä̧tä̧ topü pä'ätüjä̧, adiu jueünä̧ jü̧ttü̧tä̧ topü pä'ätukui.

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

1 Corintios 14:37

Ja̧'wa̧ta̧nü̧ ya̧tȩ profeta-sä päüttümä̧ ja̧'wa̧ta̧nü̧ Epíritu ukuokuäkusä päüttümä̧, pi̧yȩ chi̧wȩyu̧tu̧mä̧, Tu̧ru̧wa̧ weinü̧ ja̧'a̧ pä'ü wo̧jua̧.

1 Corintios 15:23

Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.

1 Corintios 3:23

Ja̧'wa̧ta̧nü̧ ukutumä̧ Crito-ttü todepätüjä̧, Crito-tä Dio-ttü ütodewa'anä̧.

1 Corintios 9:1

¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 11:18

Ja̧'wa̧nü̧ tta̧mü̧nä̧ ttüadiwä ukuokuätü rekuätü ttü̧ja̧kua̧'a̧mä̧ ¿tta̧'a̧nü̧ pä'ü, ttü'i̧nä̧ chüadiwämä̧ chukuokuoka'ajä̧ttü̧?

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 13:3

Ja̧'wa̧nü̧ jo̧mȩnä̧ ku̧wo̧juä̧kuo̧tü̧jä̧, Crito ttünä̧ ukuokua'amä̧. Ja̧'wa̧nü̧ ja̧'a̧ttü̧ Crito-mä̧ ukuturumä̧ 'kuäunä̧mä̧ jȩpo̧kü̧, ujurutä i̧jȩpä̧kua̧ ukuturumä̧.

2 Corintios 5:12

Pä'äjita'anü̧ ujutu ta̧mü̧nä̧ pa̧ja̧tü̧ adiu kuesewätukuatü pä'ümä̧ pätoka'anä̧, jueünä̧ amükuädütä kuesewätukuatü pä'ätüjä̧. Ja̧'wa̧nü̧ kuädätätukuomȩnä̧ päwächa'a tta̧mi̧ iso'kittümä̧ otó tta'anä̧, ukuo te'äkuäwätürü.

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

1 Juan 4:6

Ujutumä̧ Dio-ku kka̧kuä̧tü̧jä̧; ja̧'wa̧nü̧ ja̧'a̧ttü̧ Dio-rü wo̧jua̧mä̧, ujuturu ä̧ju̧ku̧. Ja̧'wa̧nü̧ ja̧'a̧nä̧, Dio-ku kko̧kü̧mä̧, ujuturu ä̧ju̧kuo̧kü̧. Ja̧'wa̧nü̧ jo̧mȩnä̧ wo̧juä̧tü̧jä̧ jueü wȩnȩ Epíritu-ru kku̧nä̧rü̧rü̧'i̧nä̧ ja̧'wa̧ta̧nü̧ yapare wȩnȩ Epíritu-ru kku̧nä̧rü̧rü̧'i̧nä̧, jü̧nä̧.