2 Corintios 10:4 - Nuevo Testamento Uwotjüja

⁴ Isopäi'ünä̧ ujutu türowäu ujurumä̧ tidepä jäwämä̧kü̧; ji̧nä̧somä̧ Dio ujurunä̧tä̧ rowäwätüjä̧ surojü ujuru si'epü ikua pä'ümä̧,

TÄ̧DO Ä̧CUÄ̧ I̧HUȨNȨ

⁴ Ujutumä pi̧jä̧nä̧ rohuäcuähuä juäicumä rohuähuocotöjä. Dios ujurunä rohuähuätöjä, o'ca juiyönä Dios aboiyotö ttujuru pi̧jä̧nä̧ ka̧cu̧ be'epäjipö ticua pä'ö.

2 Corintios 10:4 ပူးပေါင်းရင်းမြစ်များ

Hechos 7:22

Ja̧'wa̧nü̧ ja̧'a̧ Moisé-mä̧ Egito ttü̧ja̧ ttu̧wo̧jui̧'ü̧nä̧tä̧ wo̧jui̧pi̧nü̧ ja̧'wa̧ta̧nü̧ i̧wȩnȩttü̧'i̧nä̧, aditäwättü'i̧nä̧ ukuo kkü̧nä̧tä̧.

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

Romanos 6:13

Ja̧'wa̧ta̧nü̧ surojüra̧'a̧ku̧ oipa'anä̧mä̧ kuiyäwätukuä. Ja̧'wa̧nü̧ ja̧jü̧ jueimä̧, wa'ü ikui'ü'kotü tto'ächätü jü̧nä̧tä̧ Dio-rümä̧ iyäwätukui, adiwä juei ukuotätü jü̧nä̧tä̧.

1 Corintios 2:5

Jua'amä̧ ukutu kua̧'kua̧ ku̧wȩnä̧rä̧tu̧ku̧mä̧, pi̧jä̧ ttü̧ja̧ ttu̧wo̧juö̧nä̧ 'chu̧ä̧rü̧nä̧ kkada'ka jü̧nä̧ ttü̧ja̧jü̧ jueimä̧, Dio ujurunä̧tä̧ kkada'ka jü̧nä̧ ku̧ja̧kuä̧tu̧kua̧ pä'ü.

1 Corintios 9:7

¿Ditä jä̧'i̧jä̧ttü̧, su̧ro̧do̧u̧ i̧sa̧ kkä̧nü̧, u̧kuȩ'i̧nä̧, iäre'i̧nä̧ mitäu kkü̧mä̧? ¿Ditä jä̧'i̧jä̧ttü̧ uwa pättiyu adita'anä̧, jua̧u̧ u̧wä̧ju̧ kuokümä̧? ¿Ditä jä̧'i̧jä̧ttü̧ oweja-tü̧rü̧ tta̧wä̧ra̧'a̧nä̧, oweja-tü̧ ttatate isoya awokümä̧?

2 Corintios 10:8

Jua'akumä̧ chukuo jäwänä̧ yabonä̧nü̧ pädäwa'anä̧, dä'ämä̧ ttu'oküsä. Ukutunä̧ chukuo chu̧ju̧nä̧ra̧ pä'ümä̧, Chu̧ru̧wa̧ Jesucrito-tä iyina̧'a̧ttü̧, yabonü̧ kua̧'kua̧ ku̧wȩnä̧rä̧chä̧tu̧ku̧nä̧ ppädädätukuaku pä'ü, surojuodepätukuakumä̧ pä'oküsä.

2 Corintios 13:10

Ja̧'wa̧nü̧ ja̧'a̧ttü̧ wȩyu̧tu̧tä̧ wȩdä̧u̧jä̧ jua'a chichäkua'a ä'kanä̧; jua'a chichomȩnä̧ Chu̧ru̧wa̧ weinü̧'a̧kuä̧ pä̧i̧ku̧nä̧ pädü juiyäkua'anü̧, jua'amä̧ kuä̧rä̧mä̧tu̧kua̧ pä'ü, surojuodepätukuaku pä'ümä̧kü̧.

2 Corintios 3:5

Ujututä ta̧mü̧nä̧ pa̧ja̧tü̧, jȩtü̧'a̧nü̧ jü̧mä̧ jui'ätüjä̧; ujutu jȩtü̧mä̧, jȩtü̧nä̧ Dio iyomȩttü̧tä̧ jȩpä̧tü̧jä̧.

2 Corintios 4:7

Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

2 Corintios 6:7

jueü wȩnȩnä̧ tü̧jo̧mȩnä̧'i̧nä̧, Dio ujurunä̧ tü̧jo̧mȩnä̧'i̧nä̧ ja̧'wa̧ta̧nü̧ ttu̧wo̧jua̧'a̧ku̧nä̧, ttieruwa'akunä̧, adiwomȩnä̧ tü̧ji̧pa̧ja̧ pä'ü'i̧nä̧ jueünä̧tä̧ jȩpä̧tü̧jä̧;

1 Tesalonicenses 5:8

Ja̧'wa̧nü̧ ja̧'a̧nä̧, ujutu mo̧ro̧ isotümä̧, amükuä̧rü̧nü̧ tü̧ja̧kuä̧tu̧kua̧; eseäkuäwä'i̧nä̧, tta̧'kua̧ wȩnä̧rä̧kuä̧wä̧'i̧nä̧ 'ka̧tä̧wi̧'ü̧, surojüttü kki̧'ä̧kuä̧wä̧ tta̧'ä̧rü̧nü̧, isätta 'kiyätta ttü̧'ka̧tä̧wi̧'a̧'a̧ 'kua̧rü̧nä̧.

1 Timoteo 1:18

Chi̧tti̧, Timoteo, pi̧yȩ wedäkujä̧ kurä adiwäjuei kurowäwa pä'ü kua̧'kua̧ wȩnä̧rü̧ kkä̧nü̧, adiwomȩnä̧ amükuädü, 'kuäopä̧kuȩ wȩnȩ uku kutü'kü jittäwinü̧'a̧kuä̧.

2 Timoteo 2:3

Ukumä̧ Jesucrito u̧mü̧wä̧ya̧ su̧ro̧do̧u̧ i̧sa̧ jä̧'i̧nü̧'a̧nü̧, jua̧u̧ jäwänä̧ usurä kuȩmä̧wa̧ pä'ümä̧ jo̧mȩnü̧ ku̧ju̧'a̧nü̧ ja̧'a̧.

Hebreos 11:30

Tta̧'kua̧ ttu̧wȩnä̧ra̧'a̧ttü̧, Jericó ütawiyä jäyänä̧ ttoekuä̧rü̧ o'kamä̧ ma̧ä̧chi̧na̧'a̧, kko̧ro̧mü̧ttü̧nü̧ todäre mo̧ro̧ päi'ünä̧ ttüjäräwomȩnä̧.