2 Corintios 10:1 - Nuevo Testamento Uwotjüja

¹ Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

TÄ̧DO Ä̧CUÄ̧ I̧HUȨNȨ

¹ Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 10:1 ပူးပေါင်းရင်းမြစ်များ

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

San Mateo 21:5

Sión ütawiyänä̧ ji'äwi: Topi, Ru̧wa̧ Rey-mä̧ uku ku̧ja̧'a̧ku̧ ichü. Buro-nä̧, ukuo i̧sa̧ jü̧nä̧ wä̧nü̧, Buro ji̧'chi̧cha̧wa̧, i̧sa̧ a̧mä̧kü̧ ȩpü̧ jü̧nä̧ ttu'uttädäkunä̧.

Hechos 8:32

Wȩyu̧kuo̧mȩ ukuokuinomȩmä̧ pa̧'a̧nü̧ päina̧'a̧: Oweja-rü kuä'ü ikuäwomȩku̧, kuä'ü ttikua pä'ü ttȩpa̧'a̧ 'kua̧rü̧nä̧ ttȩpi̧nä̧ku̧; Oweja i̧tti̧rü̧ uwo'che 'kuitta'anä̧, ttä'kattü 'korunä̧ ü̧ja̧'a̧ jä̧'i̧nü̧'a̧nü̧, ämä̧ yä'epokü pinü̧.

Romanos 10:20

Ja̧'wa̧ta̧nü̧ Isaía-mä̧ ya'utekutä pä'inü̧: «Ttümä̧, ttürü usokotü pinä̧tü̧ ttü̧'o̧kui̧'ä̧kua̧sä̧; ja̧'wa̧ta̧nü̧ chi̧jȩkuä̧kua̧sä̧, Ttürü jä'epä̧ro̧ko̧tü̧ pinä̧tü̧rü̧.»

Romanos 12:1

Ja̧'wa̧nü̧ ja̧'a̧ttü̧, chawaruwä chü̧jä̧wa̧tü̧ ukuturu jä'epüsä Dio rȩrü̧jü̧ toinü̧nä̧tä̧, kua̧mü̧nä̧ pa̧ja̧tü̧ yotukunä̧mä̧ ku̧jä̧tu̧ku̧mä̧ ofrenda jü̧nä̧tä̧, surojü juiyünä̧tä̧, Dio eseunä̧tä̧, Chutä Dio-rü kuiyäwätukua pä'ü.

Romanos 15:15

Ja̧'wa̧nü̧ ja̧'a̧nä̧'i̧nä̧, kkorojueittü ji̧yȩku̧nä̧ wäjuönä̧ wȩyu̧tu̧sä̧, yaboku ku̧wo̧juä̧chi̧'ä̧tu̧kua̧ pä'ü. Dio ttürü re ü̧ji̧no̧mȩttü̧tä̧.

1 Corintios 2:3

Jua'a ukuturu wo̧juȩtü̧ chi̧wä̧chi̧nü̧mä̧ ukuo i̧sa̧ 'kua̧rü̧ juiyünä̧ topäkuäu, ja̧'wa̧ta̧nü̧ ye'eku rü̧ȩnä̧ tti̧'ä̧wi̧nü̧sä̧.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

1 Corintios 4:21

¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

2 Corintios 10:10

Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 10:2

ja̧'wa̧nü̧ ja̧'a̧ttü̧ jädepä̧u̧jä̧, topü chichomȩnä̧ yeäwä juiyünä̧ jȩcha̧mä̧ pä'oküsä juätürümä̧, ttidepä weünä̧ kkä̧tü̧rü̧ pättü'anü̧ ujuturu pä'ätürümä̧.

2 Corintios 10:7

Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

2 Corintios 11:21

Pi̧yȩ pädümä̧ dä'ä rü̧ja̧'a̧nä̧ pä'üsä, ¡ujutumä̧ ja̧'wa̧nü̧mä̧ jȩto̧ko̧u̧ pinä̧tü̧jä̧! Ja̧'wa̧nü̧ ja̧'a̧nä̧, kkorotü'i̧nä̧ ja̧'wa̧nü̧ jȩtta̧'a̧ttü̧, ttü'i̧nä̧ ja̧'wa̧nü̧tä̧ jȩpü̧sä̧, tä̧'ä̧mä̧tü̧ ttukuoku 'kua̧ra̧'a̧nä̧.

2 Corintios 11:30

Ji̧yȩtȩ ukuo tedäwa pädüttümä̧, chijuiyuwuötä ukuo te'äusä.

2 Corintios 12:5

Ja̧'wa̧nü̧ wi̧nü̧rü̧tä̧, ukuo te'äu eseusä; ja̧'wa̧nü̧ ja̧'a̧nä̧ ttütä cha̧mü̧nä̧mä̧ ukuo te'äkuäwoküsä ja̧'wa̧nü̧ ja̧jü̧ jueimä̧ chijuiyuwa'atä eseusä.

2 Corintios 3:12

Ja̧'wa̧nü̧ tta̧'ä̧rü̧ tü̧ja̧kua̧'a̧ttü̧, o'kajuiyünä̧tä̧ wäjuönä̧ ukuokuätüjä̧;

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

2 Corintios 7:4

Ukuturumä̧ wäjuönä̧tä̧ ukuokusä; ja̧'wa̧ta̧nü̧ rü̧ȩnä̧ eseusä ukuturumä̧; a̧'u̧ ttudomȩnä̧ ppädäkuäwä'i̧nä̧ jo̧mȩnü̧ kkä̧ku̧sä̧; rü̧ȩnä̧ usurä tȩmä̧wa̧'a̧nä̧'i̧nä̧ rü̧ȩnä̧ eseusä.

Gálatas 4:13

Ukutumä̧ wo̧juä̧tü̧jä̧, na̧dä̧chi̧pä̧jo̧mȩttü̧ ä̧kuo̧mȩnä̧ jareü wȩnȩ jidäwina̧'a̧mä̧.

Gálatas 5:2

Ttü Pauru pädü ä̧ju̧kuä̧tu̧kui̧: isopäi'ünä̧ circuncisión pättü jȩpä̧kuä̧wä̧tü̧rü̧mä̧, Crito i̧mi̧täwinü̧mä̧ mikuäwokü ja̧'a̧.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Filipenses 4:5

Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

2 Tesalonicenses 3:17

Ttü, Pauru, pi̧yȩ chu̧mü̧nä̧ wȩyu̧tu̧ ukuturu te'äusä. Ja̧'wa̧ta̧nü̧ o'kajuiyünä̧ kuyäru ojiyä wȩyu̧tu̧ wedümä̧ rüjinä̧ chi̧mi̧ rütü, pa̧'a̧nü̧tä̧ wȩyu̧tu̧sä̧.

Filemón 1:19

Ttü Pauru, wȩyu̧tu̧ we'üsä; jua'akumä̧ ttütä chi̧mi̧tä̧kua̧jä̧ (ji̧nä̧, uku'i̧nä̧ ttürü kuimi̧ppota'a, pä'ü jui'ü).

Filemón 1:9

täkü bü̧o̧sa̧ cha'attü, Crito jäwänä̧ kärenä̧ pä̧nü̧ kkä̧nü̧, jä'epütä jädepäkujä̧ ppäkuäda pä'ü,

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,