2 Corintios 1:8 - Nuevo Testamento Uwotjüja

⁸ Isopäi'ünä̧ chawaruwä chi̧jä̧wa̧tü̧, Asia-ttü usurä temä̧wi̧nü̧mä̧ ku̧wo̧juä̧tu̧kua̧ pä'ätüjä̧; täkü tujuru jä̧ji̧'i̧nä̧ jui'ätütä päti'ünä̧, a̧'kua̧ro̧ko̧tü̧jä̧kü̧ pätünä̧ päi'ünä̧ usurä ȩmä̧wi̧nä̧tü̧jä̧.

TÄ̧DO Ä̧CUÄ̧ I̧HUȨNȨ

⁸ Chö̧jä̧hua̧tö̧, cu̧huo̧juä̧tu̧cua̧ pä'ätöjä ujuturu suronä 'cuäopinömä Asia rȩjȩnä̧ tö̧ja̧cuo̧mȩnä̧. Ja̧'hua̧nö̧ rö̧ȩnä̧ suronä 'cuäopa'anä, tujuru'inä jui'inätöjä. Tami 'quitächi'ö juiyönä päi'inä̧u̧jä̧. Täcö 'corupäti'äcuotöjäcö̧ pä'ö amöcuädinätöjä.

2 Corintios 1:8 ပူးပေါင်းရင်းမြစ်များ

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 19:41

Pi̧yȩ pä'ü kä'ädi'ipütä, ttü̧ja̧rü̧ tti̧wa̧ pä'ü we'ü ikuinü̧.

Hechos 2:9

Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧,

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

1 Corintios 15:32

Éfeso ütawiyättümä̧ de'a isotü pä̧i̧kuä̧tü̧ jä̧'i̧nü̧'a̧nü̧ wotü ttü̧ja̧ku̧ rowäwinü̧sä̧ ja̧'wa̧nü̧ ja̧'a̧nä̧, isopäi'ünä̧ wa'ü ikuinä̧tü̧ ttoächäkuäwokü jü̧ttü̧mä̧, ¿däjetä chȩmi̧na̧'a̧jä̧ttü̧? jua̧u̧nu̧mä̧ kkorotü pättä'ijü̧'a̧kuä̧ jȩtä̧tu̧kua̧: kuä̧nü̧ jü̧nä̧tä̧, au jü̧nä̧tä̧ jȩtä̧tu̧kua̧, täkü yo̧i̧mo̧ro̧mä̧ 'korujuotächäkua'attü̧.

1 Corintios 16:9

Chadita pä'ümä̧ äpate rü̧ȩnä̧ bawekuächäja'a, yabokutä ja̧'wa̧nü̧ ja̧'a̧nä̧ rekuätü chaboiyotü'i̧nä̧ rekuätü ja̧'a̧.

1 Corintios 4:8

Täkü, ukutumä̧ jo̧mȩnü̧ kku̧nä̧rä̧tü̧jä̧ kuju'kätukumä̧: Täkü ruwotüjä̧, ruwotü 'kua̧rü̧nä̧ jȩpü̧ kkä̧nü̧, ujuturu rekuä rü̧jo̧ko̧u̧ 'kua̧rü̧nä̧ jȩ'kuä̧tu̧kua̧'a̧ttü̧. ¡Isopäi'ünä̧ ruwotü kuätukuado, ujutu'i̧nä̧ ukututäku jua̧u̧ ruwonä̧ wetäkua'anü̧!

2 Corintios 1:9

Täkü tote'ächa pä'ütä jȩpü̧ kku̧nä̧wo̧tü̧jä̧kü̧ pätünä̧ päi'ünä̧ winä̧tü̧jä̧, jua'amä̧ ujututä ta̧mü̧nä̧ pa̧ja̧tü̧ ta̧'kua̧ tu̧wȩnä̧rä̧kuä̧u̧ juiya pä'ü ji̧na̧'a̧, Dio, wa'arettü tto'ädürütä ta̧'kua̧ tu̧wȩnä̧ra̧ pä'ü.

2 Corintios 6:9

tti̧ȩru̧wä̧u̧ 'kua̧ra̧'a̧nä̧, ttu̧wo̧juä̧u̧ jü̧nä̧tä̧; juiyupächätü 'kua̧ra̧'a̧nä̧, ta̧'kua̧rü̧ kku̧nä̧rä̧tü̧tä̧; usurä ttȩmä̧u̧nä̧ jȩttä̧u̧ 'kua̧ra̧'a̧nä̧, wa'ümä̧ ikuokotüjä̧.