1 Pedro 5:9 - Nuevo Testamento Uwotjüja

⁹ Tta̧'kua̧ wȩnä̧rä̧kuä̧wä̧nä̧ 'kiyünä̧ kua̧mi̧ 'ki'ächi'ätukui, pi̧jä̧ o'kajuiyünä̧ kka̧kuä̧tü̧ kui̧jä̧wa̧tu̧ku̧'i̧nä̧ jua̧u̧tä̧ jäwänä̧ usurä ttȩmä̧wa̧'a̧mä̧ wo̧juä̧tü̧jä̧.

TÄ̧DO Ä̧CUÄ̧ I̧HUȨNȨ

⁹ Ja̧u̧ru̧ jarodi'ätucui. Adiu Jesucristorö esetätucui. Ucutu huo̧juä̧tö̧jä̧, iso päi'önä o'ca toi'önä tö̧jä̧hua̧tö̧ pi̧jä̧nä̧ pa̧ja̧cu̧nä̧ ka̧cuä̧tö̧, ujutu ubara ttutu ta'anö, ubara ttu'ätö jahuätö'inä.

1 Pedro 5:9 ပူးပေါင်းရင်းမြစ်များ

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

1 Corintios 10:13

Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

Efesios 4:27

Ja̧'wa̧ta̧nü̧ äwettä kka̧kuä̧mȩ'ü̧ toünä̧mä̧ kuiyä'wätukuärü.

Efesios 6:16

Kkorottü'i̧nä̧ abonä̧nü̧ 'chu̧'ä̧rä̧tu̧kui̧, tta̧'kua̧ wȩnä̧rä̧kuä̧wä̧mä̧ escudo pättüjuei jä̧'i̧nü̧'a̧nü̧ tto̧ȩpä̧rä̧tu̧kua̧ku̧, äwettä iäro'ki okurä kuo'ki püdo'ki ppüäwomȩnä̧ na̧'ȩpü̧ kuikuätukuäkua'anü̧.

Colosenses 2:5

Isopäi'ünä̧ ukututäku wäjuönä̧mä̧ chü̧jo̧ka̧'a̧nä̧, cha̧'kua̧rü̧ i̧sa̧nä̧tä̧ kkü̧sä̧ ukutukumä̧, ja̧'wa̧nü̧ ja̧'a̧ttü̧ eseusä adiu kuaditätukua'a'i̧nä̧ ja̧'wa̧ta̧nü̧ Crito-rü yaboku kua̧'kua̧ ku̧wȩnä̧rä̧tu̧kua̧'a̧'i̧nä̧ topü.

1 Tesalonicenses 3:3

Surojü 'kuäopomȩnä̧, kua̧'kua̧ ku̧wȩnä̧rä̧'i̧jä̧tu̧ku̧ kuijuiyuwächi'ätuku juiya pä'ü. Ujutumä̧, iweye jua̧u̧mä̧ 'kuätopü pä'ü, ku̧wo̧juä̧tu̧kua̧ pä'ü.

1 Timoteo 6:12

Tta̧'kua̧ wȩnä̧rä̧kuä̧wä̧nä̧ surojümä̧ adiwäjuei kuränä̧ rowäwi; kkä̧kuä̧wä̧ i'ko'i̧nä̧ dajawächa'anä̧mä̧ ja̧'a̧tä̧ to'kuä, jua̧u̧tä̧ pätetü Dio-mä̧ woinä̧ku̧jä̧, ja̧'wa̧nü̧ ja̧'a̧ttü̧ ttü̧ja̧ rekuätü ttä'ka jo̧mȩttü̧ kua̧'kua̧ ku̧wȩnä̧rü̧mä̧ ji'äwinü̧jä̧.

2 Timoteo 3:12

Isopäi'ünä̧ ja̧'a̧, o'katoi'ünä̧ Jesucrito-rü ukuotü ttü̧ja̧kua̧ pä̧wä̧rü̧jä̧u̧mä̧ kuäkuättä̧u̧ usurä ttȩmä̧wä̧kuo̧tü̧;

2 Timoteo 4:7

Surojükumä̧ adiwäjuei kuränä̧ rowäwinü̧sä̧, ja̧'wa̧nü̧ rowäu jo̧mȩnü̧ rȩbȩwi̧nü̧sä̧, Dio-rü'i̧nä̧ kädädi'oka'a cha̧'kua̧ wȩnä̧ri̧nü̧sä̧.

Hebreos 11:33

Tta̧'kua̧ wȩnä̧rä̧tü̧mä̧, kkorotü tti̧rȩji̧yä'i̧nä̧ 'cho'ipinä̧tü̧, adiwäjuei'i̧nä̧ jȩpü̧ ppä'ädinä̧tü̧, Dio chi̧yä̧kua̧sä̧ päinü̧'i̧nä̧ ȩmi̧nä̧tü̧, jojochäyu̧tu̧ ttä'i̧nä̧ mü̧'ȩpi̧nä̧tü̧,

Hebreos 12:8

Ja̧'wa̧nü̧ ja̧'a̧nä̧, ukuturu Dio ro̧ȩpü̧ juiyüttümä̧; jua̧u̧nu̧mä̧ i̧tti̧mü̧mä̧ pokotüjä̧, ttü̧jo̧ko̧kua̧ku̧ u̧mi̧nä̧ tti̧tti̧mü̧ jä̧'i̧nü̧'a̧nü̧tä̧ wotüjä̧.

Santiago 4:7

Ja̧'wa̧nü̧ ja̧'a̧ttü̧ Dio-rütä ukuotätükui. Äwettärümä̧ yaokuätukui, ja̧'wa̧nü̧ jo̧mȩnä̧tä̧ äwettämä̧ ukututtü tüipächä̧kua̧.

1 Pedro 1:6

Pa̧'a̧nü̧ jo̧mȩttü̧ ukutumä̧ eseäkuäwämä̧ jo̧mȩnü̧ kka̧kuä̧u̧jä̧, ji̧nä̧ a̧'u̧kua̧'a̧tä̧ jü̧ mo̧ro̧ o'ka'a rü̧ä̧nä̧ usurä ȩmä̧kuä̧wä̧ 'kuäopa pä'ü rekuä rü̧ja̧'a̧nä̧'i̧nä̧.

1 Pedro 2:21

Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

1 Pedro 3:14

Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.

1 Pedro 4:13

Ja̧'wa̧nü̧ ja̧jü̧jueimä̧ esewätukui Crito usurä ȩmä̧winü̧nä̧ usurä kuȩmä̧wä̧tu̧kuo̧mȩnä̧mä̧, ja̧'wa̧ta̧nü̧ eseäkuäwä jo̧mȩnü̧ jä̧kua̧'a̧nü̧ uruwo i̧jȩpo̧mȩnä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 6:11

Ja̧'wa̧nü̧ pättomȩnä̧, yotükupünä̧rü̧ iyäwi'ina̧'a̧ ttü̧'ka̧tä̧wä̧ti̧yu̧ teü ja̧'wa̧ta̧nü̧ jitütä jü̧ta̧'a̧nü̧ wa'ü ikuätü, ttawaruwä ttü̧jä̧wa̧tü̧ wotürü, número pa̧ja̧kuä̧cho̧mȩbü päi'ünä̧ yabonä̧nü̧ tta̧ttä̧ri̧pa̧ pä'ü päwi'ina̧'a̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.