1 Pedro 3:4 - Nuevo Testamento Uwotjüja

⁴ ja̧'wa̧nü̧ ja̧jü̧ jueimä̧ kua̧mi̧'iso'ki jakuänä̧ttü̧, üadiwä toe'ächokü tta̧'kua̧rü̧ esewa'anä̧ unichä̧rü̧ kkä̧kuä̧wä̧ ja̧'a̧. Pi̧yȩ üadiwämä̧ Dio ä'kattümä̧ rü̧ȩnä̧ mikuäu.

TÄ̧DO Ä̧CUÄ̧ I̧HUȨNȨ

⁴ Pärocua'acu cuami iso'quittö räopö juäi, yoröiso beipächocö juäi, amöcuädö ka̧cuä̧tu̧cui̧. Ja̧'hua̧ta̧nö̧ korotörö'inä eseunu cua̧'cua̧ adiunä amöcuädö ka̧cuä̧tu̧cui̧. Ja̧u̧tä̧ rö̧ȩnä̧ micuähua'a Dios ä'ca jo̧mȩttö̧.

1 Pedro 3:4 ပူးပေါင်းရင်းမြစ်များ

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

San Mateo 21:5

Sión ütawiyänä̧ ji'äwi: Topi, Ru̧wa̧ Rey-mä̧ uku ku̧ja̧'a̧ku̧ ichü. Buro-nä̧, ukuo i̧sa̧ jü̧nä̧ wä̧nü̧, Buro ji̧'chi̧cha̧wa̧, i̧sa̧ a̧mä̧kü̧ ȩpü̧ jü̧nä̧ ttu'uttädäkunä̧.

San Mateo 23:26

¡Fariseo wotümä̧ ä̧to̧kä̧tü̧jä̧! ä̧kuo̧mȩnä̧mä̧ i̧so̧'ta̧ jakuänä̧ tükü ikuätukui, jua̧u̧nü̧ o'ka'a wä̧mȩnä̧'i̧nä̧ teiyätukuaku pä'ümä̧.

San Mateo 5:5

Eseäkuäwä kka̧'a̧ ukuo te'äkuäwokotürü, jua'amä̧ pi̧jä̧ rȩjȩ tti̧rȩjä̧ pätti'äkua'attü̧.

San Lucas 11:40

Juiyo amükuädäkuäwä jui'ätüjä̧ ¿wä̧mȩnä̧ jäwä aditinü̧mä̧ jakuänä̧ jäwä'i̧nä̧ aditokü pinü̧ ja̧'a̧?

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Romanos 1:23

Ja̧'wa̧ta̧nü̧ Dio ukuo jäwä beipokümä̧ pärotü ikuinä̧tü̧, ttü̧ja̧ be'ipächätü tta̧'kua̧juä̧nä̧tä̧, ppi̧yu̧nä̧tä̧, de'iyü kue'ächätünä̧tä̧, ä̧ka̧tü̧nä̧tä̧, jü̧nä̧.

Romanos 2:29

Isopäi'ünä̧tä̧ judío i̧sa̧mä̧ jakuänä̧ttü̧ wa̧ ja̧'a̧ ja̧'wa̧ta̧nü̧ circuncisión pättü wa̧mä̧, tta̧mi̧ iso'ki jäwä ja̧'a̧: Wȩyu̧kuä̧ jäwämä̧kü̧ ja̧'a̧, epíritu jäwä ja̧'a̧, eseäkuäwämä̧ ttü̧ja̧sa̧ttü̧mä̧ ichokü ja̧'a̧, ji̧nä̧somä̧ Dio-ttütä ichü ja̧'a̧.

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

Romanos 7:22

Ja̧'wa̧nü̧ ja̧'a̧ttü̧ cha̧mi̧ iso'ki jakuänä̧mä̧, Dio weü wȩnȩtä̧ cha̧'kua̧ adiunä̧ eseusä;

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 4:16

Ja̧'wa̧nü̧ ja̧'a̧ttü̧, juiyupächi'okotüjä̧. Wä̧mȩnä̧ tidepämä̧ 'kuo̧pa̧ja̧'a̧nä̧ surojuoächa'anä̧, jakuänä̧ ta̧'kua̧rü̧mä̧ mo̧ro̧ji̧nü̧'a̧kuä̧ jareünä̧tä̧ juoächa'a.

Gálatas 5:23

ukuo te'äwokü, a̧mü̧nä̧ pa̧ja̧tü̧ 'chu'ädäkuäu; pi̧yȩ kko̧mȩnä̧mä̧ weäwä wȩnȩmä̧ juiya'a.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

Colosenses 3:3

Isopäi'ünä̧ ukutumä̧ 'korujuo'ächinä̧tü̧jä̧ ja̧'wa̧nü̧ ja̧'a̧nä̧ Crito-nä̧ dajäwinä̧tü̧jä̧ Dio jäwättümä̧.

1 Tesalonicenses 4:11

Ttu̧wȩkuä̧nä̧ kka̧kuä̧tu̧kui̧, ukutu jäwä kuaditäwätuku ku̧mü̧tu̧ku̧nä̧ aditütä, ujutu tu̧wo̧juȩti̧nü̧'a̧kuä̧,

2 Tesalonicenses 3:12

Ja̧'wa̧nü̧ ttaditoka'a kka̧kuä̧tü̧rü̧ Tu̧ru̧wa̧ Jesucrito i̧mi̧nä̧ jä'epünü̧ ttadita pä'ü we'ätüjä̧, tta̧mü̧nä̧ ttaditäwä mikuätä kuä̧nü̧ unichä̧rü̧ ttü̧ja̧kua̧ pä'ü.

1 Timoteo 2:2

Dio-rü ukuokuätukui, Pi̧jä̧nä̧ we'ätürü, Jua'atäku ukuo ruwotü o'katoi'ünä̧rü̧. Jua'amä̧ eseunu̧ unichä̧rü̧ kkä̧nü̧ rȩrü̧jü̧ topü ukuotünü̧ tü̧ja̧kuä̧kua̧'a̧nü̧,

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

1 Pedro 1:23

Ja̧'wa̧nü̧ ja̧'a̧ttü̧ ukutumä̧ pä'äjita'anü̧ uwäpächinä̧tü̧jä̧, pi̧yȩnä̧mä̧ kuä̧o̧tu̧ku̧ pi̧jä̧ ttü̧ja̧ 'korujuo'ächätüttümä̧ uwäpächokotüjä̧, ja̧'wa̧nü̧ ja̧jü̧jueimä̧ Dio i̧wȩnȩ toe'ächokü 'kuäopünä̧ kkü̧nä̧tä̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.