Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 3:2 - Nuevo Testamento Uwotjüja

2 juätümä̧ surojü juiyünä̧ ku̧jä̧tu̧ku̧'i̧nä̧, Dio-rü kukuotätuku'i̧nä̧ tottäkuotü.

အခန်းကိုကြည့်ပါ။ ကော်ပီ




1 Pedro 3:2
13 ပူးပေါင်းရင်းမြစ်များ  

Kkoromä̧ ja̧'a̧nä̧, yotukunä̧ repe'ätukui kuirekuamü̧tu̧ku̧ru̧, kua̧mü̧nä̧ pa̧ja̧tü̧ repekuäwätukuta'anü̧, ja̧'wa̧ta̧nü̧ nä̧tü̧mä̧ kuirekuorü ukuotätukui.


Tturuwotürü kku̧nä̧rä̧tü̧mä̧, pi̧jä̧nä̧ttü̧ kuruwotürü ukuotätukui. Ye'ekunü̧tä̧, eseunü̧tä̧ ukuotätukui kua̧mi̧ iso'kitukunä̧, Crito-rü kukuotätukuta'anü̧.


Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,


Ja̧'wa̧nü̧ ja̧'a̧nä̧ ujutumä̧ mo̧ro̧jä̧ ttü̧ja̧jä̧, jua'attü Tu̧ru̧wa̧ ra̧wä̧pi̧jü̧ttü̧ rä'epü ikuinü̧ Jesucrito-rü icha'a tetäwäkuotüjä̧.


Ukutu, ttu̧wo̧juȩtä̧u̧'i̧nä̧, pi̧jä̧nä̧ttü̧ kuruwotürümä̧ o'kajuiyünä̧tä̧ ukuotätukui, to̧ttä̧ro̧ka̧'a̧nä̧'i̧nä̧, pi̧jä̧ ttü̧ja̧rü̧ totta pä'ü 'kua̧rü̧nä̧mä̧ jȩ'kuä̧tu̧kuä̧, pärokua'aku kua̧mi̧ iso'kittü eseu Dio-rü ye'ekunü̧ jȩpä̧tu̧kui̧.


Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.


Ja̧'wa̧nü̧ ja̧jü̧jueimä̧, jo̧mȩnü̧ surojü juiyünä̧ kka̧kuä̧tu̧kui̧, isopäi'ünä̧ Dio ukuturu wopinü̧mä̧, surojü jui̧'a̧ jo̧mȩttü̧.


Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.


Ja̧'wa̧ta̧nü̧ ukutu tti̧tti̧mü̧ tta̧ju̧tu̧'i̧nä̧, kui̧tti̧mü̧tu̧ku̧ ttä̧'o̧tü̧rü̧ ukuotätukui, yotüte Dio i̧wȩnȩ ttesetü juiyüttü'i̧nä̧, ukutu kukuokuätukuoka'anä̧ ku̧jä̧tu̧ku̧ttü̧ topü ttesetäkua'anü̧,


Kuadikuätukumä̧ wä̧mȩ jäwämä̧ jo̧ka̧'a̧ sa̧kuȩkuä̧tu̧ku̧'i̧nä̧, oro räu o̧sa̧ ja̧ pä'ü'i̧nä̧, ku̧'ka̧tä̧wä̧ti̧yü̧ adiwä̧ta̧ ja̧ pä'ü'i̧nä̧,


Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ