1 Pedro 2:6 - Nuevo Testamento Uwotjüja

⁶ Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Ttümä̧ Sión-nä̧ i̧no̧'ki rütüsä ä̧kuo̧mȩnä̧ iso'ki, pojopü ȩmä̧wo'ki ja̧'wa̧ta̧nü̧ rü̧ȩnä̧ mikuäwo'ki; juo'kinä̧ a̧'kua̧ wȩnä̧rü̧mä̧ dä'ä ttu'okü jä̧kua̧.»

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: Jueö isä'ca ttu̧ju̧nu̧'a̧nö̧, adihuä juäi inähuä, rö̧ȩnä̧ micuähuähuä, ku̧nu̧sä̧ Siónnä. Ja̧u̧ru̧ esetömä, yoröiso a̧'cua̧ tta̧'ȩcu̧ re'tehuocö.

1 Pedro 2:6 ပူးပေါင်းရင်းမြစ်များ

San Mateo 12:18

Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

San Marcos 12:10

¿Wȩyu̧kuä̧ wȩnȩ, topokotü pä'ijätüjä̧? pa̧'a̧nü̧, pä'amä̧: Odewiyä adikuä isotü ttüjü'koko'ki ji̧no̧'kimä̧, ji̧nä̧so ukuo ido'ki jü̧nä̧tä̧ pärowächina̧'a̧, jü̧nä̧.

San Lucas 20:17

Ja̧'wa̧nü̧ ja̧'a̧nä̧ Jesú juätürü topünü̧ päinä̧u̧: —Ja̧'wa̧nü̧ jü̧ttü̧mä̧ ¿Pi̧yȩ wȩyu̧kuä̧ wȩnȩmä̧ toku pä'ü pä'ajä̧ttü̧? Ido'ki, isode adikuä isotü ttüjü'koko'ki ji̧no̧'kimä̧ pärowächina̧'a̧, ukuo iso'ki jü̧nä̧tä̧.

San Lucas 23:35

Ja̧'wa̧nü̧ jȩtta̧'a̧nä̧mä̧, ttü̧ja̧mä̧ to̧pä̧rü̧ kka̧kui̧nä̧tü̧ ja̧'wa̧ta̧nü̧ ruwotü'i̧nä̧, ya̧'a̧wä̧'chü̧ pä'inä̧tü̧: —Kkorotürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppä'ädinü̧ ja̧'wa̧nü̧ ja̧'a̧ttü̧ chutä a̧mü̧nä̧ pa̧ja̧tü̧ ü̧ji̧pa̧ pä'ü ja̧'a̧, isopäi'ünä̧ Dio pojopü weinä̧ku̧ jü̧ttü̧mä̧.

San Juan 7:38

Ttürü esetümä̧, wȩyu̧kuä̧ wȩnȩ pä'ijüta'a̧nü̧, a̧'kua̧rü̧ jakuättümä̧, ajiya a̧'kua̧rü̧ kkoya, rȩjȩ jakuättü räopoya jä̧'i̧nü̧'a̧nü̧ räopäkua'a.

Hechos 1:16

Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

Romanos 10:11

Wȩyu̧kuä̧ wȩnȩmä̧ pä'a: «O'katoi'ünä̧ jua̧u̧ru̧ esetätümä̧ dä'ä ttuttokäkuotü.»

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

2 Timoteo 3:16

Wȩyu̧kuä̧mä̧ o'kajuiyünä̧tä̧ Dio ättü ichü ja̧'a̧, ja̧'wa̧nü̧ ja̧'a̧ttü̧ ttü̧ja̧rü̧ ttu̧wo̧juȩta̧ pä'ü'i̧nä̧, ttütäbo̧ta̧ pä'ü'i̧nä̧, surojü kattädi'ächünä̧ jittäwa pä'ü'i̧nä̧ ja̧'wa̧ta̧nü̧ kkä̧kuä̧wä̧ tü'kü ttu̧wo̧juȩta̧ pä'ü'i̧nä̧ ppäda'a,

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

1 Pedro 2:8

Ja̧'wa̧ta̧nü̧ pi̧yȩ ja̧'a̧ kkoromä̧: «Ino'kimä̧, i̧nä̧wänä̧ ppeokuächäkua'a.» Ja̧'wa̧nü̧ ja̧'a̧ juätümä̧ i̧wȩnȩ jarodü ppe'okuächätü, ja̧u̧ ja̧'a̧ juätürü pä̧wä̧rü̧jü̧mä̧.

2 Pedro 1:20

Kkorottü'i̧nä̧ yabonä̧nü̧ ku̧wo̧juä̧tu̧kua̧ pä'ü ja̧'a̧: profeta wotü tti̧wȩyu̧ti̧nü̧mä̧ jitürütä pä̧wä̧rü̧jo̧mȩnä̧ rä'epü iku jittäwa pä'ümä̧ jo̧ka̧'a̧.

2 Pedro 3:16

Ji'täkunä̧ i̧wȩyu̧ti̧nü̧ o'tänä̧mä̧ ukuturumä̧ pi̧yȩtä̧tä̧ ukuokuinü̧, ja̧u̧ttü̧mä̧ ttu̧wo̧jui̧pü̧ juiyünä̧ jü̧'i̧nä̧ kka̧'a̧, jerupätürümä̧ ja̧'wa̧ta̧nü̧ tta̧'kua̧ wȩnä̧rä̧kuä̧wä̧ jiyuwa'a jue'okotürümä̧, kkoro wȩyu̧kuä̧ wȩnȩ jueoka'a jü̧ta̧'a̧nü̧, jitütä tta̧mü̧nä̧ jäwänä̧ usurä ttȩmä̧u̧nä̧ päwi'äkuotü.