1 Pedro 2:12 - Nuevo Testamento Uwotjüja

¹² Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

TÄ̧DO Ä̧CUÄ̧ I̧HUȨNȨ

¹² Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.

1 Pedro 2:12 ပူးပေါင်းရင်းမြစ်များ

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 5:11

Eseäkuäwä kka̧'a̧ ttü chi̧mi̧ jäwänä̧, o'kajuiyünä̧ yapareu kkä̧nü̧, ukuturu suronä̧ wopü kuä'äu ttikua pä'ü ttusomȩnä̧

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Lucas 1:68

¡Irae ttü̧ja̧ ttu̧ru̧wa̧ Dio-rü teseäkuäwätukua, isopäi'ünä̧ u̧mü̧wä̧yotürü topü ichükkä̧nü̧, surojüttü rä'epü iku ichä'attü̧!

San Lucas 19:44

Ja̧'wa̧nü̧ jȩpü̧ ukuturu be'epäjipü iku, ütawiyä o'kajuiyünä̧tä̧ kki̧'i̧pü̧ juiyünä̧ pparächi'äkua'a. Jua'amä̧ Dio do'ächü ichäja'anä̧ ku̧wo̧juä̧tu̧kuo̧ka̧'a̧ ji̧no̧mȩttü̧.

San Lucas 6:22

Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

San Juan 13:31

Ja̧'wa̧nü̧ ja̧'a̧, Juda-mä̧ räopächäji o'ka'a, Jesú-mä̧ pä'inü̧: —Jitämä̧, Ubo I̧tti̧ ukuo jäwä i̧jȩpü̧ kku̧na̧'a̧ ja̧'wa̧ta̧nü̧ Dio ukuo jäwä'i̧nä̧ jua̧u̧nä̧tä̧ i̧jȩkuä̧cha̧'a̧.

Hechos 15:14

Simón Peduru-mä̧ jiäwäu̧jä̧, ä̧kuo̧mȩnä̧ judío pokotürü Dio ichinü̧ wȩnȩ, juätüttü'i̧nä̧ Chutä i̧mi̧ ä̧rä̧mi̧ya̧rü̧ pä'ü.

Hechos 24:13

Ja̧'wa̧nü̧ ja̧'a̧ttü̧, pitü ttü̧ja̧, ttü chütü'kü jittäumä̧ ji̧yȩtȩ'i̧nä̧ jueünä̧mä̧ jo̧ka̧'a̧.

Hechos 25:7

Ja̧'wa̧nü̧ jä̧ja̧'a̧, Pauru doächi'omȩnä̧, judío-mä̧ Jerusarȩ́-ra̧'a̧ttü̧ ichäjätümä̧, surojü rü̧ȩnä̧ ji'äwinä̧tü̧ Pauru ütü'kümä̧; ja̧'wa̧nü̧ ja̧'a̧nä̧ jueünä̧mä̧ ttukuoku juiyünä̧ winä̧tü̧;

Hechos 28:22

Ja̧'wa̧nü̧ ja̧'a̧nä̧ ukuttütä tä̧ju̧kua̧ pä'ätüjä̧, jua̧u̧ tü'kü toku päkuaja pä'ü. Pi̧jä̧ pa̧ja̧kuä̧chü̧nä̧ ukuowa'a ä̧ju̧kuä̧tü̧jä̧, jua̧u̧ jareünä̧ esetäkuäwä ttü̧ja̧ ttüjü'koka'a ttukuokua'amä̧.

Romanos 12:17

Ya̧tȩ ukuru suronä̧ jȩo̧mȩnä̧, pärokua'aku mikuä suronä̧ jȩ'kuä̧rü̧; adiutä jȩ'kuä̧tu̧kua̧ usätukui kkorotü o'katoi'ünä̧ ttü̧ja̧ ttä'ka jo̧mȩttü̧mä̧.

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

Romanos 15:9

ja̧'wa̧ta̧nü̧ judío pokotü'i̧nä̧ Dio-rü tteseäkuäwa pä'ü, re kki̧nü̧rü̧, wȩyu̧kuä̧ wȩnȩ pa̧'a̧nü̧ pä'a: «Ja̧'wa̧nü̧ ja̧'a̧ttü̧ chesewä̧kua̧jä̧, judío pokotü ttü̧'kä̧tȩ jo̧mȩttü̧, ja̧'wa̧ta̧nü̧ kui̧mi̧ ra̧dä̧kua̧sä̧, ra̧wä̧wä̧nä̧.»

1 Corintios 14:25

Yä̧wä̧i̧nä̧ a̧mi̧so'kinä̧ ȩnä̧rä̧'i̧jü̧mä̧ i̧jȩkuä̧chä̧kua̧'a̧, ja̧'wa̧nü̧ jo̧mȩnä̧ Dio-rü iwe'kiyunä̧ pä̧mä̧dü̧ esewä̧kua̧, isopäi'ünä̧ Dio-mä̧ ukututä ku̧'kä̧tȩtu̧ku̧nä̧ kkü̧ ja̧'a̧ pä'ü.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

2 Corintios 13:7

Dio-rütä ukuokuätüjä̧, surojü jȩ'kuä̧tu̧ku̧ juiya pä'ü; jua'amä̧ kka̧kuä̧mü̧ toäkuäwättümä̧ 'kuä'opinä̧tü̧jä̧ päkuätukuatü pä'ümä̧kü̧, adiwä jueitä jȩ'kuä̧tu̧kua̧ pä'ü, ujutu kka̧kuä̧mü̧ toäkuäwä 'kuä'opokotü jä̧'i̧nü̧'a̧nü̧ jȩta̧ja̧ pä'ü'i̧nä̧.

2 Corintios 8:21

Adiutä jȩta̧ pä'ü amükuädätüjä̧, suro Tu̧ru̧wa̧ ä'ka jo̧mȩttü̧tä̧mä̧kü̧, ttü̧ja̧ ttä'ka jo̧mȩttü̧'i̧nä̧.

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

1 Tesalonicenses 4:12

Ja̧'wa̧nü̧ jȩ'kuä̧tu̧kuo̧mȩnä̧ Dio-rü esetokotü ttukuotäkuotü. Ukututä'i̧nä̧ rekuä rü̧jü̧ juiyomȩnä̧ kkä̧nü̧ jä̧'ȩpä̧ro̧ko̧tü̧ kuäkuotüjä̧.

1 Timoteo 2:2

Dio-rü ukuokuätukui, Pi̧jä̧nä̧ we'ätürü, Jua'atäku ukuo ruwotü o'katoi'ünä̧rü̧. Jua'amä̧ eseunu̧ unichä̧rü̧ kkä̧nü̧ rȩrü̧jü̧ topü ukuotünü̧ tü̧ja̧kuä̧kua̧'a̧nü̧,

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Hebreos 13:18

Ujuturu Dio-rü ukuokuätukui; tamükuädünämä̧ surojü jui'ätüjä̧, o'kajuiyünä̧ jȩtü̧mä̧ adiwomȩnä̧tä̧ jȩta̧ päta'attü̧.

Hebreos 13:5

Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

Santiago 3:13

Ukututtü ya̧tȩ wo̧juȩku̧nä̧ amükuädü ja̧'wa̧ta̧nü̧ wo̧jui̧pä̧rü̧ ü̧jü̧ttü̧mä̧, ukuo teäkuäwoka'a adiu jȩpü̧ kkä̧nü̧ i̧jȩpü̧'a̧nü̧ ja̧'a̧ u̧wo̧juö̧ wȩnȩ iyäwi'inü̧mä̧.

1 Pedro 2:15

Isopäi'ünä̧ Dio-mä̧ ukutumä̧ adiutä jȩ'kui̧yä̧tu̧kua̧ru̧ pä̧wä̧rü̧jä̧ku̧, jerupätü'i̧nä̧ amükuädäkuäwä jui'ätü'i̧nä̧ ukuturu to'ija̧'a̧ku̧ pättü juiyäkua'anü̧.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

2 Pedro 3:11

Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!