1 Pedro 1:6 - Nuevo Testamento Uwotjüja

⁶ Pa̧'a̧nü̧ jo̧mȩttü̧ ukutumä̧ eseäkuäwämä̧ jo̧mȩnü̧ kka̧kuä̧u̧jä̧, ji̧nä̧ a̧'u̧kua̧'a̧tä̧ jü̧ mo̧ro̧ o'ka'a rü̧ä̧nä̧ usurä ȩmä̧kuä̧wä̧ 'kuäopa pä'ü rekuä rü̧ja̧'a̧nä̧'i̧nä̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ ucutu rö̧ȩnä̧ eseunu ka̧cuä̧tö̧jä̧. Ja̧'hua̧nö̧ ja̧'a̧nä̧'i̧nä̧ a̧'u̧cua̧'a̧tä̧ ucuturu suronä 'cuäopäcua'a.

1 Pedro 1:6 ပူးပေါင်းရင်းမြစ်များ

Santiago 1:2

Chawaruwä chü̧jä̧wa̧tü̧, kka̧kuä̧mȩ'ü̧ toä'chünä̧ rü̧ä̧nä̧ 'kuäkuopätukua'anä̧ kua̧mi̧ 'ki'ächi'ü yabokutä eseäkuäwätukui.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Romanos 12:12

Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 16:22

Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.

San Mateo 11:28

O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

Romanos 5:11

Suro pi̧yȩtä̧mä̧kü̧, Dio-rü'i̧nä̧ eseäkuäwätüjä̧ Tu̧ru̧wa̧ Jesucrito-nä̧, jua̧u̧ Crito-nä̧tä̧ eseku ikuinä̧u̧ ta'attü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

Santiago 4:9

Kua̧'kua̧ tta̧'ȩku̧ barawä̧u̧ ajuäkuäwätukui. Ya̧kuä̧wä̧tu̧ku̧mä̧ kui̧'chȩrȩja̧tu̧ku̧nä̧tä̧ pärowächa'a, ja̧'wa̧ta̧nü̧ kuesewätukumä̧ tta̧'kua̧ tta̧wȩkuä̧kuä̧wä̧nä̧tä̧ pärowächa'a.

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

Santiago 1:9

Jesucrito-rü esetinü̧ ukuo te'äkuäwokümä̧ Dio ä'ka jo̧mȩttü̧ rü̧ȩnä̧ kuimikuäwa'a esewi;

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.

Filipenses 4:4

Tu̧ru̧wa̧nä̧ 'kuäopünä̧ eseäkuäwätukui. Yaboku pädäu̧jä̧: ¡Eseäkuäwuötä kka̧kuä̧tu̧kui̧! jü̧nä̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Romanos 9:2

rü̧ȩnä̧ cha̧'kua̧ tta̧'ȩku̧sä̧ ja̧'wa̧ta̧nü̧ cha̧mi̧ barawäkusä 'kuäopünä̧tä̧ chamükuädünä̧.

Filipenses 2:26

Ukutu o'katoi'ünä̧rü̧ a̧mü̧kuä̧rü̧ a̧'kua̧ tta̧'ȩkuä̧ji̧, rü̧ȩnä̧ na̧wä̧cha̧'a̧ ukuowa'a kuä̧ju̧kuini̧yä̧tu̧kuä̧ku̧.

San Lucas 2:10

Yettiyäku á̧gȩ-mä̧ päinä̧u̧: «Yekuekuätukuä, adiwäjuei wȩnȩ chi'kächiyä̧u̧jä̧, jua̧u̧nä̧mä̧ ttü̧ja̧ o'katoi'ünä̧ rü̧ȩnä̧ tteseäkuäwäkuotü:

San Lucas 1:47

Cha̧'kua̧rü̧ i̧sa̧mä̧, ttürü surojüttü rä'epü ikuinü̧ Dio-rü esewa'a.

San Mateo 26:37

Ja̧'wa̧nü̧ pä'ipü Peduru-kutä ja̧'wa̧ta̧nü̧ Zebedeo i̧tti̧mü̧ ta̧ju̧ku̧tä̧ o'ipächü 'chä̧ji̧'ka̧, jua'attü rü̧ȩnä̧ a̧'kua̧ tta̧'ȩkui̧pü̧,

1 Pedro 3:17

Adiu jȩpü̧ usurä ttȩmä̧wo̧mȩnä̧tä̧ adiwa'anü̧ ja̧'a̧, Dio-mä̧ ja̧'wa̧nü̧tä̧ pä̧wä̧rü̧jä̧ku̧, surojü jȩtta̧jueimä̧.