1 Juan 5:9 - Nuevo Testamento Uwotjüja

⁹ Ujutumä̧ ttü̧ja̧ pättütä mikuäunä̧ esetätüjä̧ ja̧'wa̧nü̧ ja̧'a̧nä̧ jua'a yabonä̧ mikuäunä̧ esetätüjä̧ Dio päümä̧, Chutä I̧tti̧ ütü'kü jiäwa'attü.

TÄ̧DO Ä̧CUÄ̧ I̧HUȨNȨ

⁹ Ttö̧ja̧ jittäumä ujutu ä̧ju̧cu̧ esetätöjä. Ja̧'hua̧nö̧ ja̧'a̧ Dios jiäumä ttö̧ja̧ jittäuttu'inä abonänö micuähua'a. Pi̧yȩ jiäumä Dios ji'ähuinö I̧tti̧rö̧ tteseta pä'ö.

1 Juan 5:9 ပူးပေါင်းရင်းမြစ်များ

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Juan 10:38

Ja̧'wa̧nü̧ ja̧'a̧nä̧, ttürü kuesetätuku juiyüttü'i̧nä̧, jua̧u̧ jȩchü̧ttü̧tä̧ topü esetätukui; Chä'o ttünä̧ ü̧jü̧'i̧nä̧, pärokua'aku Chä'onä̧ Ttü chü̧jü̧'i̧nä̧, jü̧mä̧.

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

Hechos 17:31

Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.

Hechos 5:32

Pi̧yȩ topinä̧tü̧mä̧ ujututäjä̧ ja̧'wa̧ta̧nü̧ Dio, churutä ukuotätürü iyinä̧ku̧ Epíritu Sa̧tu̧'i̧nä̧ wo̧jua̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

1 Juan 5:8

Epíritu Dio weinä̧ku̧'i̧nä̧, ajiya bautizo jȩä̧kuä̧wi̧nü̧'i̧nä̧ ja̧'wa̧ta̧nü̧ ukuoja, ü̧jo̧kä̧ jäittü werächinoya'i̧nä̧, jü̧nä̧. Ja̧'wa̧nü̧ ja̧'a̧ttü̧, pi̧yȩ [wäbodäkuänä̧ jo̧mȩnä̧ jü̧mä̧, ji̧nä̧ ji̧yȩtȩtä̧ jiäwa'a.]