1 Juan 5:20 - Nuevo Testamento Uwotjüja

²⁰ Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

TÄ̧DO Ä̧CUÄ̧ I̧HUȨNȨ

²⁰ Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

1 Juan 5:20 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Lucas 24:45

Ja̧'wa̧nü̧ ji'äu, ttu̧wo̧jui̧pü̧nä̧ tta̧mü̧kuädü bawepinä̧u̧, wȩyu̧kuä̧ wȩnȩ ttu̧wo̧jui̧pa̧ pä'ü.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

San Juan 14:20

Ji̧yȩnü̧ mo̧ro̧ ukutumä̧ ku̧wo̧jui̧pä̧kuo̧tü̧jä̧, ttü Chä'onä̧ chü̧ja̧'a̧mä̧, ja̧'wa̧ta̧nü̧ ukutu ttünä̧ ku̧jä̧tu̧kua̧'a̧mä̧ ja̧'wa̧ta̧nü̧ ttü'i̧nä̧ ukutunä̧ chü̧ja̧'a̧mä̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 15:4

Ttünä̧tä̧ todeunä̧ kka̧kuä̧tu̧kui̧, ttü'i̧nä̧ ukutunä̧ kkü̧sä̧. Ä̧na̧jui̧yä̧, uwa daunä̧ todewokomȩnä̧, a̧mü̧nä̧ pa̧ja̧tü̧ u̧wä̧ju̧ wȩjo̧ka̧'a̧ jä̧'i̧nü̧ta̧'a̧nü̧, ukuturu'i̧nä̧ ja̧'wa̧nü̧ jä̧kua̧'a̧ ttünä̧ ku̧jä̧tu̧kuo̧ko̧mȩnä̧mä̧.

San Juan 17:14

Ttümä̧ kui̧wȩnȩ chiyinä̧u̧; ja̧'wa̧nü̧ ja̧'a̧ pi̧jä̧ ttü̧ja̧mä̧ ttü̧jü̧'ko̧ko̧u̧ pinä̧tü̧, pi̧jä̧ ttü̧ja̧ ttoka'attü, ttü'i̧nä̧ pi̧jä̧ ttü̧ja̧sa̧ chü juiyüta'anü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Efesios 3:18

Kkorotü Dio-rü esetätuku, Crito rȩrü̧jü̧ toinü̧, ü̧rü̧ä̧'i̧nä̧, üoto'i̧nä̧, ütäku'i̧nä̧, ükäwe'i̧nä̧ ku̧wo̧jui̧pä̧tu̧kuä̧kua̧'a̧nü̧;

Filipenses 3:9

Jua̧u̧ku̧ todeunä̧ chü̧ja̧ pä'ü; weäwä wȩnȩ päü'a̧kuä̧ adiu jȩcha̧ pä'oküsä, ji̧nä̧somä̧ Crito-rü cha̧'kua̧ wȩnä̧rü̧, tta̧'kua̧ wȩnä̧rä̧kuä̧wä̧nä̧ Dio iyü adiwä juei chȩma̧ pä'üsä.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

Hebreos 1:8

Ja̧'wa̧nü̧ ja̧'a̧nä̧ I̧tti̧ ütü'kümä̧ pä'inü̧: «Uku kuruwomä̧ beipokü jä̧kuȩ, ja̧'wa̧ta̧nü̧ kujurumä̧ adiwomȩnä̧tä̧ wȩkuä̧kua̧jä̧.»

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.

1 Juan 2:24

Ja̧'wa̧nü̧ ja̧'a̧ttü̧, ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧mä̧, ukutunä̧ kkü̧nä̧ kka̧kuä̧tu̧kui̧; jua̧u̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧, ukutunä̧ kkü̧ttü̧mä̧, ukutumä̧ Jä'onä̧'i̧nä̧, I̧tti̧nä̧'i̧nä̧, ku̧jä̧kuo̧tü̧jä̧.

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

1 Juan 4:2

Pi̧yȩttü̧ kka̧kuä̧mü̧ topü wo̧juä̧wa̧'a̧, isopäi'ünä̧ Dio i̧yä̧wa̧ Epíritu-ru kku̧nä̧rä̧tü̧jä̧ pä'ümä̧: «Jesucrito-mä̧ isopäi'ünä̧ ttü̧ja̧sa̧ jü̧nä̧ ichinü̧ pi̧jä̧ra̧'a̧mä̧,» pätta'attü̧ topü wo̧juä̧tü̧jä̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

1 Juan 5:15

Ja̧'wa̧nü̧ Dio-rü jä'epü tukuokumä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧, ja̧'wa̧ta̧nü̧ jätepinü̧mä̧ iyinä̧u̧jä̧ pä'ü'i̧nä̧ wo̧juä̧tü̧jä̧.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.

1 Juan 5:5

Jesucrito-mä̧ Dio I̧tti̧ ja̧'a̧ pä'ü esetümä̧ pi̧jä̧ jäwä surojü kkȩdü̧ iku.

Apocalipsis 15:3

Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?