1 Juan 4:16 - Nuevo Testamento Uwotjüja

¹⁶ Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

TÄ̧DO Ä̧CUÄ̧ I̧HUȨNȨ

¹⁶ Ujutu esetö huo̧juä̧tö̧jä̧, Dios ujuturu repe'ö kö̧. Dios, ujuturu repe'ömä kö̧. Repe'ö ka̧cuä̧tö̧mä̧ Dioscu ka̧cuä̧tö̧. Ja̧'hua̧ta̧nö̧ Dios jahuätöcu kö̧.

1 Juan 4:16 ပူးပေါင်းရင်းမြစ်များ

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 9:3

Jesú ädätinä̧u̧: —Chutä'i̧nä̧, jä'o'i̧nä̧, ja̧ju̧'i̧nä̧ surojü jȩtti̧na̧'a̧mä̧kü̧ ja̧'a̧; jua'amä̧ pärokuä Dio jȩü̧ jua̧u̧nä̧ i̧jȩkuä̧cha̧ pä'ü ja̧'a̧.

1 Corintios 2:9

Ja̧'wa̧nü̧ ja̧'a̧ttü̧, wȩyu̧kuä̧ wȩnȩmä̧ pä'a: «Dio-mä̧, churutä repe'ätürümä̧ ya̧tȩ'i̧nä̧ tookü juei, ä̧ju̧kuä̧kuä̧wo̧kü̧ juei, ja̧'wa̧ta̧nü̧ yoriso amükuädäkuäwokü juei, jo̧mȩnü̧ jȩpü̧ kku̧ni̧nü̧ iya pä'ümä̧.»

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

1 Juan 3:16

Ja̧'wa̧nü̧ ja̧'a̧nä̧, eseu repeäkuäwämä̧ wo̧jui̧'i̧nä̧tü̧jä̧; Chutä a̧'kua̧rü̧ ujutu jäwänä̧ iyäwino̧mȩttü̧; ja̧'wa̧ta̧nü̧ ujutu'i̧nä̧ ta̧'kua̧rü̧ tiyäwa pä'ü ja̧'a̧, tawaruwä ti̧jä̧wa̧tü̧ jäwänä̧.

1 Juan 3:24

Ja̧'wa̧nü̧ ja̧'a̧ttü̧, Chutä weinü̧ ukuotü jȩpü̧ kkü̧mä̧, Dio-ku kkü̧ ja̧'wa̧ta̧nü̧ Dio-mä̧ jua̧u̧nä̧tä̧ kkü̧. Jua'amä̧ wo̧juä̧tü̧jä̧, Epíritu Sa̧tu̧, Chutä iyinä̧ku̧ jiäwa'attü.

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.