1 Juan 4:15 - Nuevo Testamento Uwotjüja

¹⁵ Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

TÄ̧DO Ä̧CUÄ̧ I̧HUȨNȨ

¹⁵ Jesúsmä Dios I̧tti̧ ja̧'a̧ pä'ö ji'ähuätöcu kö̧ Diosmä. Jahuätötä Dioscu ka̧cuä̧tö̧.

1 Juan 4:15 ပူးပေါင်းရင်းမြစ်များ

San Mateo 10:32

Ja̧'wa̧nü̧ ja̧'a̧ttü̧, ya̧tȩ ttürü u̧wo̧jua̧'a̧ ttü̧ja̧ ttä'ka jo̧mȩttü̧ jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chu̧wo̧jua̧'a̧ ji̧dä̧wä̧kua̧sä̧;

San Lucas 12:8

Ukuturu pä'üsä, ya̧tȩ ttü̧ja̧ ttä'ka jo̧mȩttü̧, ttüku icha'a ji'äurumä̧ ja̧'wa̧ta̧nü̧ ubo I̧tti̧'i̧nä̧ chutäku icha'a jiäwäkua̧, Dio umüwäyotü á̧gȩrȩ ttä'ka jo̧mȩttü̧;

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

Hechos 8:37

Felipe-mä̧ ädätinä̧ku̧: —Jesucrito-rü adiu kuesetüttümä̧, bautizo jȩchä̧ku̧jä̧. Etiopía i̧sa̧mä̧ pä'inü̧: —Jesucrito-mä̧ isopäi'ünä̧ Dio I̧tti̧ ja̧'a̧ pä'ü esetüsä.]

Romanos 10:9

Isopäi'ünä̧ Jesú-mä̧ Chu̧ru̧wa̧ ja̧'a̧, kuänä̧ päkuttümä̧ ja̧'wa̧ta̧nü̧ Dio-mä̧ wa'arettü'i̧nä̧ tto'ädinä̧kü̧ pä'ü kua̧mi̧'iso'kinä̧ kuesetüttümä̧, ra̧wä̧pi̧jü̧ttü̧mä̧ ku̧ji̧pä̧kua̧jä̧.

Filipenses 2:11

Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.

1 Juan 2:24

Ja̧'wa̧nü̧ ja̧'a̧ttü̧, ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧mä̧, ukutunä̧ kkü̧nä̧ kka̧kuä̧tu̧kui̧; jua̧u̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧, ukutunä̧ kkü̧ttü̧mä̧, ukutumä̧ Jä'onä̧'i̧nä̧, I̧tti̧nä̧'i̧nä̧, ku̧jä̧kuo̧tü̧jä̧.

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Juan 3:24

Ja̧'wa̧nü̧ ja̧'a̧ttü̧, Chutä weinü̧ ukuotü jȩpü̧ kkü̧mä̧, Dio-ku kkü̧ ja̧'wa̧ta̧nü̧ Dio-mä̧ jua̧u̧nä̧tä̧ kkü̧. Jua'amä̧ wo̧juä̧tü̧jä̧, Epíritu Sa̧tu̧, Chutä iyinä̧ku̧ jiäwa'attü.

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 4:2

Pi̧yȩttü̧ kka̧kuä̧mü̧ topü wo̧juä̧wa̧'a̧, isopäi'ünä̧ Dio i̧yä̧wa̧ Epíritu-ru kku̧nä̧rä̧tü̧jä̧ pä'ümä̧: «Jesucrito-mä̧ isopäi'ünä̧ ttü̧ja̧sa̧ jü̧nä̧ ichinü̧ pi̧jä̧ra̧'a̧mä̧,» pätta'attü̧ topü wo̧juä̧tü̧jä̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

1 Juan 5:5

Jesucrito-mä̧ Dio I̧tti̧ ja̧'a̧ pä'ü esetümä̧ pi̧jä̧ jäwä surojü kkȩdü̧ iku.

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.