1 Juan 4:11 - Nuevo Testamento Uwotjüja

¹¹ Chawaruwä chi̧jä̧wa̧tü̧, isopäi'ünä̧ Dio ja̧'wa̧nü̧ ujuturu eseu repeinüttü̧mä̧, ja̧'wa̧ta̧nü̧ ujutu'i̧nä̧ yotukunä̧ eseu repetäkuäwa pä'ü ja̧'a̧.

TÄ̧DO Ä̧CUÄ̧ I̧HUȨNȨ

¹¹ Chö̧jä̧hua̧tö̧, Dios ja̧'hua̧nö̧ ujuturu repea'attö, ujutu repetö'a̧nö̧ ja̧'a̧ tö̧jä̧hua̧tö̧ o'ca toi'önärö.

1 Juan 4:11 ပူးပေါင်းရင်းမြစ်များ

San Lucas 10:37

Jäepäku weäwä wȩnȩ wo̧juȩkuä̧ i̧sa̧mä̧ ädätinü̧: —Churutä rȩrü̧jü̧ topü ppä'ädinü̧ päjitä ja̧'a̧: Ädätiyäku, Jesú-mä̧ päinä̧ku̧: Uku'i̧nä̧ ja̧'wa̧nü̧tä̧ jȩ'kua̧jä̧.

San Juan 13:34

Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

Efesios 4:31

Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

Colosenses 3:13

Kkorotü jäwä surojü kua̧mi̧ 'ki'ächi'ätukui, suronä̧ jȩttü̧mä̧ mikuämä̧ kuamükuädä juätürümä̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

1 Juan 3:11

Isopäi'ünä̧, pi̧yȩ wȩnȩ ja̧'a̧ ä̧kuo̧mȩnä̧ttü̧tä̧ päi'ünä̧ kuä̧ju̧kui̧nä̧tu̧ku̧mä̧: «Yotükupünä̧ eseu repe'äkuäu tü̧ja̧kua̧ pä'ü.»

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

2 Juan 1:5

Ja̧'wa̧ta̧nü̧ jitämä̧, chawaruwä chü̧jä̧wa̧tü̧, kkorotüku repe'äkuäu kka̧kuä̧tu̧kui̧ pä'ü ajuäwäkuäunü̧ jädepä̧u̧jä̧. Pi̧yȩ chi̧wȩyu̧tu̧mä̧ jareü wȩnȩmä̧kü̧ ja̧u̧ ja̧jü̧jueimä̧ ä̧kuo̧mȩnä̧tä̧ päi'ünä̧ tȩmi̧nü̧ ja̧'a̧.