1 Juan 3:19 - Nuevo Testamento Uwotjüja

¹⁹ Pi̧yȩttü̧ topü wo̧juä̧wä̧tü̧jä̧, jueü wȩnȩ isotüjä̧ pä'ümä̧. Jua̧u̧ Dio ä'kattü ta̧mi̧ iso'ki totäkuäwomȩnä̧ adiu tü̧jü̧nä̧ jä̧u̧;

TÄ̧DO Ä̧CUÄ̧ I̧HUȨNȨ

^19-20 Ja̧'hua̧nö̧ repetomenä, tu̧huo̧juä̧cuo̧tö̧jä̧ iso päi'önä huȩnȩ jȩpö̧ ka̧cuä̧tö̧jä̧ pä'ö. Ja̧'hua̧nö̧ ja̧'a̧ Dios ä'ca jo̧mȩ yecuäcuähuä juiyönä tesehuäcuotöjä. Ujututä suronä jȩpä̧jä̧tö̧jä̧ pä'ö tamöcuädöttömä, Dios o'ca juiyönä u̧huo̧jua̧'a̧ttö̧ tamöcuädöttö'inä abonänö huo̧jua̧.

1 Juan 3:19 ပူးပေါင်းရင်းမြစ်များ

San Juan 13:35

Isopäi'ünä̧ ja̧'wa̧nü̧ yotukunä̧ eseu repekuäwätukua'a topü, o'katoi'ünä̧ ttu̧wo̧juä̧kuo̧tü̧, jua̧u̧tä̧ u̧wo̧juȩtä̧u̧ pä'ümä̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

Romanos 4:21

Jo̧mȩnü̧tä̧ Abraha̧-mä̧ wo̧jui̧nü̧, Dio iya päinü̧mä̧ o'kajuiyünä̧ ujuru u̧ju̧nä̧ra̧'a̧ttü̧ i̧yä̧kua̧sä̧ pä'ü.

Romanos 8:38

Ja̧'wa̧nü̧ ja̧'a̧ttü̧ wo̧jua̧sä̧, Dio repeüttümä̧, wa'are'i̧nä̧, a̧'kua̧rä̧kuä̧wä̧'i̧nä̧, á̧gȩrȩ'i̧nä̧, pi̧jä̧ttü̧ ttukuo'i̧nä̧, ukuo jäwä'i̧nä̧, jitä kka̧ku̧'i̧nä̧ ja̧'wa̧ta̧nü̧ rȩbȩä̧kuä̧wä̧kuȩ'i̧nä̧,

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

1 Juan 1:8

Isopäi'ünä̧, «Surojü jui'ätüjä̧ pätüttümä̧,» ta̧mü̧nä̧ pa̧ja̧tü̧ yapareäkuäwätüjä̧, ja̧'wa̧nü̧ jo̧mȩnä̧mä̧ jueü wȩnȩmä̧ juiya'a ujutunä̧mä̧.

1 Juan 2:21

Jua'amä̧, jueü wȩnȩ kuieruwiyätukuäkumä wȩyu̧tu̧mä̧ we'oküsä, ku̧wo̧jui̧yä̧tu̧kuä̧ku̧ cha'attü wȩyu̧tu̧ we'üsä; isopäi'ünä̧ yapare wȩnȩmä̧, jueü wȩnȩttü̧mä̧ räopokü.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

1 Juan 3:20

Ja̧'wa̧nü̧ ja̧'a̧nä̧ tta̧mi̧ iso'ki, ukumä̧ su̧ro̧pa̧jä̧ päüttümä̧, Dio-mä̧ ta̧mi̧ iso'kittü'i̧nä̧ abonä̧nü̧ büó ja̧'a̧ttü̧, o'kajuiyünä̧tä̧ wo̧jua̧.

1 Juan 3:21

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, ta̧mi̧ iso'ki, su̧ro̧pa̧jä̧ päü juiyüttümä̧, Dio ä'ka jo̧mȩttü̧ ta̧'kua̧ tu̧wȩnä̧rü̧nä̧ ja̧'a̧.