1 Juan 3:14 - Nuevo Testamento Uwotjüja

¹⁴ Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

TÄ̧DO Ä̧CUÄ̧ I̧HUȨNȨ

¹⁴ Ujutumä pä'äjimä 'corupä'i'ätö jä̧'i̧nö̧'a̧nö̧ ka̧cui̧nä̧tö̧jä̧. Tö̧jä̧hua̧tö̧rö̧ repeta'attö huo̧juä̧tö̧jä̧ jitämä 'corupäi'äcuähuättö ka̧cui̧pi̧nä̧tö̧jä̧. Ö̧jä̧hua̧rö̧ repe'ocömä 'corupä'i'ätö jä̧'i̧nö̧'a̧nö̧ kö̧.

1 Juan 3:14 ပူးပေါင်းရင်းမြစ်များ

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Lucas 15:24

Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

San Lucas 7:5

Ja̧u̧mä̧ ti̧rȩjä̧'i̧nä̧ repe'ü, ja̧'wa̧ta̧nü̧ sinagogas isode'i̧nä̧ aditü iyinä̧u̧jä̧.

San Juan 13:35

Isopäi'ünä̧ ja̧'wa̧nü̧ yotukunä̧ eseu repekuäwätukua'a topü, o'katoi'ünä̧ ttu̧wo̧juä̧kuo̧tü̧, jua̧u̧tä̧ u̧wo̧juȩtä̧u̧ pä'ümä̧.

San Juan 15:12

Pi̧yȩ ja̧'a̧, ttü wedü wȩnȩmä̧: Ttü ukuturu eseu repedüta'anü̧, ukutu'i̧nä̧ yotukunä̧ eseu repe'äkuäwätukui.

San Juan 15:17

Pi̧yȩ ukuturu we'üsä: Yotukunä̧, eseu repe'äkuäu kka̧kuä̧tu̧kui̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Efesios 1:15

Ja̧'wa̧nü̧ jo̧mȩttü̧, ttümä̧, Tu̧ru̧wa̧ Jesú-ru kua̧'kua̧ ku̧wȩnä̧rä̧tu̧kua̧'a̧'i̧nä̧, ja̧'wa̧ta̧nü̧ Dio u̧mü̧wä̧yotürü eseu repe'ü jȩ'kuä̧tu̧kua̧'a̧'i̧nä̧ ä̧ju̧kui̧nü̧'ka̧,

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

Colosenses 1:4

Tu̧ru̧wa̧ Jesucrito-rü kua̧'kua̧ ku̧wȩnä̧rä̧tu̧ku̧'i̧nä̧, ja̧'wa̧ta̧nü̧ Dio i̧tti̧mü̧ wotürü repekuätukua'a'i̧nä̧ tä̧ju̧kui̧na̧'a̧ttü̧,

1 Tesalonicenses 4:9

Ttawaruwärü eseu repeäkuäwä tü'kü chi̧wȩyu̧ta̧ pä'ümä̧ rekuä rü̧jo̧ka̧'a̧, jua'amä̧, Chuttutä Dio-ttü ku̧wo̧jui̧'i̧nä̧tu̧kua̧'a̧ttü̧ ttawaruwärü eseu repeäkuäwämä̧.

Hebreos 13:1

Eseäkuäu, repe'äkuäu kka̧kuä̧tu̧kui̧, Crito-nä̧ kui̧jä̧wa̧tu̧ku̧ jü̧nä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

2 Pedro 1:7

ja̧'wa̧ta̧nü̧ rȩrü̧jü̧ toäkuäwätä ttawaruwäku eseäkuäwära̧'a̧; ja̧'wa̧ta̧nü̧ ttawaruwäku eseäkuäwätä eseunu̧ repeäkuäwära̧'a̧.

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 5:13

Ukutu Dio I̧tti̧ i̧mi̧nä̧ esetätürü wȩyu̧tu̧ we'üsä, kkä̧kuä̧wä̧ i'ko kku̧nä̧rä̧tü̧jä̧ pä'ü ku̧wo̧juä̧tu̧kua̧ pä'ü.

1 Juan 5:2

Ja̧'wa̧nü̧ ja̧'a̧ttü̧ Dio-rü eseu repe'ü kkä̧nü̧ Chutä weinü̧ tukuotomȩnä̧mä̧, Dio i̧tti̧mü̧rü̧ eseu repe'ätüjä̧ pä'ü wo̧juä̧tü̧jä̧.