1 Juan 3:12 - Nuevo Testamento Uwotjüja

¹² Caín, äwettä i̧tti̧ ja̧'a̧ ü̧jä̧wa̧rü̧ kuä'ü ikuinü̧'a̧nü̧mä̧kü̧. ¿Jua̧u̧mä̧ tta̧'a̧nü̧ pä'ü kuä'ü ikuina̧'a̧ jä̧ttü̧? Jua'amä̧ Chutä jȩü̧mä̧ surojü jä̧ku̧, i̧jä̧wa̧tä̧ jȩü̧tä̧ adiwä juei ji̧yä̧ku̧, kuä'ü ikuinü̧.

TÄ̧DO Ä̧CUÄ̧ I̧HUȨNȨ

¹² Caínmä, ähuettä i̧tti̧ ja̧'a̧ttö̧, ö̧jä̧hua̧rö̧ cuä'ö icuinö. Ja̧u̧ jȩi̧nö̧'a̧nö̧mä̧ jȩtö̧ juiyö'a̧nö̧ ja̧'a̧. ¿Tta̧'a̧nö̧ pä'ö ö̧jä̧hua̧rö̧ cuä'ö icuina'attö Caínmä? Caín suronä jȩa̧'a̧ttö̧, ö̧jä̧hua̧ adiu jȩi̧yä̧cu̧ cuä'ö icuinödo.

1 Juan 3:12 ပူးပေါင်းရင်းမြစ်များ

San Mateo 13:19

Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

San Mateo 23:35

Ja̧'wa̧nü̧ ja̧'a̧ttü̧ Abel-ttü kkä̧mä̧di̧na̧'a̧mä̧, Berequías i̧tti̧ Zacaría-bü suronä̧ jȩpo̧ko̧tü̧rü̧ ofrenda ttujuwä'ijomȩ, santuario pättomȩ 'kä̧tȩttü̧ kuä'äu kuikuinä̧tu̧ku̧mä̧ ukututä kuimitäwäkuotüjä̧.

San Mateo 27:23

pättiyäku, pilato-mä̧ pä'inü̧: —Jua̧u̧nu̧mä̧ ¿Däjé surojümä̧ jȩä̧jä̧ttü̧? Päomȩnä̧, yabonü̧tä̧ wopinä̧tü̧: —¡Ü̧jo̧kä̧nü̧ jäinä̧ pȩ'o̧pü̧ kkü̧nä̧tu̧kui̧rü̧, 'korupäi'ünä̧! pä'ü wopinä̧tü̧.

San Mateo 5:37

Ja̧'wa̧nü̧ ja̧'a̧ttü̧ jȩ'kuä̧tu̧ku̧'a̧nü̧ jü̧ttü̧mä̧ jueünä̧tä̧ «A̧» pä'ätukui ja̧'wa̧ta̧nü̧ jȩ'kuä̧tu̧ku̧juiyü'anü̧ jü̧ttü̧'i̧nä̧ «jȩpo̧ko̧tü̧jä̧» pä'ätukui ja̧'wa̧nü̧ ja̧'a̧ttü̧ pi̧yȩttü̧ yaboku jȩpü̧mä̧ surojünä̧tä̧ jȩpü̧.

San Lucas 11:51

Abel to'e'ächinü̧ ukuojattü kkä̧mä̧dü̧, Zacaría santuario mi̧kuomȩ, altar mi̧kuomȩ 'kä̧tȩ jo̧mȩttü̧ toe'ino̧mȩbü päi'ünä̧. Ja̧'wa̧nü̧ ja̧'a̧ttü̧ Dio-mä̧, juätü totte'ächinü̧mä̧, pi̧yȩ pä̧nä̧ ttü̧ja̧rü̧ jä̧ȩpä̧kua̧.

San Juan 10:32

Jȩtti̧pi̧yä̧ku̧ Jesú-mä̧ päinä̧u̧: —Chä'o ujurunä̧mä̧ rü̧ȩnä̧ adiwä juei jȩpä̧'i̧jü̧sä̧; ¿Jua̧u̧ jä̧'i̧jü̧ttü̧mä̧, ti̧yȩ suronä̧ jȩchä̧'i̧ja̧'a̧, ttürü ikuäu kuä'ü kuikuätukua päkuätukua'ajä̧ttü̧?

San Juan 8:40

Ja̧'wa̧nü̧ ja̧'a̧nä̧, kuä'ü kuikuätukua päkuätukuäkusä, Dio-ttü chä̧ju̧kui̧nü̧ jueü wȩnȩ jidäwa'anä̧. ¡Abraha̧-mä̧ ja̧'wa̧nü̧mä̧ jȩpo̧kü̧ pinü̧!

San Juan 8:41

Ukutumä̧, kuä'otuku jȩü̧tä̧ jȩpä̧tü̧jä̧. Päomȩnä̧ ttädätinä̧ku̧: —Ujutumä̧, u̧mi̧ isotüttümä̧ tti̧tti̧mü̧mä̧ku̧jä̧; ujutu Tä'omä̧ ya̧tȩtä̧ ja̧'a̧, Dio-tä.

Hechos 7:52

Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;

1 Tesalonicenses 2:14

Isopäi'ünä̧ chawaruwä chi̧jä̧wa̧tü̧, ukutumä̧, Judea-ttü Dio-rü esetätürü 'kuäopinü̧ta'anü̧ usurä ȩmä̧wä̧tü̧jä̧, jua'amä̧ juätü ji̧nü̧ta'anü̧ kui̧rȩjä̧tu̧ku̧ ttü̧ja̧ judío suronä̧ jȩtta̧'a̧ usurä kuȩmä̧wä̧tu̧kua̧'a̧ttü̧.

Hebreos 11:4

A̧'kua̧ u̧wȩnä̧ro̧mȩttü̧, Abel-mä̧ Caín iyinü̧ttü̧'i̧nä̧ abonä̧nü̧ adiu sacrificio pättü Dio-rü iyinü ja̧'wa̧nü̧ jȩo̧mȩttü̧ Dio-mä̧ üäre ofrenda eseu ȩmi̧ni̧yä̧ku̧, churutämä̧ surojü jui̧'a̧ jü̧nä̧tä̧ jȩpü̧ iku; ja̧'wa̧nü̧ ja̧'a̧ttü̧ Abelmä̧ 'korujuoächina̧'a̧nä̧'i̧nä̧, jitä'i̧nä̧ jua̧u̧ jȩi̧nü̧nä̧tä̧ tu̧wo̧jui̧pü̧nä̧ ukuokuä̧u̧jä̧.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

1 Pedro 4:4

Jitämä̧, suronä̧ jȩpü̧ ttü̧jü̧ jȩ'kuä̧tu̧kuo̧ko̧mȩmä̧ ukutumä̧ suronä̧ ttu̧kuo̧kuä̧u̧jä̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.