1 Juan 2:24 - Nuevo Testamento Uwotjüja

²⁴ Ja̧'wa̧nü̧ ja̧'a̧ttü̧, ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧mä̧, ukutunä̧ kkü̧nä̧ kka̧kuä̧tu̧kui̧; jua̧u̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧, ukutunä̧ kkü̧ttü̧mä̧, ukutumä̧ Jä'onä̧'i̧nä̧, I̧tti̧nä̧'i̧nä̧, ku̧jä̧kuo̧tü̧jä̧.

TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ ucutu äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧, esetö ka̧cuä̧tu̧cui̧. Äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧ esetö cu̧ja̧cuä̧tu̧cu̧ttu̧mä̧, ucutu Tä'o Dioscu, Tä'o Dios I̧tti̧ Jesucristocu cu̧ja̧cuä̧cuo̧tö̧jä̧.

1 Juan 2:24 ပူးပေါင်းရင်းမြစ်များ

San Lucas 1:2

Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 15:7

Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

San Juan 8:25

Pä̧i̧yä̧u̧ jättepinä̧ku̧: —¿Ukumä̧ dí kua'ajä̧ttü̧? Jesú ädätinä̧u̧: —Ä̧kuo̧mȩnä̧ttü̧ päi'ünä̧ jidäwinü̧tä̧ ja̧'a̧.

Filipenses 4:15

Ja̧'wa̧ta̧nü̧ ukutu Filipo ttü̧ja̧mä̧ wo̧juä̧tü̧jä̧, Macedonia-ra̧'a̧ttü̧ rä'opäji̧'ka̧ Dio i̧wȩnȩ ä̧kuo̧mȩnä̧ kkä̧mä̧dü̧ jidäwomȩnä̧, kkorotümä̧ ppättädoka'anä̧, juȩnȩ igresia wotütä ji̧na̧'a̧, ttürü rekuä rü̧jü̧ ppä'ädinä̧tü̧mä̧, pärokua'aku'i̧nä̧ ppädäda'anä̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

1 Juan 3:24

Ja̧'wa̧nü̧ ja̧'a̧ttü̧, Chutä weinü̧ ukuotü jȩpü̧ kkü̧mä̧, Dio-ku kkü̧ ja̧'wa̧ta̧nü̧ Dio-mä̧ jua̧u̧nä̧tä̧ kkü̧. Jua'amä̧ wo̧juä̧tü̧jä̧, Epíritu Sa̧tu̧, Chutä iyinä̧ku̧ jiäwa'attü.

1 Juan 4:13

Pi̧yȩttü̧ topü wo̧juä̧tü̧jä̧, Chutä Dio-ku kkä̧tü̧jä̧ pä'ümä̧; ja̧'wa̧ta̧nü̧ Chutä Dio'i̧nä̧ ujutuku kkü̧ pä'ümä̧: Dio-ttü ichinü̧ Epíritu-ru ujuturu iyinomȩttü̧.

1 Juan 4:15

Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

2 Juan 1:2

Ukuturumä̧ isopäi'ünä̧ jäwä tamiso'kinä̧ tu̧ju̧nä̧rü̧nä̧ ja̧'wa̧ta̧nü̧ 'kuäopünä̧tä̧ kkä̧kuȩnä̧ eseu repedä̧u̧jä̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

3 Juan 1:3

Ja̧'wa̧ta̧nü̧ tawaruwä ti̧jä̧wa̧tü̧ yotukunä̧ ichäjä'kotü jueü wȩnȩnä̧ 'kiyünä̧ ku̧ja̧'a̧ jittäwa'a ä̧ju̧ku̧ rü̧ȩnä̧ esewäjisä.

Apocalipsis 3:11

Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.