1 Juan 2:1 - Nuevo Testamento Uwotjüja

¹ Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

TÄ̧DO Ä̧CUÄ̧ I̧HUȨNȨ

¹ Ucutu chi̧tti̧mö̧ huotörö, pi̧yȩ huȩnȩ huȩyu̧tu̧ hue'ösä suronä jȩcu̧'ä̧tu̧cu̧ juiya pä'ö. Ja̧'hua̧nö̧ ja̧'a̧ ya̧tȩ suronä jȩö̧ttö̧mä̧, Tä'o Dios ä'ca jo̧mȩ kä̧nö̧ ucuocu ujuturu ppädäcuähuä i̧sa̧. Ja̧u̧mä̧ Jesucristo adiu jȩpö̧mä̧.

1 Juan 2:1 ပူးပေါင်းရင်းမြစ်များ

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 10:15

Ttürü'i̧nä̧ Chä'o u̧wo̧juö̧ta̧'a̧nü̧, pärokua'aku Churutä'i̧nä̧ wo̧jua̧sä̧; ja̧'wa̧nü̧ ja̧'a̧ttü̧, cha̧'kua̧rü̧mä̧ chä̧ji̧mü̧ oweja-tü̧rü̧ iyüsä.

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 21:5

Ja̧'wa̧nü̧ ja̧'a̧ Jesú-mä̧ päinä̧u̧: —Chawaruwä, ¿Po̧i̧ kku̧nä̧rä̧tü̧jä̧? Ttädätinä̧ku̧: —¡Toa'a!

San Juan 5:14

Ja̧'wa̧nü̧ jä̧ji̧ o'ka'a, Jesú-mä̧ jua̧u̧ru̧, Dio-rü ukuokuäkuäwodettü po̧kui̧pü̧ päinä̧ku̧: —Topittü̧, täkü na̧kuä̧chä̧ji̧ttü̧mä̧ pi̧'ä̧ji̧jä̧; pä'äjita'anü̧mä̧ surojü jȩ'kuä̧, jua'a abonä̧nü̧ surojü ichü juiyaku pä'ümä̧.

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Juan 8:11

Kkädätinä̧ku̧: —Ya̧tȩ'i̧nä̧ jȩpo̧kü̧ päjí, Chu̧ru̧wa̧. Jesú päinä̧kua̧: —Ttü'i̧nä̧ kuä'ü ttikua pä'ümä̧ pädokokuajä̧; täkü täi, pä'äjita'anü̧mä̧, surojümä̧ jȩ'kuä̧.]

Hechos 7:52

Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Romanos 6:15

¿Ja̧'wa̧nü̧ ja̧'a̧mä̧ttü̧? ¿weäwä wȩnȩnä̧ tü̧ja̧kuo̧ka̧'a̧, Dio re ü̧ji̧nü̧nä̧ tü̧ja̧kua̧'a̧ttü̧ ukuotäkuäwokü surojü jȩpü̧ tü̧ja̧kuä̧kua̧'a̧ tä̧jí̧? ¡Ja̧'wa̧nü̧mä̧kü̧!

Romanos 8:34

¿Ditä jä̧kua̧'a̧jä̧ttü̧ ubara ttuttunä̧ ro̧ȩpä̧kua̧mä̧? Crito ya̧tȩtä̧ ja̧'a̧ 'korujuo'ächinü̧'ka̧, tto'ächinü̧mä̧ ja̧'wa̧ta̧nü̧ Dio u̧wo̧jua̧'a̧ku̧nä̧ pä̧nü̧, ujutu tütü'kü ppä'ädü jä'epümä̧ 'kuäopünä̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Gálatas 4:19

Chi̧tti̧mü̧ 'kua̧rü̧nä̧ ukuturu repeda'attü̧, ukutu Crito jü̧ta̧'a̧nü̧ juokuächätukuomȩbü päi'ünä̧ pä'äjita'anü̧ usurä ȩmä̧u̧sä̧, muchaju ku̧kuä̧ba̧ barawäkua usurä kkȩmä̧wa̧'a̧ 'kua̧rü̧nä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Efesios 4:26

Jua'akumä̧ ku̧ra̧wä̧ri̧'ä̧tu̧kua̧'a̧nä̧, jua̧u̧ surojuoepünä̧mä̧ jȩ'kuä̧tu̧kuä̧; ku̧'ä̧i̧tu̧ku̧mä̧ mo̧ro̧ 'kuäo'ünä̧mä̧ 'chu̧ä̧rü̧ juiyünä̧ kka̧kuä̧tu̧kui̧.

1 Timoteo 2:5

Ja̧'wa̧ta̧nü̧ Dio-ttü abonä̧nü̧ wa̧mä̧ toa'a, ya̧tȩtä̧ ja̧'a̧ ttü̧ja̧ Dio kkü̧ ttütodeunä̧ jȩpü̧mä̧: Jesucrito-tä ja̧'a̧

1 Timoteo 3:14

A̧'u̧kua̧'a̧tä̧ jü̧ o'ka'a ukuru do'ächü chicha pä̧wä̧rü̧jä̧ku̧sä̧; Ja̧'wa̧nü̧ ja̧'a̧nä̧ pi̧yȩ wȩyu̧tu̧ wedäkujä̧,

Hebreos 9:24

Isopäi'ünä̧ Crito-mä̧, Dio-rü ukuokuäkuäwode pi̧jä̧ ttü̧ja̧ adikuode, mo̧ro̧jä̧ttü̧ a̧'kua̧juä̧ kkodenä̧mä̧ do'ächokü pinü̧, ji̧nä̧so yodenä̧tä̧ mo̧ro̧jä̧ isodenä̧, Dio ä'ka jo̧mȩ ujutu jäwänä̧mä̧ do'ächinü̧.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

Santiago 3:9

Juänȩnä̧tä̧ tinȩnä̧, Tä'o Dio-rü esewätüjä̧ ja̧'wa̧ta̧nü̧ juä̧nȩnä̧tä̧ Dio chutä jü̧ta̧'a̧nü̧ wotü aditinä̧u̧ru̧'i̧nä̧ surojuo'epü ukuokuätüjä̧.

1 Pedro 2:22

Crito-mä̧ ya'utenä̧'i̧nä̧ surojümä̧ jȩpo̧kü̧ pinü̧, ja̧'wa̧ta̧nü̧ ya̧tȩrü̧'i̧nä̧ yaparewokü pinü̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 3:18

Chi̧tti̧mü̧ wotü, suro ti̧wȩnȩnä̧tä̧mä̧, suro tänä̧tä̧mä̧ eseu repetü juiyü'anü̧ ja̧'a̧. Ja̧'wa̧nü̧ jo̧ka̧'a̧ isopäi'ünä̧ jȩpü̧nü̧, jueü wȩnȩ ukuokua'aku repe'ü tesewa pä'ätukui.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Juan 3:7

Chi̧tti̧mü̧ wotü, ya̧tȩrü̧'i̧nä̧ kuesetätukuä ya̧pa̧rȩwa̧rü̧mä̧. Adiwäjuei jȩpü̧ kkü̧mä̧, adiwä i̧sa̧ ja̧'a̧; Chutä Jesú adiwä i̧sa̧ jü̧ta̧'a̧nü̧;

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 5:17

O'kajuiyütä surojümä̧, Dio abo jäwä ja̧'a̧ ja̧'wa̧nü̧ ja̧'a̧nä̧ surojü o'kajuiyünä̧mä̧ Dio-ttümä̧ 'kȩ'ȩpü̧ ikuokü.

1 Juan 5:21

Chi̧tti̧mü̧ wotü, yaparewätü ttü̧ä̧nä̧wo̧tü̧rü̧ kuesetätukuä.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.