1 Juan 1:9 - Nuevo Testamento Uwotjüja

⁹ Isopäi'ünä̧ suronä̧ jȩta̧'a̧, iweye ja̧'wa̧nü̧tä̧ wa̧sä̧ pätäuttümä̧, Dio-mä̧ adiwä juei, ppä'ädü ja̧'a̧ttü̧, suronä̧ jȩtä̧'i̧jü̧mä̧ aditü i̧kuä̧u̧jä̧.

TÄ̧DO Ä̧CUÄ̧ I̧HUȨNȨ

⁹ Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

1 Juan 1:9 ပူးပေါင်းရင်းမြစ်များ

San Mateo 3:6

juätümä̧, suronä̧ jȩttä̧'i̧jü̧ ji'äu ttikua'anä̧, Ju̧a̧-mä̧, Jordán ajettü bautizo jȩi̧nä̧u̧.

San Marcos 1:5

Ja̧'wa̧nü̧ ja̧'a̧ttü̧ Judea rȩjȩ ttü̧ja̧'i̧nä̧, Jerusarȩ́ ttü̧ja̧'i̧nä̧, o'katoi'ünä̧ ichinä̧tü̧ Ju̧a̧ jiäu ä̧ju̧ku̧mä̧. Ja̧'wa̧ta̧nü̧ o'katoi'ünä̧ suronä̧ jȩttä̧'i̧jü̧ ji'äu ikuätürümä̧, Jordán ajettü, Ju̧a̧-mä̧ bautizo jȩi̧nä̧u̧.

San Lucas 22:57

Päjäku Peduru-mä̧ ä̧ppü̧ti̧'ü̧ pä'inü̧: —Dijua'aju, jua̧u̧mä̧ yoriso chieruwäku.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

Hechos 19:18

Ja̧'wa̧ta̧nü̧ rekuätü Jesú-ru esetü ikuätümä̧, ichinä̧tü̧ ttü̧ja̧ ttä'ka jo̧mȩttü̧ suronä̧ jȩttä̧'i̧jü̧ ji'äu iku,

Romanos 3:26

Isopäi'ünä̧ jua̧u̧mä̧ a̧mi̧'ki'ächi'ü tta̧'ä̧rü̧. Jitä pi̧yȩ mo̧ro̧ i̧jȩpi̧nü̧ ujuturu adiwä isotü jü̧nä̧ juo'epinü̧; Chutämä̧ adiwä juei i̧sa̧ ja̧'a̧ttü̧, Jesucrito-rü esetätürümä̧ adiwä isotü päi'ünä̧ jȩpi̧nü̧.

1 Corintios 1:9

Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

1 Timoteo 1:15

Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Hebreos 11:11

Ja̧'wa̧ta̧nü̧ kka̧'kua̧ ku̧wȩnä̧ro̧mȩttü̧, Sara-mä̧, kki̧tti̧mü̧ to'aju kka'anä̧, kkujuru ȩmi̧nä̧ju̧, kki̧tti̧rü̧ o'kaju juoja pä'ümä̧, täkü kkubüäkuächina̧'a̧nä̧. Jua'amä̧, ttürü ukuokuinü̧mä̧, päinü̧ta'anü̧ jȩä̧kua̧ pä'ü kkeseta'attü.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

Apocalipsis 15:3

Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.