1 Juan 1:7 - Nuevo Testamento Uwotjüja

⁷ Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

TÄ̧DO Ä̧CUÄ̧ I̧HUȨNȨ

⁷ Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

1 Juan 1:7 ပူးပေါင်းရင်းမြစ်များ

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

San Juan 5:4

Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.]

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Santiago 1:17

O'kajuiyünä̧ adiwäjuei'i̧nä̧, jueü jäwä'i̧nä̧ ujuturu iyümä̧ ju'tojuttü ichü ja̧'a̧, Dio mo̧ro̧jä̧ jäwä aditinü̧ttü̧. Dio-mä̧ 'kuäopünä̧tä̧ chutä ja̧'a̧: ja̧u̧nä̧mä̧ 'kä̧u̧nä̧'i̧nä̧, yo̧ü̧'i̧nä̧ juiya'a.

1 Pedro 1:19

Ja̧'wa̧nü̧ ja̧jü̧jueimä̧ Crito ukuojanä̧ cordero jä̧'i̧nü̧'a̧nü̧ surojü'i̧nä̧ jui̧'a̧nä̧, surojuoepü'i̧nä̧ wokütä sacrificio jü̧nä̧ iyäwinü̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Juan 1:5

Jua̧u̧ Jesucrito-ttü ä̧ju̧kui̧nü̧'kotü ukuturu jitäumä̧ pi̧yȩ ja̧'a̧: Dio-mä̧ tȩya̧u̧tä̧ wa̧ ja̧'a̧ttü̧ jua̧u̧nä̧mä̧, yorisotä yo̧ü̧mä̧ juiya'a,

1 Juan 5:6

Pidetä, Jesucrito-tä ja̧'a̧ ajiyanä̧'i̧nä̧, ukuojanä̧'i̧nä̧ ichinümä̧, bautizo jȩtti̧nä̧ku̧ ajiyanä̧'i̧nä̧, 'korujuoächomȩnä̧ ukuoja werächinä̧ku̧. Dio-ttü ichü Epíritu-tä ja̧'a̧ pi̧yȩ toinü̧ ji'äumä̧, jua̧u̧ jiäumä̧ o'kajuiyünä̧ jueü wȩnȩtä̧ ja̧'a̧.

1 Juan 5:8

Epíritu Dio weinä̧ku̧'i̧nä̧, ajiya bautizo jȩä̧kuä̧wi̧nü̧'i̧nä̧ ja̧'wa̧ta̧nü̧ ukuoja, ü̧jo̧kä̧ jäittü werächinoya'i̧nä̧, jü̧nä̧. Ja̧'wa̧nü̧ ja̧'a̧ttü̧, pi̧yȩ [wäbodäkuänä̧ jo̧mȩnä̧ jü̧mä̧, ji̧nä̧ ji̧yȩtȩtä̧ jiäwa'a.]

2 Juan 1:4

Rü̧ä̧nä̧ esewächi'äjisä ukututtü yotukunä̧ isopäi'ünä̧ wȩnȩ pä'aku Tä'o Dio weü'anü̧ ttü̧ja̧kua̧'a̧ po̧kui̧pü̧mä̧.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.