1 Juan 1:5 - Nuevo Testamento Uwotjüja

⁵ Jua̧u̧ Jesucrito-ttü ä̧ju̧kui̧nü̧'kotü ukuturu jitäumä̧ pi̧yȩ ja̧'a̧: Dio-mä̧ tȩya̧u̧tä̧ wa̧ ja̧'a̧ttü̧ jua̧u̧nä̧mä̧, yorisotä yo̧ü̧mä̧ juiya'a,

TÄ̧DO Ä̧CUÄ̧ I̧HUȨNȨ

⁵ Pi̧yȩ huȩnȩ Jesucristottö tä̧ju̧cui̧nö̧mä̧, ucuturu ji'ähuätöjä. Jesucristo pä'inö: Dios chutä i̧tȩa̧u̧ttu̧ tȩa̧u̧ kä̧dȩpö̧nä̧ kö̧. Ja̧u̧ yo̧ö̧ yoröiso jui̧'a̧.

1 Juan 1:5 ပူးပေါင်းရင်းမြစ်များ

San Juan 1:19

Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

San Juan 1:4

Jua̧u̧nä̧tä̧ kki̧na̧'a̧ a̧'kua̧rä̧kuä̧wä̧mä̧ ja̧'wa̧ta̧nü̧, jua̧u̧ a̧'kua̧rä̧kuä̧wä̧mä̧, ttü̧ja̧ tti̧tȩya̧u̧ ji̧na̧'a̧.

San Juan 1:9

Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Juan 9:5

Ji̧nä̧ pi̧jä̧nä̧ chü̧jä̧i̧mä̧, Ttütäsä pi̧jä̧ i̧tȩya̧u̧sä̧.

1 Corintios 11:23

Isopäi'ünä̧ ttümä̧, Tu̧ru̧wa̧ttü̧ chemi̧nü̧mä̧, ukuturu'i̧nä̧ wo̧juȩti̧nü̧sä̧: Tu̧ru̧wa̧ Jesú-mä̧, iyü ttikuinü̧ yodomä̧, trigo i̧ri̧si̧ ȩmo̧po̧'ü̧;

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

Santiago 1:17

O'kajuiyünä̧ adiwäjuei'i̧nä̧, jueü jäwä'i̧nä̧ ujuturu iyümä̧ ju'tojuttü ichü ja̧'a̧, Dio mo̧ro̧jä̧ jäwä aditinü̧ttü̧. Dio-mä̧ 'kuäopünä̧tä̧ chutä ja̧'a̧: ja̧u̧nä̧mä̧ 'kä̧u̧nä̧'i̧nä̧, yo̧ü̧'i̧nä̧ juiya'a.

1 Juan 3:11

Isopäi'ünä̧, pi̧yȩ wȩnȩ ja̧'a̧ ä̧kuo̧mȩnä̧ttü̧tä̧ päi'ünä̧ kuä̧ju̧kui̧nä̧tu̧ku̧mä̧: «Yotükupünä̧ eseu repe'äkuäu tü̧ja̧kua̧ pä'ü.»

Apocalipsis 21:23

Ütawiyämä̧ mo̧ro̧ kkä̧wa̧'i̧nä̧, yodó kkä̧wa̧'i̧nä̧, itejäda pä'ümä̧ rekuä rü̧jo̧ka̧'a̧ ji̧na̧'a̧, jua'amä̧ Dio i̧tȩya̧u̧tä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧ i̧tȩya̧u̧tä̧ ja̧'a̧ttü̧.

Apocalipsis 22:5

Juȩnȩmä̧ yodo'i̧nä̧ juiyäkua'a ja̧'wa̧ta̧nü̧ juȩnȩ kka̧kuä̧tü̧mä̧ ra̧pa̧ra̧ i̧tȩya̧u̧'i̧nä̧ mo̧ro̧ kkä̧wa̧ i̧tȩya̧u̧'i̧nä̧ rekuämä̧ rü̧jo̧ko̧u̧ ttäkuotü, jua'amä̧ ttu̧ru̧wa̧ Dio-tä itejäda'attü ja̧'wa̧ta̧nü̧ jua̧u̧tä̧ 'kuäopünä̧tä̧ ruwomä̧ wȩä̧kua̧.