1 Juan 1:3 - Nuevo Testamento Uwotjüja

³ Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

1 Juan 1:3 ပူးပေါင်းရင်းမြစ်များ

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 19:35

Pi̧yȩ topinü̧mä̧, ji'äu, jua̧u̧ jiäumä̧ isopäi'ünä̧tä̧ ja̧'a̧; jua̧u̧mä̧ isopäi'ünä̧ ji̧yä̧ku̧ jiäu, ukutu'i̧nä̧ kuesetätukua pä'ü.

Hechos 13:32

Ja̧'wa̧nü̧ ja̧'a̧ jitämä̧ ukuturu pi̧yȩ jareü wȩnȩ ji'äwätüjä̧: Tü̧tä̧mü̧ mi̧nä̧rü̧, Dio-mä̧ jȩchä̧kua̧sä̧ päinü̧ta'anü̧ jȩpi̧nü̧ pä'ü,

Hechos 13:41

«Ukutu kkü'kokotümä̧, dü'eku i̧wä̧tu̧kui̧. Isopäi'ünä̧ ku̧jä̧tu̧ku̧ mo̧ro̧mä̧ ji̧yȩtȩ chaditäkua̧sä̧, jittäwomȩnä̧'i̧nä̧ kuesetätukuokü jäwä.»

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Hechos 20:27

Isopäi'ünä̧ Dio amükuädinü̧mä̧, yedekuoka'a o'kajuiyünä̧ ji'äwinü̧sä̧.

Hechos 4:20

Isopäi'ünä̧ ujutu totinü̧mä̧ ja̧'wa̧ta̧nü̧ tä̧ju̧kui̧nü̧mä̧ tä̧ppü̧ti̧'a̧ pä'ümä̧ juiya'a.

Romanos 15:27

Jua'amä̧ jitütä eseu amükuädü jȩpä̧jä̧tü̧, isopäi'ünä̧ ja̧'wa̧nü̧ jȩtta̧ pä'ütä ja̧'a̧. Judío Crito-rü esetätümä̧ judío pokotürü epíritu jäwä ttiyina̧'a̧ttü̧, pärokua'aku'i̧nä̧ iweye ttu̧ju̧nä̧rü̧nä̧ Crito-rü esetätü judío-rü ppättäda pä'ü ja̧'a̧.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

1 Corintios 1:9

Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

1 Corintios 15:1

Jitämä̧, chawaruwä chi̧jä̧wa̧tü̧, jareü wȩnȩ jidäwinü̧ kuamükuädätukua pä'üsä. Pi̧yȩtä̧ ja̧'a̧ jareü wȩnȩ esetinü̧'kotü, ji̧yȩnä̧tä̧ 'kiyünä̧ ku̧ja̧kuä̧tu̧ku̧mä̧.

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Filipenses 2:1

Ja̧'wa̧nü̧ ja̧'a̧ttü̧, Crito-rü esetü ku̧jä̧tu̧kuo̧mȩnä̧ kuesewätukunä̧, ro̧kuȩkuä̧tu̧ku̧nä̧, Epíritu-nä̧ ji̧nä̧ ji̧yȩtȩnä̧ ku̧ja̧kuä̧tu̧ku̧nä̧, rȩrü̧jü̧nü̧ to'kuäkuäwätukunä̧ kujurutuku iyinü̧ jü̧ttü̧mä̧,

Filipenses 3:10

Ja̧'wa̧ta̧nü̧ Jua̧u̧ru̧ chu̧wo̧jua̧ pä'ü'i̧nä̧, wa'arettü ttoächäkuäwä ujuru chu̧wo̧jua̧ pä'ü'i̧nä̧, Ja̧'wa̧ta̧nü̧ Ubara ttuinü̧ta̧'a̧nü̧ ubara ttuda pä'ü'i̧nä̧ pä'üsä; Ja̧'wa̧ta̧nü̧ Chutä 'korupäi'inü̧ta̧'a̧nü̧'i̧nä̧ 'korujuodächa pä'üsä,

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

1 Tesalonicenses 1:10

Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.

1 Timoteo 6:2

Ja̧'wa̧ta̧nü̧ yotüte Dio-rü esetätürü tturuwotü päi'ünä̧ kku̧nä̧rä̧tü̧mä̧ ttukuotoka'amä̧ jȩttä̧'chü̧ juiyü'anü̧ ja̧'a̧, tta̧'kua̧ wȩnä̧rä̧kuä̧wä̧nä̧ ttawaruwä ttü̧jä̧wa̧tü̧ jo̧mȩttü̧. Ja̧'wa̧nü̧ jȩtta̧jueimä̧ yabonä̧nü̧ adiunä̧nü̧tä̧ ppättädä̧rü̧'a̧nü̧ ja̧'a̧, jua'amä̧ Crito-rü esetätütä ja̧'wa̧ta̧nü̧ ttawaruwä ttü̧jä̧wa̧tu̧ku̧ eseu repe'ätütä ja̧'a̧ttü̧ adiwäjuei adikuä ȩmä̧tü̧mä̧. Pi̧yȩmä̧ ji'äu wo̧juȩti̧:

Hebreos 2:12

Ja̧'wa̧nü̧ ja̧'a̧ttü̧ päina̧'a̧, pa̧'a̧: «Uku kui̧mi̧ ji̧dä̧wä̧kua̧sä̧ chi̧jä̧wa̧tü̧rü̧, ttü̧ja̧ ttä'ka jo̧mȩttü̧ ra̧wä̧wä̧ ukuru ra̧dä̧kua̧jä̧.»

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

2 Pedro 1:16

Tu̧ru̧wa̧ Jesucrito ujuru'i̧nä̧, ppa̧wä̧chä̧kuȩ'i̧nä̧ tu̧wo̧juȩti̧nü̧mä̧ täbo wȩnȩ ttü̧ja̧ rättepinü̧mä̧ jo̧ka̧'a̧ ji̧na̧'a̧, ja̧'wa̧nü̧ ja̧jü̧jueimä̧ tu̧ru̧wa̧ ü̧rü̧ä̧mä̧ ta̧mü̧nä̧ ti'ärenä̧ topinä̧tü̧jä̧.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

1 Juan 1:5

Jua̧u̧ Jesucrito-ttü ä̧ju̧kui̧nü̧'kotü ukuturu jitäumä̧ pi̧yȩ ja̧'a̧: Dio-mä̧ tȩya̧u̧tä̧ wa̧ ja̧'a̧ttü̧ jua̧u̧nä̧mä̧, yorisotä yo̧ü̧mä̧ juiya'a,

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.